Barranin
Christine Lagarde, il-President il-ġdid tal-Bank Ċentrali Ewropew

Christine Lagarde ħadet il-kariga ta’ President tal-Bank Ċentrali Ewropew illum, flok Mario Draghi.

Mexxejja politiċi rringrazzjaw lil Draghi talli pproteġa l-ewro matul il-kriżi finanzjarja globali u awguraw ukoll bidu tajjeb għal Lagarde bħala l-gwardjana ġdida tal-munita..

L-ewwel president mara tal-Bank ser tiret kważi ebda għodda mill-predeċessur tagħha – fi żmien meta inflazzjoni persistentament baxxa u tkabbir ekonomiku dgħajjef qed juru l-limitazzjoni ta’ politika monetarja.

Hija tiret ukoll sensiela ġdida ta’ stimulu monetarju, li l-ex President irnexxielu jikseb approvazzjoni għalih fl-aħħar ġimgħat, parzjament bit-tama li t-transizzjoni lejn it-tmexxija ta’ Lagarde tkun bla tfixkil.

Christine Lagarde mhix ser tbiddel dak kollu li għanel Draghi. Esperti jgħidu li l-akbar biċċa xogħol li qed tippressa  hija kif ser tgħaqqad id-differenza bejn il-gvernaturi tal-Bank Ċentrali Ewropea u li ż-żewġ naħat jitkellmu ma’ xulxin.

L-analisti mhumiex jistennew xi bidla imminenti fil-politika monetarja.

Aktar milli toqgħod fuq il-politika monetarja, Lagarde jidher li ser tappella lill-gvernijiet sabiex jużaw il-politika tagħhom biex jixprunaw l-ekonomija taż-żona tal-ewro, partikularment biż-żieda ta’ infieq fuq proġetti infrastrutturali vitali.

Il-President l-ġdida, li għandha 63 sena, mhijiex ekonomista u ser jkollha toqgħod fuq l-esperjenza teknika ta’ membri oħra tal-kunsill. Iżda hija magħrufa bħala politika li għandha konnessjonijiet tajbin li ġiet imfaħħra li rnexxielha tiggwida lill-Fond Monetarju Internazzjonali wara l-kriżi finajzarja.

Iżda l-ħiliet ta’ tmexxija ta’ Lagarde ser jiġu ttestjati mal-ewwel jum tal-kariga ta’ tmien snin.

Bħallikieku dan mhuwiex xogħol biżżejjed, Lagarde ftit tal-jiem ilu qalet li hija interessata ukoll dwar kwistjonijiet bħal inugwaljanza, poter lin-nisa fil-finanzi u l-impatt ekonomiku tat-tibdil fil-klima.  Iżda meta riċentament kienet mistoqsija jekk tagħmilx dak kollu li tista biex issalva l-ewro, hija ammettiet li l-Bank Ċentrali Ewropew m’għandux bakketta maġika u jew li hija xi fatata.

Aħbarijiet Oħra
Barranin

Muniti L-Isterlina tbaxxiet għar-raba’ jum wara l-ieħor kontra d-Dollaru hekk kif is-saħħa tal-munita Amerikana u t-tħassib dwar il-bidu tat-taħditiet kummerċjali bejn ir-Renju Unit u l-Unjoni Ewropea warrbu min-nofs l-istatistika li…

Barranin

Muniti Id-dollaru żdied illum għall-ogħla rata fi kważi 3 snin kontra l-ewro, li kienet taħt pressjoni minn stħarriġ Ġermaniż li wera tnaqqis fil-fiduċja tal-investitur fl-ikbar ekonomija tal-Ewropa. L-ewro tbaxxa b’0.36%…

Barranin

Muniti L-ewro tħabat biex żamm qrib l-inqas rata fi tliet snin hekk kif l-investituri huma mħassba dwar it-tnaqqis fit-tkabbir fir-reġjun, waqt li l-isforzi Ċiniżi biex jillimitaw il-ħsara mill-coronavirus jidher li…

Barranin

Muniti L-ewro tbaxxa għall-inqas rata f’erba’ snin u nofs kontra l-Frank Żvizzeru llum u l-yen issaħħaħ hekk kif l-investituri fittxew assi sikuri wara li l-provinċja ta’ Hubei fiċ-Ċina, l-epiċentru tal-coronavirus,…

Aktar