Barranin
Diskorsu jtappan is-sentiment tal-investituri

Muniti

Id-dollaru ftit li xejn inbidel wara li l-President Trump f’diskors li għamel ma ta ebda dettalji ġodda dwar il-gwerra kummerċjali maċ-Ċina.

Il-Frank Żvizzeru tela’ għall-ogħla rata f’xahar kontra l-ewro hekk kif xi hedge funds biegħu l-ewro għax is-sentiment għal assi riskjużi tbaxxa minħabba l-inkwiet li qed jikber f’Hong Kong. Kontra l-ewro, il-frank żdied b’0.27% għal 1.0904 frank kull ewro, u b’hekk tela’ għall-ogħla rata mid-9 ta’ Ottubru meta kien żdied bl-istess marġni kontra d-dollaru.

Sadattant, id-dollaru ta’ New Zealand kien l-aħjar li mar u kellu l-akbar żieda f’jum f’sena wara li l-bank ċentrali ħasad lill-investituri meta ma żiedx ir-rati tal-interessi.

Indiċi

L-ishma Ewropej illum irtiraw mill-ogħla prezzijiet f’erba’ snin, għax id-diskors tant mistenni tal-President Trump ftit li xejn ta ħjiel dwar il-progress tat-taħditiet kummerċjali maċ-Ċina u hekk kif il-protesti kontra l-gvern f’Hong Kong komplew bis-saħħa u dan tappan is-sentiment tal-investituri.

L-ishma fl-Istati Uniti tilfu fil-ftuħ tan-negozju wara li Trump hedded li jżid “sostanzjalment” it-tariffi jekk iċ-Ċina ma tilħaqx ftehim mal-Istati Uniti u anke minħabba t-tensjoni tikber f’Hong Kong.

Il-prezzijiet taż-żejt waqgħu llum hekk kif naqsu l-prospetti ta’ ftehim bejn l-Istati Uniti u ċ-Ċina, u dan laqat ħażin il-prospetti għall-ekonomija globali u d-domanda għaż-żejt.

Il-prezzijiet tad-deheb żdiedu llum minħabba nuqqas ta’ ċarezza dwar it-taħditiet bejn l-Istati Uniti u ċ-Ċina, u dan żamm lis-swieq anzjużi dwar l-effett tal-gwerra kummerċjali fuq l-ekonomija dinjija.

Aħbarijiet Oħra
Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Barranin

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Aktar