Barranin
Id-deheb jogħla qabel il-vot fil-Parlament Ingliż

Muniti

L-isterlina tilfet 0.5% għall-inqas rata tal-jum, wara li l-editur politiku tal-BBC kkwota sors li qal li l-Gvern jirtira l-leġiżlazzjoni dwar Brexit u jaħdem għall-elezzjoni ġenerali, jekk il-Parlament jivvota kontra l-abbozz propost. L-isterlina, li għal ftit ħin żdiedet għal aktar minn $1.30 ilbieraħ, issa rtirat b’aktar minn ċenteżmu, minħabba inċertezza dwar jekk il-Prim Ministru Johnson ikunx kapaċi li jikseb l-approvazzjoni tal-Parlament għall-ftehim u l-iskeda Parlamentari dwar Brexit.

L-ewro kien sod, wara li tela’ għall-ogħla rata f’xahrejn fis-sessjoni ta’ qabel kontra d-dollaru, hekk kif l-investituri kienu qed jistennew il-Parlament Ingliż biex jivvotaw dwar l-Abbozz dwar il-Ftehim ta’ Brexit, għax dan kien jitfa’ dawl dwar meta u kif ir-Renju Unit joħroġ mill-Unjoni Ewropea. L-abbozz kien mistenni jitqiegħed għall-vot għal ħabta tat-8.00.

L-ewro ma kellu ebda żieda mar-rata ta’ $1.1146 wara li kien żdied għall-ogħla livell f’xahrejn kontra l-munita Amerikana. Kontra basket ta’ minuti, id-dollaru kien newtrali bl-indiċi jimmarka 97.32. Il-Yen ukoll ma wera ebda żieda minn 108.575 għal kull dollaru, mhux wisq ’il bogħod mill-inqas livell f’xahar u nofs tal-ġimgħa li għaddiet.

Indiċi

L-ishma Ewropej waqfu tlett ijiem ta’ telf illum, għax l-investituri komplew jittamaw li r-Renju Unit ser jirnexxielu jeħles minn ħruġ diżordinat, waqt li aġġornamenti finanzjarji mill-kumpaniji u kummenti dwar ir-relazzjonijiet kummerċjali bejn l-Istati Uniti u ċ-Ċina saħħew is-sentiment pożittiv.

Wall Street fetħet ogħla llum, wara li rapporti finanzjarji tajbin mill-kumpaniji naqqsu t-tħassib dwar it-tkabbir domestiku u l-effett tal-gwerra kummerċjali maċ-Ċina, waqt li żieda fil-prezz ta’ Biogen tat saħħa lis-settur tal-kura tas-saħħa.

Ekwiti lokali u bonds

Fl-ishma lokali, il-BMIT Technologies tilfu 0.93%; il-GO wrew żieda ta’ 5.34%; l-HSBC Bank Malta żdiedu 0.80%; il-Malta International Airport tilfu 0.67%, il-PG avvanzaw b’1.08% u l-FIMBank u MIDI ma wrew ebda ċaqliq.

Fis-settur tal-bonds lokali, il-Medserv 2020/23 tilfu 0.30%; l-AX Investments 2024 żdiedu 0.66%; il-Von der Heyden Group Finance 2024 tilfu 0.47%; in-1923 Investments 2024 tilfu 0.72%; il-Hili Properties 2025 naqsu b’1.38%, is-Central Business Centres 2025 tilfu 0.48%, u l-SD Finance 2027 naqsu b’0.71%.

Prodotti Essenzjali

Il-prezzijiet taż-żejt żdiedu llum, wara li ċ-Ċina qalet li sar progress fit-taħditiet mal-Istati Uniti, iżda ż-żidiet kienu limitati minn tbassir ta’ żieda fil-ħażniet taż-żejt fl-Istati Uniti.

Il-prezzijiet tad-deheb żdiedu bi ftit qabel il-vot kruċjali mill-Parlamentari Ingliżi dwar il-ftehim dwar Brexit, għalkemm il-prospetti ta’ ftehim bejn l-Istati Uniti u ċ-Ċina llimitaw iż-żidiet.

Aħbarijiet Oħra
Barranin

Muniti L-Isterlina tbaxxiet għar-raba’ jum wara l-ieħor kontra d-Dollaru hekk kif is-saħħa tal-munita Amerikana u t-tħassib dwar il-bidu tat-taħditiet kummerċjali bejn ir-Renju Unit u l-Unjoni Ewropea warrbu min-nofs l-istatistika li…

Barranin

Muniti Id-dollaru żdied illum għall-ogħla rata fi kważi 3 snin kontra l-ewro, li kienet taħt pressjoni minn stħarriġ Ġermaniż li wera tnaqqis fil-fiduċja tal-investitur fl-ikbar ekonomija tal-Ewropa. L-ewro tbaxxa b’0.36%…

Barranin

Muniti L-ewro tħabat biex żamm qrib l-inqas rata fi tliet snin hekk kif l-investituri huma mħassba dwar it-tnaqqis fit-tkabbir fir-reġjun, waqt li l-isforzi Ċiniżi biex jillimitaw il-ħsara mill-coronavirus jidher li…

Barranin

Muniti L-ewro tbaxxa għall-inqas rata f’erba’ snin u nofs kontra l-Frank Żvizzeru llum u l-yen issaħħaħ hekk kif l-investituri fittxew assi sikuri wara li l-provinċja ta’ Hubei fiċ-Ċina, l-epiċentru tal-coronavirus,…

Aktar