Barranin
Daqqa ta’ ħarta oħra għall-Ewro wara r-riżenja tal-ministru tal-intern Ġermaniż

Muniti

L-Ewro ħa daqqa ta’ ħarta llum wara li l-Kanċellier Ġermaniża Angela Merkel għandha problema għax il-ministru tal-intern tagħha offra r-riżenja minħabba tilwima dwar il-politika u l-kwistjoni tal-migrazzjoni li qed tikber.

Il-munita unika waqgħet 0.40% għal $1.1636 u sofriet it-tielet xahar konsekuttiv ta’ telf kontra d-Dollaru matul Ġunju. Waqt li l-ekonomisti jistennew ħsara ekonomika diretta mit-tariffi imposti sa ċertu punt ikkontrollata, talanqas għalissa, bosta jaraw l-irtirar tal-gloabalizzazzjoni ser ikollu riperkussjonijiet negattivi fis-snin li ġejjin, bit-tnaqqis fit-tbassir dwar it-tkabbir fit-tul tal-kumpaniji.

L-Ewro żdied 0.20% kontra l-Isterlina waqt li tilef 0.32% kontra l-Yen u 0.10% kontra l-Frank Żvizzeru.

Indiċi

L-ishma Ewropej fetħu aktar baxxi llum hekk kif t-tħassib dwar il-politiki kummerċjali tal-Istati Uniti u dwar il-Gvern ta’ koalizzjoni Ġermaniża tefgħu pressjoni fuq is-sentiment. L-istatistika ekonomika wkoll ma assiguratx lill-investituri bit-tkabbir fil-produzzjoni fiż-żona tal-Ewro jitbaxxa għall-inqas livell fi 18-il xahar matul Ġunju fost tħassib mifrux dwar it-tariffi kummerċjali ġodda.

L-iSTOXX 50 tilef 0.62% mifrux fuq il-boroż u setturi Ewropej. Il-FTSE 100, id-DAX u l-CAC 40 kienu kollha f’territorju negattiv bil-CAC 40 jsofril-–akbar tnaqqis ta’ 0.78%.

Id-Dow Jones fetaħ bi tnaqqis ta’ 0.11 waqt li l-Indiċi tal-Borża ta’ Malta żdied b’0.687%.

Ishma

Fil-Borża ta’ Malta, l-ishma ta’ FIMBank, Medserv, Malita Investments, il-MIDI u Simonds Farsons Cisk żdiedu b’aktar minn 2% bil-FIMBank jirreġistra żieda ta’ 6.93%.

Sadattant l-RS2 Software u l-GlobalCapital tilfu aktar minn 1.00% bil-Global Capital jonqsu bi 2.07%.

Bonds

Fis-sessjoni tal-bonds, il-Bank of Valletta 2030 (it-Tieni Serje), l-iStivala Group Finance 2027, il-GlobalCapital 2021 u l-International Hotel Investments 2026 (It-tieni serje) wrew żieda ta’ 1.10%, 0.24%, 0.14% u 0.09% rispettivament. Sadattant l-International Hotel Investments 2026, il-Hudson Malta 2026 u l-International Hotel Investments 2025 tbaxxew b’0.01%, 0.35% u 1.26% rispettivament.

Il-prezzijiet taż-żejt waqgħu llum hekk kif żdiedet il-provvista mill-Arabja Sawdija u mir-Russja waqt li tbaxxa t-tkabbir ekonomiku fl-Asja fosthom minħabba t-tilwima kummerċjali li qed tikber mal-Istati Uniti.

Il-Brent tbaxxa b’0.94% għal $78.32 waqt il-U.S. light crude tilef 0.49% għal $73.79 kull barmil.

Il-prezz tad-deheb żdied b’0.32% waqt li dak tal-fidda b’1.35%.

Aħbarijiet Oħra
Barranin

Muniti Id-Dollaru reġa’ waqa’ għall-inqas livell f’seba’ ġimgħat kontra grupp ta’ muniti ewlenin hekk kif naqas it-tħassib dwar l-impatt tat-tilwima kummerċjali bejn iċ-Ċina u l-Istati Uniti. Is-swieq finanzjarji issa qed…

Barranin

Id-Dollaru resaq lejn l-inqas rata f’seba’ ġimgħat kontra grupp ta’ muniti oħrajn, waqt li l-muniti bbażati fuq l-prodotti essenzjali avvanzaw wara serħan li l-aħħar rawnd ta’ tariffi mħabbra miċ-Ċina u…

Barranin

Muniti Id-Dollaru żamm qrib l-inqas rati f’seba’ ġimgħat kontra r-rivali tiegħu waqt li muniti riskjużi żdiedu wara li l-President Trump kabbar it-tilwima maċ-Ċina bl-impożizzjoni ta’ tariffi ta’ 10% fuq madwar…

Barranin

Id-Dollaru llum tilef iż-żidiet bikrija u tbaxxa waqt li l-muniti tas-swieq emerġenti tilfu kważi nofs punt perċentwali hekk kif l-investituri qed jistennew il-mossa li tmiss fit-tilwima kummerċjali bejn l-Istati Uniti…

Aktar