HSBC Malta jikseb it-titlu Bank tas-Sena għall-2017 minn ‘The Banker’ għat-tieni sena konsekuttiva

Għat-tieni sena konsekuttiva, il-Bank HSBC Malta rebaħ t-titlu ta’ Bank tas-Sena f’Malta għall-2017 li jingħata mill-pubblikazzjoni prestiġjuża ‘The Banker’ tal-Financial Times. L-unur jirrikonoxxi l-progress sinifikanti li HSBC qed jagħmel biex jippożizzjona n-negozju tiegħu bil-għan li jirnexxi f’ambjent ta’ tibdil operattiv għall-banek.

Bir-rebħa tar-rikonoxximent bħala l-istituzzjoni finanzjarja ewlenija ta’ Malta, HSBC Malta ngħata l-premju ‘Bracken Award’ li hu meqjus bħala l-‘Oscar’ fid-dinja finanzjarja. L-unur jirrikonoxxi għadd ta’ aspetti fil-kisbiet tal-banek bħalma huma l-qligħ, tkabbir tal-kapital, ritorn fuq ekwità kif ukoll l-applikazzjoni  ta’ standards ġodda u l-adozzjoni ta’ teknoloġiji ġodda u metodi innovattivi ta’ espansjoni tan-negozju. L-unur hu msemmi wara Brendan Bracken li, fl-1926, kien il-fundatur u editur ta’ ‘The Banker. Hu kien ukoll iċ-Chairman tal-Financial Times mill-1945 sal-1958.

L-unur tal-Bank tas-Sena f’Malta ngħata liċ-Chairman ta’ HSBC Malta Sonny Portelli, il-Kap Eżekuttiv Andrew Beane, flimkien ma’ grupp ta’ membri tal-istaff mill-kumpanija waqt l-attività ta’ għoti ta’ premjijiet li saret f’Londra.

Andrew Beane qal: “Dan il-premju hu ta’ ġieħ għall-kollegi tiegħi ta’ HSBC li ħadmu bla heda biex jappoġġjaw lill-klijenti tagħna waqt perjodu ta’ bidla fin-negozju tagħna. Fid-dinja tal-lum, il-profitabiltà għandha tkun appoġġjata minn livell għoli ta’ standards ta’ konformità u ġestjoni tar-riskju. Filwaqt li l-implimentazzjoni ta’ dawn l-istandards il-ġodda jistgħu jkunu ta’  sfida, inħossni kburi li l-kisbiet tagħna f’dan u f’oqsma oħra kienu rikonoxxuti bħala miżuri li huma fuq quddiemnett tal-industrija f’Malta. Nirringrazzja lill-klijenti u lill-azzjonisti tagħna għall-appoġġ tagħhom, u nittama li dan il-premju isaħħaħ il-fiduċja biex ikomplu jużaw u jinvestu ma’ u f’HSBC Malta.”

Aħbarijiet Oħra
Barranin

L-irkupru tad-Dollaru llum waqaf hekk kif id-dħul mill-bonds tat-Teżor tbaxxa wara żieda qawwija fil-munita minħabba t-tnaqqis tat-tensjoni kummerċjali bejn l-Istati Uniti u ċ-Ċina. L-Isterlina ssaħħet kontra l-Ewro ġeneralment aktar b’saħħtu…

Barranin

Id-dollaru żdied għall-ogħla rata f’ħames xhur illum hekk kif tnaqqas it-tħassib dwar gwerra kummerċjali bejn l-Istati Uniti u ċ-Ċina, u dan ħajjar l-investituri biex ikabbru s-sentiment favur il-munita Amerikana. L-investituri…

Barranin

L-Ewro llum tbaxxa għall-inqas rata f’ħames xhur għax l-investituri qed juru tħassib dwar it-talbiet tal-partiti populisti li mistennija jiffurmaw gvern fl-Italja u hekk kif żieda ġdida fid-dħul tal-bonds tat-Teżor Amerikan…

Barranin, Lokali

L-ewro baqa’ mwaħħal qrib l-inqas rata wara l-aħbar ta’ tkabbir ekonomiku dgħajjef aktar milli mistenni fil-Ġermanja u żieda fid-dħul mill-bonds tat-Teżor Amerikan għenet lid-dollaru jirkupra wara pawsa fiż-żidiet. Is-saħħa tad-dollaru…

Aktar