Barranin
Id-Dollaru jqum ftit fuq saqajh

Id-Dollaru gawda minn irkupru żgħir hekk kif l-investituri xtrawh wara l-akbar waqgħa tiegħu fi tliet snin u nofs, għalkemm analisti qalu li kull irkupru għandu jkun qasir għax għandhom jaħdmu dawk li jridu dollaru dgħajjef.

Id-Dollaru Amerikan tbaxxa din is-sena minħabba  li l-istennija li l-banek ċentrali ser jibdew jżidu r-rati tal-interessi f’partijeit oħra tad-dinja tnaqqis il-vantaġġ mid-dħul tiegħu. Il-fiduċja fid-dollaru ntmesset ukoll mit-tħassib li l-Istati Uniti tista’ ssegwi politika ta’ dollaru dgħajjef u minn tħassib li qed jiżdied dwar l-iżbilanċ fil-baġit, li mistenni li jispara lejn $1 Triljun fl-2019 minħabba nefqa kbira mill-gvern u tnaqqis kbir fit-taxxa tal-kumpaniji. Dik ix-xejra ta’ dgħufija fid-dollaru ntemmet meta bejgħ qawwi fis-swieq tal-ishma fi Frar ressaq lill-investituri lejn is-sigurta relattiva tad-dollaru.

L-Isterlina tbaxxiet kontra d-dollaru  u l-ewro, bl-investituri kawti qabel l-istatistika dwar il-pagi aktar tard fil-ġimgħa li tista’ tagħtihom ħjiel dwar il-passi tal-issikkar monetarju mill-Bank of England.

Kien hemm żieda fil-prezz tad-Dollaru Awstraljan hekk kif it-tħassib dwar l-iżbilanċ laqat lill-munita Amerikana, waqt li l-istatistika dwar il-pagi aktar tard din il-ġimgħa tista’ tkun importanti għall-prospetti tar-rati tal-interessi fl-Awstralja.

Indiċijiet

L-ishma Ewropej żdiedu għar-raba’ sessjoni infila fil-bidu, iżda aktar tard waqgħu, bl-ishma globali resqin lejn is-sitt sessjoni ta’ żieda, wara bejgħ qawwi xprunat minn biża’ ta’ inflazzjoni u spejjeż ogħla tas-self. L-Istati Uniti fetħu f’territorju pożittiv, it-Topix kien 2% ogħla,  waqt l-indiċi tal-Borża ta’ Malta segwa l-indiċijiet Ewropej u tilef 0.28%.

Ishma Lokali
L-ishma tal-Maltapost llum żdied bi 2% segwiti minn dawk tal-Malta Properties Company li żdiedu bi ftit inqas minn 1%. F’teritorju negattiv kienu il-PG u l-International Hotel Investments li tilfu madwar 2%. Simonds Farsons Cisk u Trident Estates it-tnejn tilfu aktar minn 3% fin-negozju tal-lum.

Bonds

Fis-settur tal-bonds lokali, is-6pm Holdings kienu fuq quddiem b’żieda ta’ 4%. Pendergardens żdiedu bi kważi 0.5%. F’territorju negattiv, iżda b’inqas minn 1% , kien hemm il-MIDI, Il-Von der Heyden Group u l-Mediterranean Investments Holdings. Il-bond l-ieħor tal-Mediterranean Investments Holdingsli jimmatura fl-2022 tilef qrib il-1.5%.

Prodotti Essenzjali

Il-prezzijietaż-żejt laħqu l-ogħla lvell fi kważi ġimagħtejn, mgħejjuna minn irkupru globali fis-swieq finanzjarji u tensjonijiet fil-Lvant Nofsani, għalkemm it-tħassib dwar żieda fil-produzzjoni Amerikana llimitat iż-żieda.

Il-prezzijiet tad-deheb ftit kellhom ċaqliq hekk kif id-dollaru kiseb lura xi telf riċenti u żdied il-prezz tal-ishma, iżda l-biża’ dwar l-inflazzjoni fl-Istati Uniti żammet l-investituri fid-deheb.

Aħbarijiet Oħra
Barranin

Muniti Il-par ewlieni ta’ muniti jidher ftit li xejn entużjasti fil-bidu tal-ġimgħa. Is-suq irnexxielu jirkupra wara l-istatistika dgħajfa tal-ġimgħa li għaddiet: tbaxxa l-interess tal-investituri fid-dollaru bħala assi sigur, iżda xorta…

Barranin

Fis-swieq tal-kambju, l-Ewro baqa’ mwaħħal fil-firxa bejn $1.13 u $1.14 matul l-aħħar jiem, jum wara li l-Bank Ċentrali Ewropew temm l-iskema ta’ xiri ta’ 2.6 Triljun Ewro f’bonds. Il-Bank iżda…

Barranin

L-Ewro għal ftit ħin wera żieda hekk kif avvanzaw il-bonds Taljani wara rapport li l-Italja aktarx tipproponi defiċit ta’ 2% għas-sena d-dieħla, li tkun konċessjoni lejn l-Unjoni Ewropea. L-ewro wara…

Barranin

Muniti Id-dollaru kien aktar baxx kontra l-parti l-kbira tal-muniti tal-Grupp tal-10 hekk kif il-Yen u l-Frank Żvizzeru avvanzaw minħabba tħassib dwar il-kummerċ, waqt li l-Isterlina ssaħħet għax l-investituri biegħu l-munita…

Aktar