Barranin
Id-dollaru jiżdied għall-ogħla livell f’xahrejn kontra l-yen

Muniti Kontra l-Ewro

Id-dollaru tela’ għall-ogħla livell f’xahrejn kontra l-yen Ġappuniż hekk kif informazzjoni pożittiva dwar l-impjiegi tat spinta lill-profitti tat-Teżor tal-Istati Uniti għalkemm l-investituri żammew kemmxejn lura qabel ix-xhieda din il-ġimgħa tal-kap tal-Federal Reserve Janet Yellen.

L-isterlina kompliet tissaħħaħ wara sensiela ta’ riżultati dgħajfa niżżluha fl-agħar ġimgħa tal-munita f’xahar u poġġew dubji dwar it-twissijiet tal-Bank of England li qiegħed fil-punt li jżid l-ispejjeż għas-self. 

Indiċi

Ftit kien hemm tibdil fl-Indiċi tal-Istati Uniti hekk kif l-investituri kienu qed iħejju għar-riżultati tat-tieni kwart tas-sena u l-istokks tat-teknoloġija kienu minn ta’ quddiem fil-qligħ.

L-istokks Ewropej komplew bi qligħ fin-negozjati anke minħabba riżultati aħjar milli mistennija f’Wall Street f’dak li għandu x’jaqsam ma’ impjiegi, filwaqt li l-prezzijiet tad-deheb komplew neżlin u l-prezz taż-żejt kompla nieżel ukoll. L-indiċi tad-DAX tal-Ġermanja tela’ b’0.4% u l-FTSE tar-Renju Unit kien ogħla b’0.15%.

Ishma Lokali

Is-suq tal-ishma lokali kien fil-biċċa l-kbira negattiv; HSBC Bank Malta żdied b’0.43%, iżda RS2 Software, GO u Medserv niżlu b’0.11%, 0.14% u 1.92% rispettivament.

Bonds

Is-suq tal-bonds lokali llum kellu riżultati mħallta: Central Business Centres 2025, Izola Bank 2025, Mediterranean Investments Holdings 2022 u Dizz Finance 2026 ilkoll telgħu, filwaqt li Premier Capital 2026, Bank of Valletta 2020, u Eden Finance 2027 niżlu b’0.69%, 0.95% u 0.97% rispettivament.

Indikaturi ekonomiċi 

L-esportazzjoni mill-Ġermanja telgħet b’rata aktar qawwija milli mistenni f’Mejju u qabżet żieda tajba fl-importazzjoni u kabbret is-surplus tal-ikbar ekonomija fl-Ewropa.

Prodotti Essenzjali

Il-prezz taż-żejt waqa’ u dan żied mat-telf kbir li seħħ fi tmiem il-ġimgħa li għaddiet minħabba żieda fl-attività tat-tħaffir fl-Istati Uniti u l-ebda waqfien fit-tkabbir tad-domanda mill-esportaturi tal-OPEC u barra mill-OPEC.

Il-prezz tad-deheb kompla nieżel għat-tielet jum għall-iktar livell baxx sa minn nofs Marzu wara informazzjoni dwar ekonomija b’saħħitha fl-Istati Uniti u fil-Ġermanja qawwew l-aspettattivi li l-banek ċentrali se jżidu r-rati tal-imgħax.

TVM Daily Table (4)

Aħbarijiet Oħra
Barranin

Muniti Id-Dollaru tela’ lejn l-ogħla livell f’din l-aħħar sena fid-dawl ta’ kummenti pożittivi miċ-Chairman tal-Federal Reserve tal-Istati Uniti Jerome Powell dwar is-saħħa tal-ekonomija Amerikana. Minkejja li Powell ma bidilx l-aspettattivi…

Barranin

Iż-żidiet fid-Dollaru din is-sena kienu limitati minħabba tħassib dwar it-tilwima kummerċjali li qed tikber bejn l-Istati Uniti u ċ-Ċina, għalkemm it-tħassib ma fixkilx ir-rendiment solidu tad-dollaru sa issa. Il-Fond Monetarju…

Barranin

Muniti Id-dollaru tbaxxa wara li l-ġimgħa li għaddiet laħaq l-ogħla rata f’ġimgħa f’xahar hekk kif l-investituri kabbru s-sentiment għall-ogħla livell mill-2017, għalkemm it-tħassib li l-irkupru ekonomiku jista’ qed imajna wassal…

Lokali

Lidl Malta, the country’s leading supermarket with eight outlets spread around the Maltese Islands, is celebrating its 10 year anniversary. To mark this milestone, the Company organised a number of…

Aktar