Barranin, Lokali
Id-dollaru Awstraljan fl-aħjar livell f’7 snin

Il-valur tal-muniti

Id-dollaru baqa’ qrib l-inqas rata f’xahar kontra basket ta’ muniti, waqt li l-muniti marbuta mal-prodotti essenzjali bħad-dollari tal-Awstralja u tal-Kanada kienu fl-ogħla livell f’xahrejn grazzi għall-prezzijiet aħjar tal-enerġija u tal-metalli.

Id-dollaru Awstraljan illum riesaq lejn it-tielet ġimgħa ta’ żieda, u l-aħjar riżultat annwali f’seba’ snin, hekk kif l-ottimiżmu dwar it-tkabbir globali u prezzijiet tajbin għall-prodotti għenu biex ipattu għad-dħul inqas.

L-andament tal-isħma Ewropej

L-isħma Ewropej żammew sodi fl-aħħar jum ta’ negozju tal-2017, u kellhom l-aħjar avvanz annwali f’erba’ snin.

L-iSTOXX EUROPE 600 Index żied inqas minn 0.1% fil-volum u dan huwa madwar nofs il-medja fuq 30 jum, bl-isħma tal-minjieri juru żieda. Dan l-indiċi din is-sena kellu żieda ta’ 7.8%. Is-swieq finanzjarji inklużi dawk fir-Renju Unit, l-Irlanda u l-Ġermanja illum għalqu kmieni.

Il-prezzijiet taż-żejt u d-deheb

Il-prezzijiet taż-żejt fl-Istati Uniti laħqu l-ogħla prezz min-nofs l-2015 fl-aħħar jum ta’ negozju tas-sena hekk kif tnaqqis mhux mistenni fil-produzzjoni Amerikan u tnaqqis fl-inventarji kummerċjali taż-żejt mhux maħdum inkoraġġew ix-xiri.

Il-prezzijiet tad-deheb laħqu l-ogħla livell f’xahar illum u kienu resqin lejn l-aħjar sena tagħhom mill-2010, mgħejjuna fl-aħħar 12-il xahar minn dollaru aktar dgħajjef u xiri ta’ assi siguri minħabba l-inċertezzi politiċi internazzjonali.

Il-ġimgħa d-dieħla

Matul il-ġimgħa d-dieħla ser ikun hemm diversi aħbarijiet bl-Istati Uniti jħabbru l-indiċi dwar il-manifattura u aktar tard il-pagi, esklużi dawk tal-biedja, u r-rata tal-qgħad għal Diċembru.

Mill-Ġermanja joħorġu ċ-ċifri dwar il-manifattura u ċ-ċaqliq fil-qgħad.

Aħbarijiet Oħra
Barranin

Muniti Kontra l-Ewro L-Ewro tbaxxa mill-ogħla rata għal tliet snin għax l-investituri biegħu l-munita minħabba dubju li l-Bank Ċentrali Ewropew jista’ jwarrab il-wegħda tiegħu li jkompli jixtri l-bonds fil-laqgħa tal-ġimgħa…

Barranin

L-ewro qabeż id-$1.21 għall-ogħla rata llum minħabba sentiment li l-Bank Ċentrali Ewropew qed ilesti biex itemm l-istimulu monetarju qawwi tiegħu, u wara li l-Kanċellier Ġermaniża Angela Merkel laħqet ftehim li…

Barranin

Muniti Kontra l-Ewro Id-Dollaru Amerikan illum waqa’ wara rapporti li ċ-Ċina kienet lesta li tnaqqas il-pass tax-xiri jew twaqqaf ix-xiri ta’ bonds tat-Teżor tal-Istati Uniti, bid-Dollaru jkollu l-akbar tnaqqis f’ġurnata…

Barranin, Lokali

Muniti Kontra l-Ewro L-isterlina waqqfet tlett ijiem ta’ żieda u ddgħajfet hekk kif l-investituri ħadu l-profitt wara rkupru, għalkemm l-istennija li t-taħditiet Brexit ser ikollhom riżultat pożittiv kompliet ssostni l-munita…

Aktar