Ftehim bejn l-Istati Uniti u ċ-Ċina jaffettwa tajjeb lil xi muniti

Muniti sensittivi għall-kummerċ bħad-Dollaru Awstraljan u l-Yuan Ċiniż żammew taħt l-ogħla livell f’erba’ xhur milħuq dalgħodu hekk kif serħan wara l-ftehim bejn l-Istati Uniti u ċ-Ċina ta lok għal kawtela minħabba nuqqas ta’ dettalji.

L-Isterlina baqgħet imsaħħa mir-rebħa kbira fl-elezzjoni tal-ġimgħa li għaddiet mill-Partit Konservattiv tal-Prim MInistru Boris Johnson, waqt li l-Krona Norveġiża telgħet għall-ogħla rata  fi kważi tliet xhur qabel il-laqgħa din il-ġimgħa tal-Bank Ċentrali Norveġiż.

L-ewro żdied 0.3% għal $1.1154 u wera ftit li xejn reazzjoni mmedjata għal statistika li wriet li t-tkabbir fin-negozju fiż-żona tal-ewro baqa’ dgħajjef matul Diċembru.

Indiċi

L-ishma Ewropa laħqu livell għoli record llum hekk il-ftehim kummerċjali “kważi lest” bejn l-Istati Uniti u ċ-Ċina żamm il-momentum għaddej wara l-irkupru mqajjem mir-rebħa Konservattiva fir-Renju Unit.

Fl-Istati Uniti, l-S&P 500 u n-Nasdaq ukoll laħqu livell rekord fil-ftuħ illum, mgħejuna minn statistika tajba miċ-Ċina u tnaqqis fit-tensjoni bejn iż-żewġ pajjiżi, waqt li l-kumpanija Boeing tbaxxiet minħabba tħassib dwar il-bidliet fil-produzzjoni tal-Boeing 737 li bħalissa ma jistgħux jittajru u dan illimita ż-żidiet fid-Dow Jones.

Fil-qasam tal-ishma lokali, il-GO żdiedu b’0.48%; l-HSBC Bank Malta tilfu 0.85%; il-Plaza Centres tilfu 0.99% waqt li l-MIDI wrew tnaqqis ta’ 3.30%. It-Trident Estates marru l-agħar bi tnaqqis ta’ 6.06%.

Fis-sessjoni tal-bonds lokali, il-Mariner Finance 2024 tilfu 0.75%; is-6PM Holdings 2025 tbaxxew b’0.64% u l-Hudson Malta 202 b’1.89%. Il-Corinthia Finance 2026 tilfu 0.48%; l-Eden Finance 2027 żdiedu b’0.35%; il-Bortex Group Finance 2027 tbaxxew b’0.49% u t-Tum Finance 2029 tbaxxew b’0.40%.

Il-prezzijiet taż-żejt żammew qrib l-ogħla livell fl-aħħar tlitt xhur, mgħejuna mill-aħbar tal-ġimgħa li għaddiet ta’ ftehim kummerċjali inizjali bejn l-Istati Uniti u ċ-Ċina. Il-Brent  żdied 0.54% għal $65.57 u l-West Texas Intermediate wera żieda ta’ 0.28% għal $60.22.

L-Istati Uniti u ċ-Ċina nhar il-Ġimgħa ħabbru ftehim tal-“ewwel fażi” li ser inaqqas xi tariffi Amerikani bi skambju ma’ dak li uffiċjali Amerikani qalu li ser tkun żieda qawwia fix-xiri miċ-Ċina ta’ prodotti agrikoli u oħra mill-Istati Uniti.

Il-prezzijiet tad-deheb issodaw illum hekk kif  dollaru aktar dgħajjef u nuqqas ta’ dettalji dwar il-ftehim bejn l-Istati Uniti u ċ-Ċina naqqsu l-pressjoni miż-żidiet fis-swieq finanzjarji.

Aħbarijiet Oħra
Barranin

Muniti L-ewro tbaxxa għall-inqas rata f’xahrejn kontra l-yen għal 119.94 yen kmieni matul il-jum. Il-munita unika tilfet ukoll kontra l-Frank Żvizzeru, għall-inqas livell fi 33 xahar ta’ 1.0683 frank kull…

Barranin

L-ewro llum baqa’ qrib l-inqas rata kontra d-dollaru f’seba’ ġimgħat wara li l-Bank Ċentrali Ewropew deher aktar kawt milli mistenni, waqt li l-ansejtà dwar l-imxija tal-coronavirus fiċ-Ċina tat spinta lill-yen, meqjus bħala…

Barranin

Muniti L-ewro tilef 0.22% wara l-laqgħa mistennija tal-Bank Ċentrali Ewropew, waqt li l-yuan Ċiniż tbaxxa minħabba il-biża’ dwar it-tixrid tal-viarus. Ewro kien jiswa $1.1067. Il-President tal-Bank Ċentrali Ewropew, Christine Lagarde…

Barranin

Muniti L-ewro llum baqa’ fl-inqas livell f’xahar fost aspettattivi li l-Bank Ċentrali Ewropew ser jadottaw ton kawt meta jiltaqa’ għada. Stħarriġ mill-Istitut ta’ Riċerka Ġermaniż, ZEW, wera li s-sentiment tal-investituri…

Aktar