Barranin
Id-dollaru jitbaxxa kawża tad-dewmien fir-riformi fiskali minn Trump

Muniti Kontra l-Ewro

Id-dollaru llum waqa’ għall-inqas rata f’ġimgħa kontra l-yen, minħabba tħassib dwar dewmien possibbli fil-pjani għar-riforma fiskali tal-President Trump, xhieda tal-popolarità dejjem tonqos tal-President, kif ukoll minħabba dħul inqas mill-bonds tal-Gvern Amerikan.

Indiċi

Wall Street illum fetaħ ftit aktar baxx b’0.13% bil-perjodu tar-rapport finanzjarji riesaq lejn tmiemu u l-investituri jiffokaw fuq id-dibattitu fost il-leġiżlaturi dwar il-liġi fiskali. Il-FTSE 100 żdied b’0.08%. L-indiċijiet maġġuri fl-Ewropa illum tilfu. L-iSTOXX 50, id-DAX u l-CAC 40 kellhom tnaqqis ta’ 0.35%, 0.20% u 0.43% rispettivament.

Ishma Lokali

Kien hemm bosta movimenti llum fis-suq tal-ishma lokali. Il-MIDI kien fuq quddiem b’żieda ta’ 3.13% segwiti mill-RS2 Software b’0.26%. Il-Bank of Valletta u l-Mapfre Middlesea tilfu 3.14% u 5.76% rispettivament.

Bonds lokali

Is-suq tal-bonds lokali kien b’mod ġenerali negattiv. Il-Bank of Valletta 2030 (L-Ewwel Serje) u l-Gasan Finance 2019/21 żdiedu b’0.49% u 0.01% rispettivament. Il-Grand Harbour Marina 2027 u l-GlobalCapital 2021 tilfu 0.48% u 2.16% rispettivament.

Indikaturi Ekonomiċi

L-iżbilanċ kummerċjali ta’ Franza kompla jikber matul Settembru għal €4.7 Biljun minn €4.2 Biljun fix-xahar ta’ qabel. L-Uffiċċju tad-Dwana qal li l-importazzjoni kienet akbar mill-esportazzjoni l-aktar minħabba bejgħ inqas barra l-pajjiż ta’ prodotti agrikoli u makkinarju industrijali.

Prodotti Essenzjali

Il-prezz taż-żejt tbaxxa hekk kif l-importazzjoni taż-żejt mhux maħdum miċ-Ċina tbaxxiet ftit illum għall-inqas livell f’sena, iżda it-telf kien parzjalment bilanċjat minn kawtela tal-investituri minħabba t-tensjonijiet politiċi li qed jiżdiedu fil-Lvant Nofsani. Il-prezz tad-deheb illum żdied hekk kif id-dollaru tbaxxa minħabba li jista’ jkun hemm dewmien fir-riformi fiskali fl-Istati Uniti iżda l-possibiltà ta’ żieda fir-rati tal-interessi fl-Istati Uniti matul Diċembru illimitat iż-żidiet fil-prezz tad-deheb.

Aħbarijiet Oħra
Barranin

Muniti Id-dollaru Amerikan qed jieħu ftit tan-nifs wara li laħaq l-ogħla livell għall-2018 fil-bidu ta’ din il-ġimgħa. Madankollu, ir-raġuni għal pawża mhijiex minħabba l-politika dwar l-ekonomija Amerikana, il-politika tal-Federal Reserve…

Barranin

Id-Dollaru żdied wara li laħaq l-ogħla livell f’sena fost dgħufija fl-Ewro u l-Isterlina, hekk kif in-negozjati dwar Brexit huma weqfin u t-tħassib dwar it-tkabbir ekonomiku qajjem aktar dibattitu dwar il-projezzjonijiet…

Barranin

Id-Dollaru qed ikun negozjat biex jirkupra xi ftit fis-sessjoni Ewropea hekk kif is-swieq kienu qed jistennew id-deċiżjoni dwar ir-rata tal-interessi mill-Federal Reserve aktar tard. Illum kien id-Dollaru Awstraljan l-aktar b’saħħtu…

Barranin

Muniti Id-dollaru ddgħajjef wara li l-elezzjonijiet ta’ nofs il-leġiżlatura qasmu lill-Kungress u tappnu l-aspettativi għal stimulu fiskali addizzjonali, waqt li l-yen iddgħajjef kontra l-parti l-kbira tal-muniti rivali hekk kif żdied…

Aktar