Barranin
Id-Dollaru jitbaxxa wara l-ftehim bejn l-Istati Uniti u ċ-Ċina

Muniti

Id-Dollaru llum tbaxxa għall-inqas rata f’ġimgħa kontra l-Yen, imminat mill-ftehim bejn l-Istati Uniti u ċ-Ċina u l-possibiltà ta’ ġlieda dwar it-tariffi mal-Ewropa. L-Ewro, sadattant, ftit inbidel għal $1.1283 wara sessjoni volatili lbieraħ.

Kibru l-aspettattivi li l-Federal Reserve ser ibaxxi r-rati tal-interessi għall-ewwel darba f’10 snin fil-laqgħa dwar il-politika monetarja dan ix-xahar. Is-swieq qed iqisu li hemm 70% probabbiltà ta’ tnaqqis ta’ kwart ta’ punt perċentwali fir-rata.

Indiċi

Is-swieq Ewropej kienu ogħla llum waranofsinhar wara li l-mexxejja Ewropej ftehmu dwar il-persuni li ser ikunu nominati biex imexxu l-istituzzjonijiet ewlenin għall-ħames snin li ġejjin wara summit maratona.

L-iSTOXX 600 żdied b’0.8% l-ogħla livell minn bidu Mejju, bl-ishma dwar l-ivvjaġġar u d-divertiment fuq quddiem b’żidiet ta’ 1.5% waqt li l-ishma taż-żejt u l-gass kienu l-uniċi f’territorju negattiv.

Fl-Istati Uniti s-suq fetaħ b’aktar żidiet fuq l–indiċijiet ewlenin u l-S&P 500 kellu s-seba’ għeluq rekord din is-sena fil-jum ta’ qabel. L-istorja tan-negozju finanzjarju turi li Lulju jista’ jkun xahar tajjeb għall-ishma.

Ishma

Fil-qasam lokali, l-ishma tal-FIMBank avvanzaw b’1.69%, segwiti minn Bank of Valletta b’0.88%.

Il-Medserv tilfu 4.35% u l-BMIT Technologies 0.91%. L-HSBC Bank, il-Malta International Airport u l-Mapfre Middlsea ma kellhom ebda bidla minkejja n-negozju fihom.

Bonds

Fis-settur tal-bonds lokali, l-iStivala Group Finance 2027 żdiedu b’1.94%; il-Mercury Projects Finance 2027 b’1.68% u l-Mediterranean Investments Holding 2020 b’1%.

Id-Dizz Finance 2026 tilfu 3.30% segwiti minn Pendergardens Developments 2020 tilfu 1.48%.

Il-fatt li l-President Russu Putin fi tmiem il-ġimgħa ħabbar li l-OPEC ser testendi t-tnaqqis fil-produzzjoni taż-żejt qabel mal-grupp lanqas biss kien iltaqa’, irrabja xi ftit lil xi pajjiżi membri. Huma ma ħadux pjaċir bir-rwol ta’ tmexxija li r-Russja, li xi darba kienet
meqjusa bħala r-rival fis-suq taż-żejt, qed tieħu fit-tfassil tal-politika tal-grupp.

Iżda r-realtà malajr ġiet aċċettata għax Moska tista’ tgħin lill-OPEC fil-għan li ssostni l-prezzijiet taż-żejt fi żmien meta qed tiffaċċja pressjoni qawwija kuntrarja mill-President Trump.

Aħbarijiet Oħra
Barranin

Muniti  L-ewro kien sod llum hekk kif l-investituri ddubitaw dwar kemm ser jitwettaq il-pjan tal-Unjoni Ewropew ta’ €750 Biljun biex issostni lill-ekonomija. Il-Kummissjoni Ewropea ħabbret il-pjan ilbieraħ biex tappoġġa lill-ekonomiji…

Barranin

 L-ewro kien reisaq lejn l-ogħla rata f’xahrejn wara li l-Kummissjoni Ewropea pproponiet pakkett ta’ rkupru ekonomiku li jiswa €1.85 Triljun. L-ewro tħabat mindu waqa’ f’Marzu meta l-investituri marru għad-dollaru. Iżda…

Barranin

Muniti  L-ewro ngħata spinta llum minn dollaru aktar dgħajjef hekk żieda fl-ottimiżmu dwar rkupru globali mill-pandemija sostniet muniti aktar riskjużi. Il-movimenti, iżda ma laħqux dawk tas-suq tal-ishma hekk kif it-tensjonijiet…

Barranin

L-ewro stabilizza ruħu qrib id-$1.09 f’din li hija meqjusa bħala ġimgħa importanti għall-gvernijiet Ewropej hekk kif jiddibattu l-punti ewlenin ta’ fond ta’ rkupru immirat li jgħin lill-pajjiżi membri. L-Awstrija, in-Netherlands,…

Aktar