Barranin
Id-dollaru jitbaxxa ftit kontra muniti oħrajn fid-dawl tal-aħħar żviluppi politiċi

Muniti

Kien hemm domanda llum għal yen u muniti oħra meqjusa sikuri flimkien mad-deheb, hekk kif l-investituri tħassbu li l-qtil tal-aktar kmandant prominenti Iranjan mill-Istati Uniti jista’ jqajjem konflitt usa fil-Lvant Nofsani. Id-dollaru tbaxxa kontra l-muniti ewlenin u kien ftit aktar dgħajjef kontra l-ewro bil-munita unika tiżdied 0.24% għal $1.1188.

L-Isterlina ma kellha ebda moviment b’$1.3076 u 85.04 pence kull ewro qabel ġimgħa kruċjali li fiha ser jerġa’ jibda jiltaqa il-Parlament biex jiddibatti il-ftehim tal-ħruġ mill-Unjoni Ewropea li l-Prim Ministru Johnson laħaq qbil dwaru mal-UnjoniEwropea.

L-Isterlina rkuprat hekk kif l-investituri li biegħu l-munita għal assi sikuri irritornaw lejn il-munita Ingliża. Analisti qalu li r-reviżjoni ‘il fuq ta’ stħarriġ dwar in-negozju probabilment għen lill-Isterlina, waqt li l-fokus tal-investituri issa jintefa’ fuq id-dibattitu parlamentari t’għada dwar Brexit.

Indiċi

L-ishma Ewropej estendew it-telf hekk kif it-tensjoni wara l-qtil tasl-ġenerali Iranjan żamm in-negozjau ristrett għal assi sikuri, waqt li l-ishma tal-enerġija ibbenefikaw minn prezzijiet ogħla taż-żejt. L-ishma fl-Istati Uniti fetħu aktar baxxi minħabba li t-tensjoni li qed tikber bejn l-Istati Uniti u l-Iran inkoraġġiet lill-investituri biex ifittxu kenn f’assi aktar sikuri bħad-deheb u bonds tal-Gvern.

Stocks Lokali

Fil-qasam tal-ishma lokali, il-Mapfre Middlesea żdiedu bi 8.26% segwiti mill-Bank of Valletta b’0.95%. F’territorju negattiv kien hemm il-Malta International Airport li tilfu 0.72%, l-HSBC Bank Malta b’1.67% u l-PG bi 2.17%.

Bonds Lokali

Fis-settur tal-bonds lokali, il-Bank of Valletta 2020 tbaxxew 0.34%, in-1923 Investments 2024 b’0.29%, l-International Hotel Investments 2026 (it-tieni ħruġ) b’0.97%. F’territorju pożittiv kien hemm l-Eden Finance 2027 b’0.10%. il-Phoenicia Finance Company 2023/28 tilfu 0.38%, l-AX Investments 2029 żdiedu b’1.52% u l-Mercury Projects Finance 2031 tbaxxew b’0.37%.

Prodotti Essenzjali

Il-produzzjoni taż-żejt mill-OPEC matul Diċembru tbaxxiet hekk kif in-Niġerja u l-Iraq żammew mat-tnaqqis imwiegħed u l-Għarabja Sawdija, li hija l-esportatur ewlieni, kompliet tnaqqas il-produzzjoni qabel ftehim ġdid dwar tnaqqis fil-produzzjoni.

Skont stħarriġ, l-OPEC tellgħet 29.50 miljun barmil kuljum ix-xahar li għadda. Dawn hu 50,000 inqas minn Novembru. Il-prezzijiet irkupraw il fuq minn $70 kull barmil u estendew żieda ta 23% li kellhom matul l-2019 sostnuti mit-tnaqqis mill-OPEXC u t-tensjoni miżjuda fil-Lvant Nofsani.

Il-prezz tad-deheb tela’ għall-ogħla livell f’seba’ snin hekk kif l-investituri xtraw id-deheb minħabba t-tensjoni dejjem tikber bejn -Istati Uniti u l-Iran waqt li l-palladju qabeż il-livell ta’ $2,000 biex jilħaq livell għoli rekord.

Aħbarijiet Oħra
Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Aktar