Barranin
Id-Dollaru jkompli jitlef wara l-ftehim bejn Trump u Xi

Ir-rata tal-Ewro ssaħħet kontra d-dollaru u kompliet bil-moviment ‘il fuq li kien beda l-ġimgħa li għaddiet.

L-istatistika ppublikata llum turi li l-indiċi tal-produzzjoni taż-żona tal-ewro żdied għal 0.8%, il fuq mill-estmi ta’ 0.5%.

Għada l-President tal-Bank Ċentrali Ewropew Mario Draghi ser jitkellem f’konferenza bankarja fi Frankfurst. Il-Ġermanja u ż-żona tal-ewro ser joħorġu statistika dwar is-settur tal-manifattura u l-bejgħ bl-imnut fiż-żona tal-Ewro.

Id-dollaru kompla jitlef din il-ġimgħa u baqa’ taħt pressjoni wara s-summit ta’ tmiem il-ġimgħa fejn il-President Trump u dak Ċiniż Xi Jinping f’laqgħa qablu li jissospendu ż-żieda fit-tariffi fuq il-prodotti Ċiniżi kollha minn 10% għal 25% u dan intlaqa’ b’serħan mis-swieq.

L-indikaturi Ġermaniżi komplew ibatu fir-raba’ kwart tas-sena. It-tilwima kummerċjali globali naqqset l-esportazzjoni Ġermaniża u tnaqqis fl-ekonomija taż-żona tal-ewro tappnet it-tkabbir fis-settur tal-manifattura fil-Ġermanja.

L-Ewro żdied b’0.52% kontra d-dollaru għal $1.1400. Il-munita unika żdiedet 0.23% kontra l-Isterlina; 0.14% kontra d-Dollaru Kanadiż; 0.54% kontra l-Yen u 0.07% kontra l-Frank Żvizzeru. L-ewro tbaxxa 0.02% kontra d-Dollaru Awstraljan.

Indiċi

Il-prezzijiet bil-quddiem tal-ishma Amerikani tbaxxew u l-ishma Ewropew segwew it-tnaqqis fl-Asja hekk kif l-investituri ħadmu fuq l-ottimiżmu tagħhom wara l-kalma fit-tilwima kummerċjali. Il-bonds tal-Gvern Amerikan żdiedu waqt li d-dollaru rtira.

L-indiċijiet Ewropej kienu kollha f’territorju negattiv. Il-FTSE 100 tilef 0.83%; l-iSTOXX 0.03%; id-DAX 0.36% u l-CAC 40 0.05%.

Id-Dow Jones tilef 0.64% mal-ftuħ waqt l-indiċi Malti tilef ukoll, 0.168%.

Ishma

Fil-qasam tal-ishma lokali,il-Malta International Airport, il-Medserv u l-MaltaPost tilfu 1.61%, 0.83% u 0.62% rispettivament. Il-Bank of Valletta ma kellu ebda bidla.

Bonds

Fis-sessjoni tal-bonds lokali, il-Von der Heyden Group Finance 2024 tbaxxew 0.24% għal €102.50.

F’territorju pożittiv, it-Tumas Investments 2027, il-Bank of Valletta 2030 (It-tieni serje), in-1923 Investments 2024, id-Dizz Finance 2026, il-Premier Capital 2026 u l-Izola Bank 2025 żdiedu b’aktar minn 0.10%. L-Izola Bank 2025 żdiedu l-aktar b’0.98% għal €103.

Commodities

Il-prezz taż-żejt kompla jsib appoġġ, u avvanza għat-tieni jum wara l-ieħor wara sensiela ta’ mossi mill-produtturi biex jindirizzaw iż-żieda fil-provvista li kkontribwiet għal tnaqqis kbir fil-prezz tal-West Texas Intermediate ix-xahar li għadda.

Il-Brent żdied 1.09% għa; $62.94 u l-U.S.Light crude tela’ b’4.73% għal $53.89.

Id-deheb kellu żieda ta’ 0.57% għal $1,239.30 waqt li l-fidda kellha wkoll żieda ta’ 0.85% għal $14.56.

Aħbarijiet Oħra
Barranin

Muniti li huma meqjusa bħala siguri bħal Yen żdiedu llum wara ċifri batuti dwar il-bejgħ bl-imnut fl-Istati Uniti u hekk kif is-swieq qed jittamaw li jkun hemm żviluppi fit-taħditiet kummerċjali…

Barranin

Muniti L-ewro tilef 0.19% kontra d-dollaru għal $1.1304 wara li kien laħaq l-ogħla rata tas-sessjoni ta’ $1.1342. Il-munita unika kellha pressjoni fuqha minn statistika dwar il-produzzjoni industrijali fiż-żona tal-ewro li…

Barranin

Muniti Id-dollaru huwa ogħla għas-sitt jum u għal ftit ħin laħaq l-ogħla rata f’xahar hekk kif t-tħassib dwar it-tkabbir fl-Ewropa qed ikollu effett ħażin fuq l-ewro. L-Isterlina kisbet lura t-telf…

Barranin

L-istatistika Ġermaniża kompliet teħżien, u dan qed iqajjem tħassib dwar is-saħħa tal-ekonomija taż-żona tal-Ewro. L-ordnijiet mingħand il-fabbriki tbaxxew b’1.6%, wara tnaqqis ta’ 1.0% fl-istatistia preċedenti. It-tensjonijiet kummerċjali globali u dgħufija…

Aktar