Iċ-Ċina u l-Istati Uniti b’taħditiet bil-għan li jtemmu t-tilwima kummerċjali

Uffiċjali għolja Ċiniżi u mill-Istati Uniti jinsabu maqbudin f’taħditiet dwar id-dettalji ta’ sett ta’ ftehimiet bil-għan li jtemmu t-tilwima kummerċjali bejniethom, ġimgħa biss qabel mal-Gvern Amerikan jimponi tariffi ogħla.

Jekk iż-żewġ nahat ma jilħqux ftehim sal-1 ta Marzu, it-tariffi mill-Istati Uniti fuq $200 Biljun ta’ importazzjoni Ċiniża mistennija li jiżdiedu għal 25% minn 10%. Tariffi bi tpattijiet bejn iż-żewġ pajjiżi fixklu l-kummerċ internazzjoni u l-ekonomija globali naqqset mir-ritmu minn meta t-tilwima bdiet seba’ xhur ilu.

Dħul akbar mill-bonds Amerikani sostnew id-Dollaru llum, waqt li dak Awstraljan issoda wara l-waqgħa riċenti wara kummenti tajbin mill-bank ċentrali dwar il-projbizzjoni Ċiniża dwar l-importazzjoni ta’ faħam Awstraljan.

Il-prezzijiet taż-żejt llum kienu stabbli, mgħejjuna mill-produzzjoni mnaqqsa mill-OPEC u tamiet li l-Istati Uniti u ċ-Ċina se jtemmu ma jdumux it-tilwima ta’ bejniethom.

Minkejja dan, il-prezzijiet baqgħu taħt l-ogħla tal-2019 ta kmieni din il-ġimgħa hekk kif il-produzzjoni Amerikana laħqet rekord ta’ 12–il miljun barmil kuljum bl-esportazzjoni tiżdied ukoll.

Il-prezzijiet bil-quddiem tal-Brent kienu $67.18 kull barmil. Il-United States West Texas loem $57.15.

Ix-xerrejja qalu li l-prezzijiet żdiedu wara tamiet li l-Istati Uniti u ċ-Ċina jistgħu jirrisolvu t-tilwima qabel l-1 ta’ Marzu.

Il-prezzijiet taż-żejt kienu sostnuti wkoll mit-tnaqqis fil-produzzjoni mill-OPEC li qed inaqqsu 1.2 miljun barmil kuljum.

Goldman Sachs qal li jistenna li l-produzzjoni mill-OPEC mistennija tkun medja ta’ 31.1 miljun barmil kuljum matul l-2019.

Aħbarijiet Oħra
Barranin

Id-Dollaru llum kien riesaq lejn tnaqqis żgħir wara li kien laħaq l-ogħla rata f’sentejn minħabba dħul inqas mill-bonds tal-Gvern Amerikan hekk kif l-investituri qed jibżgħu li t-tilwima kummerċjali bejn l-Istati…

L-Isterlina ddgħajfet għal darb’oħra llum hekk kif qed tikber il-pressjoni fuq il-Prim Ministru Theresa May biex tiffissa d-data għar-riżenja wara aktar inkwiet fuq l-aħħar sforz tagħha dwar il-ħruġ mill-Unjoni Ewropea….

Barranin

Muniti Id-Dollaru żamm qrib l-ogħla rata f’xahar illum hekk kif it-tensjonijiet kummerċjali bejn l-Istati Uniti u ċ-Ċina baqgħu għoljin qabel ma l-minuti tal-Federal Reserve jagħtu ħjiel dwar x’kien wassal lill-mexxejja…

Barranin

Muniti Id-Dollaru llum żamm iż-żidiet li kellu l-ġimgħa li għaddiet hekk kif l-investituri qed jistennew il-minuti tal-laqgħa tal-Federal Reserve li jistgħu jagħtu aktar ħjiel dwar x’wassal biex id-diretturi jieħdu atteġjament…

Aktar