Lokali
GO taħtar Chairman ġdid

Is-Sur Mohamed Fadhel Kraiem inħatar Chairman ta’ GO p.l.c. Hu se jkun qed jissostitwixxi lis-Sur Nizar Bouguila, li rrinunzja l-kariga tiegħu b’effett mit-22 ta’ Novembru 2017.

Is-Sur Kraiem, li hu ukoll President u Kap Eżekuttiv tal-Grupp Tunisie Telecom (TT), l-azzjonist maġġoritarju ta’ GO p.l.c., ingħaqad ma’ TT f’Lulju 2010 bħala Deputat Kap Eżekuttiv inkarigat mill-attivitajiet kummerċjali u finanzjarji.  Fl-2016 inħatar Kap Eżekuttiv ta’ Monoprix, kumpanija ewlenija tar-retail fit-Tuneżija. Hu rritorna mal-Grupp TT aktar kmieni fl-2017 u jippresjedi ukoll numru ta’ sussidjarji tagħha, inklużi Topnet, Mattel, Sotetel u Diva Sicar.

Is-Sur Kraiem qal, “GO hi organizzazzjoni ewlenija bi prestazzjoni tajba. Jien ħerqan li naħdem mat-tim kollu u mat-tmexxija tal-Grupp biex inkomplu nimxu ‘l quddiem f’ numru ta’ oqsma importanti f’Malta u f’Ċipru. Nixtieq ukoll nirringrazzja lis-Sur Bouguila għas-servizz li ta lil GO  u li mexxa b’suċċess il-kumpanija fejn iggwidaha f’perjodu interessanti ta’ bidla u sfida.”

Gradwat b’diplomi kemm mill-Ecole Polytechnique kif ukoll mill-Ecole Nationale des Télécommunications (Pariġi), li huma żewġ istituzzjonijiet prestiġġjużi, is-Sur Kraiem beda l-karriera tiegħu fi Franza mal-CAP GEMINI Telecom Group. Wara erba’ snin ingħaqad ma’ Vivendi Group fejn kellu bosta pożizzjonijiet għolja: l-ewwel fis-sussidjarja SFR bħala Programme Manager, imbagħad ma’ Maroc Telecom bħala Uffiċjal Ewlieni tal-Informazzjoni. Fl-2006, ingħaqad ma’ INWI, it-tielet operatur fil-Marokk, fejn kien Viċi President Eżekuttiv inkarigat mill-IT u Network.

Aħbarijiet Oħra
Barranin

Muniti Il-muniti Ewropej tbaxxew hekk kif sinjali li t-tkabbir qed jidgħajjef jitfgħu dubju dwar l-abbiltà li l-banek ċentrali fir-reġjun jirtiraw mill-istimulu straordinarju. L-ewro tbaxxa għall-inqas rata f’xahrejn taħt $1.14, jum…

Barranin

Muniti Tħassib dwar il-pjani tal-baġit tal-Italja, evidenti minn żieda fid-dħul tal-bonds, kien wieħed mill-fatturi ewlenin li eżerċita pressjoni ‘l isfel fuq l-ewro. Jidher li l-investituri studjaw sewwa l-aħħar ottimiżmu mill-aġenzija…

Lokali

Biex tiċċelebra l-għaxar edizzjoni tal-kompetizzjoni Bols Around World Lucas Bols qed tistieden lit-timijiet li jaħdmu fil-bars biex jipparteċipaw fl-edizzjoni tal-2019. Għaliex, fl-aħħar mill-aħħar, wara l-cocktails eċċellenti dejjem issib tim sħiħ…

Aktar