Barranin
Id-Dollaru jkompli jissaħħaħ u laħaq l-ogħla rata f’ġimgħa

Muniti

Id-dollaru jissaħħaħ, u laħaq l-ogħla rata f’ġimgħa kontra l-Yen, hekk kif l-investituri stennew ħjiel mill-Federal Reserve dwar kif iħares lejn l-ekonomija tal-Istati Uniti u kemm-il żieda fir-rati tal-interessi ser ikun hemm matul l-2018.

Is-suq tal-bejgħ bil-quddiem implika li l-investituri qed jistennew li l-Federal Reserve ser iżid ir-rati tal-interessi bi kwart ta’ punt għall-firxa ta’ minn 1.50% sa 1.75% wara laqgħa ta’ jumejn li ser tibda llum.

Id-Dollaru Kanadiż issoda kontra dak Amerikan aktar b’saħħtu hekk kif għolew il-prezzijiet taż-żejt u l-istatistika domestika wriet żieda fil-bejgħ bl-ingrossa, waqt li l-investituri qed iħejju ruħhom għal żieda potenzjali fir-rati tal-interessi mill-Federal Reserve għada.

L-Isterlina tbaxxiet, u tilfet xi ftit miż-żidiet bikrin wara statistika wriet li l-inflazzjoni fir-Renju Unit naqqset mir-ritmu aktar milli kien mistenni matul Frar. Il-prezzijiet għal konsumatur żdiedu bir-rata annwali ta’ 2.7% matul ix-xahar li għadda, l-inqas żieda minn Lulju 2017 hekk kif l-impatt tar-referendum tal-2016 dwar il-Brexit ma nħassx aktar.

Indiċijiet

Aġġornament dwar l-istrateġija mill-kumpanija tar-reklamar Publicis,  li ntlaqa’ tajjeb ħafna, għen biex saħħaħ l-ishma Ewropej wara li tħassib dwar aktar regolamentazzjoni u tassazzjoni ta’ kumpaniji kbar tat-teknoloġija wassal għall-bejgħ qawwi matul il-lejl f’Wall Street.  L-ishma ta’ Publicis żdiedu b’aktar minn 2% wara li t-tielet l-akbar kumpanija tar-reklami fid-dinja qalet li ser tirdopjja l-ħidma tagħha biex issir sħab konsulenta għal kumpaniji tar-reklamar onlajn bil-għan li tgħin fit-tkabbir li bħalissa huwa kajman.

L-indiċijiet illum kienu b’mod ġenerali pożittivi fl-Ewropa u fl-Istati Uniti iżda t-Topix tal-Ġappun għalaq f’territorju negattiv. L-Indiċi tal-Borża ta’ Malta kellu żieda ta’ 0.24% wara li l-ishma tal-Mapfre Middle Sea laħqu livell għoli ġdid għal din is-sena kuntrarjament għat-Tigne Mall li waqgħu għall-inqas livell għal l-2018.

Prodotti Essenzjali

Il-prezz taż-żejt laħaq l-ogħla livell tiegħu għal dan ix-xahar, hekk kif it-tensjoni fil-Lvant Nofsani u l-possibbiltà ta’ aktar tnaqqis fil-produzzjoni mill-Veneżwela għenu biex jitnaqqas l-impatt negattiv tal-produzzjoni dejjem togħla mill-Istati Uniti.

Il-prezzijiet bil-quddiem tal-Brent kienu bid-$67.28 kull barmil, l-ogħla minn tard fi Frar. Il-prezz għal Mejju tal-US West Texas Intermediate Brent kellu żieda ta’ $1.19 għal $63.26 kull barmil.

Il-prezzijiet tad-deheb tbaxxew hekk kif issaħħaħ id-dollaru qabel il-laqgħa tal-Federal Reserve li matulha l-Bank Ċentrali Amerikan mistenni li jżid ir-rati tal-interessi għall-ewwel darba din is-sena.  Il-laqgħa wasslet biex id-deheb jitlef 4% mill-ogħla prezz f’sena u nofs f’Jannar.

Rati tal-interessi għolja  huma negattivi għad-deheb għaliex huma jgħollu d-dħul mill-bonds, inaqqsu s-sentiment lejn id-deheb u għandhom ħabta li jsaħħu d-dollaru u b’hekk id-deheb isir ogħla għal dawk li jużaw muniti oħrajn.

Aħbarijiet Oħra
Barranin

Muniti Il-muniti llum kienu qed jiġu nnegozjati bejn tnaqqis ta’ 0.26% u żieda ta’ 0.15% b’ġurnata b’ebda aħbarijiet importanti. L-ewro tilef 0.26% kontra d-Dollaru Awstraljan bi prestazzjoni simili kontra l-Yen….

Barranin

Muniti Id-dollaru tbaxxa fin-negozju bikri fi New York hekk kif irritorna s-sentiment ta’ riskju wara l-ftehim dwar il-baġit fl-Italja, waqt li mewġa ta’ rapporti finanzjarji minn kumpaniji fl-Istati Uniti tidher…

Barranin

Id-Dollaru tbaxxa għall-inqas livell f’ġimagħtejn waqt in-negozju bikri llum fi New York qabel ma rkupra xi ftit; il-munita tilfet iż-żidiet ta’ nhar il-Ġimgħa fost ħjiel mill-President Trump dwar aktar tariffi…

Barranin

Id-dollaru Amerikan kien qed jiġi nnegozjat fl-inqas rata tiegħu dan ix-xahar kontra l-muniti ewlenin rivali hekk kif tnaqqis fid-dħul mill-bonds tat-Teżor Amerikan u aktar telf f’Wall Street ċajpar is-sentiment. L-indiċi…

Aktar