Lokali
HSBC Malta jingħaqad mal-kampanja globali ta’ ġbir ta’ ġugarelli biex inissel tbissima

HSBC Malta qed jistieden lill-pubbliku biex jingħaqad mal-impjegati u l-familji tagħhom f’kampanja ta’ ġbir ta’ ġugarelli bil-għan li jinfirex ftit ferħ fost it-tfal li jinsabu f’ċirkostanzi inqas ixxurtjati matul l-istaġun festiv. HSBC Malta qed jingħaqad ma’ 18-il pajjiż ieħor madwar in-netwerk tal-bank għal din l-inizjattiva li ilha ssir fuq bażi regolari sa mill-2007. Is-sena l-oħra nġabru u tqassmu 18,166 ġugarell

Attivitajiet madwar il-pajjiżi parteċipanti tal-HSBC tnedew fl-20 ta’ Novembru biex jiċċelebraw il-Jum Universali tat-Tfal tan-Nazzjonijiet Uniti. Kull sena, din id-data tippromwovi l-għaqda internazzjonali, u ttejjeb il-benesseri tat-tfal. Kien ukoll propju f’din il-ġurnata fl-1989 meta l-Assemblea Ġenerali tan-Nazzjonijiet Uniti addottat il-Konvenzjoni dwar id-Drittijiet tat-Tfal.

F’Malta, il-Bank iddeċieda li jagħti l-ġugarelli lill-Fondazzjoni għas-Servizzi ta’ Ħarsien Soċjali, li tinkorpora fiha Aġenzija Appoġġ, Aġenzija Sedqa, u LEAP, kif ukoll l-Angel Three Club.

Il-Fondazzjoni għas-Servizzi ta’ Ħarsien Soċjali tikkoordina l-proġett Children’s Dream għal tfal li l-familji tagħhom jiffaċċjaw għadd ta’ diffikultajiet soċjali, filwaqt li l-Angel Three Club jappoġġja tfal u qraba ta’ priġunieri, ex-ħabsin, u vittmi ta’ kriminalità.

Il-ġugarelli jistgħu jitħallew fiż-żona tal-klijenti fil-fergħat kollha ta’ HSBC kif ukoll fl-Uffiċċju Ewlieni ta’ HSBC f’Ħal Qormi u l-Uffiċju Ewlieni tal-HSBC fil-belt Valletta matul il-ħinijiet normali tal-ftuħ sat-12 ta’ Diċembru. Għal raġunijiet ta’ saħħa, il-pubbliku hu mitlub li jagħti biss ġugarelli ġodda. Għal raġunijiet ta’ sigurtà dawn m’għandhomx ikunu mgeżwra.

HSBC kien involut f’għadd kbir ta’ proġetti għall-komunità tul l-istorja tiegħu ta’ 150 sena. L-għajnuna għaż-żgħażagħ biex jilħqu l-potenzjal tagħhom hi l-għan ewlieni tal-Programm Future Skills tal-Grupp. Fl-2016, il-Grupp ta għotja ta’ $137 miljun bħala parti mill-programmi tal-komunitajiet sostenibbli tiegħu, filwaqt li l-impjegati taw aktar minn 255,000 siegħa ta’ volontarjat matul il-ħinijiet tax-xogħol u aktar minn 439,000 siegħa mill-ħin privat tagħhom.

F’Malta, il-Fondazzjoni HSBC Malta tmexxi għadd ta’ programmi ffokati biex jgħinu lil tfal f’diffikultà.

Aħbarijiet Oħra
Barranin

Muniti L-isterlina waqgħet, l-ishma fl-Ewropa tbaxxew u l-prezzijiet bil-quddiem għall-ishma fl-Istati Uniti tilfu ż–żidiet li kellhom, hekk kif sensiela ta’ ministri Ingliżi rriżenjaw bi protesta għal ftehim tal-Prim Ministru Theresa…

Barranin

Muniti Il-muniti Ewropej tbaxxew hekk kif sinjali li t-tkabbir qed jidgħajjef jitfgħu dubju dwar l-abbiltà li l-banek ċentrali fir-reġjun jirtiraw mill-istimulu straordinarju. L-ewro tbaxxa għall-inqas rata f’xahrejn taħt $1.14, jum…

Barranin

Muniti Tħassib dwar il-pjani tal-baġit tal-Italja, evidenti minn żieda fid-dħul tal-bonds, kien wieħed mill-fatturi ewlenin li eżerċita pressjoni ‘l isfel fuq l-ewro. Jidher li l-investituri studjaw sewwa l-aħħar ottimiżmu mill-aġenzija…

Lokali

Biex tiċċelebra l-għaxar edizzjoni tal-kompetizzjoni Bols Around World Lucas Bols qed tistieden lit-timijiet li jaħdmu fil-bars biex jipparteċipaw fl-edizzjoni tal-2019. Għaliex, fl-aħħar mill-aħħar, wara l-cocktails eċċellenti dejjem issib tim sħiħ…

Aktar