Lokali
Id-dollaru jżomm l-ogħla rata tiegħu kontra l-yen

Id-dollaru żamm qrib l-ogħla rata tiegħu kontra l-yen wara statistika ekonomika tajba mill-Istati Uniti qabel ma joħroġ ir-rapport ewlieni dwar l-impjiegi. Il-yuan tbaxxa u s-swieq finanzjarji baqgħu fuq ix-xwiek hekk kif żdiedu l-imiwet fiċ-Ċina mill-coronavirus.

L-istatistika ekonomika tajba mill-Istati Uniti u l-passi ta’ stimulu monetarju miċ-Ċina dan l-aħħar taw ftit serħan lill-investituri mit-tħassib qawwi dwar il-virus, għalkemm l-inċertezza dwar l-impatt tal-epidemija fuq it-tkabbir globali tidher li ser tibqa’ żżomm lill-investituri ‘il bogħod minn investiment riskjużi – għall-inqas għaż-żmien qasir.

L-Isterlina kienet qed tiġi nnegozjata qrib l-inqas rata f’sitt ġimgħat kontra d-dollaru u tilfet kontra l-ewro, imkissra minn tħassib persistenti dwar in-negozjati bejn ir-Renju Unit u l-Unjoni Ewropea dwar ftehiom kummerċjali wara l-ħruġ tal-pajjiż mill-Unjoni.

L-Isterlina inqabdet fuq sieq waħda hekk kif irritorna t-tħassib dwar il-ftehim kummerċjali. L-investituri jinsabu nervużi li l-Prim Ministru Ingliż Boris Johnson qed jieħu atteġjament iebes fit-taħditiet kummerċjali mal-Unjoni. Dawn jeħtieġ li jintemmu sa tmiem is-sena biex ikun evitat waqfien distruttiv fir-relazzjonijiet kummerċjali.

L-Isterlina illum ftit inbidlet għal $1.2937 qrib l-inqas rata mill-Milied ‘l hawn u 2% inqas għal din il-ġimgħa. Kontra l-ewro,l-Isterlina kienet tiswa 84.88 pence kull ewro, u riesqa lejn tnaqqis ta’ 1% f’ġimgħa.

L-ishma fl-Istati Uniti żdiedu għar-raba’ sessjoni infila ilbieraħ u l-indiċi ewlenin ta’ Wall Streetr laħqu livelli għolja rekord, waqt li l-assi Asjatiċi – partikolarment il-muniti – baqgħu taħt pressjoni.

Is-swieq tal-ishma Asjatiċi tbaxxew illum, minħabba li ż-żieda fl-imwiet u l-impatt ekonomiku mill-coronavirus warbu l-irkupru tard fil-ġimgħa. Il-prezzijiet bil-quddiem għall-ishma Amerikani u Ewropej kienu resqin lejn ftuħ dgħajef illum.

Il-prezzijiet taż-żejt żdiedu llum wara li r-Russja qalet li hija ser tappoġġa rakkomandazzjoni mill-OPEC u produtturi oħra biex ikomplu jnaqqsu l-produzzjoni fost domanda li qed tonqos għaż-żejt mhux raffinat hekk kif iċ-Ċina tkompli tiġġieled kontra l-virus.

Il-prezz tad-deheb illum kien stabbli wara jumejn ta’ żieda hekk kif tbaxxew l-ishma, bil-virus jidher li mhux ser ibatti, u dan qed ikabbar il-biża ta’ impatt akbar fuq it-tkabbir ekonomiku.

Id-deheb, madankollu, xorta kien riesaq lejn l-akbar waqgħa f’ġimgħa fi tliet xhur hekk kif statistika ekonomika b’saħħitha mill-Istati Uniti, inkluż tnaqqis fil-benefiċji tal-qgħad, kompliet issostni lid-dollaru. L-investituri issa qed jistennew iċ-ċifri dwar l-impjiegi, eskluża l-biedja, li ser joħorġu tard illum.

Aħbarijiet Oħra
Barranin

Muniti L-ewro tbaxxa għall-inqas rata f’erba’ snin u nofs kontra l-Frank Żvizzeru llum u l-yen issaħħaħ hekk kif l-investituri fittxew assi sikuri wara li l-provinċja ta’ Hubei fiċ-Ċina, l-epiċentru tal-coronavirus,…

Barranin

Muniti Id-dollaru żamm qrib l-ogħla rata llum minħabba li qed jikbru t-tamiet li naqset l-imxija tal-coronavirus, u dan inkoraġixxa lill-hedge funds li jkabbru x-xiri tad-dollaru li qed irendi bil-bosta. Il-coronavirus…

Barranin

Muniti Tnaqqis fir-rata tal-ewro kontra d-dollaru għall-inqas rata f’erba’ xhur qajjem il-prospett tal-ipprezzar mill-ġdid ta’ waħda mill-fatturi makro-ekonomiċi tad-dinja u potenzjalità ta’ rata mill-ġdid tad-dollaru madwar il-globu. Wara li kienet…

Barranin

Muniti Il-yuan offshore taċ-Ċina tbaxxa għall-inqas livell f’aktar minn seba’ ġimgħat. Il-Frank Żvizzeru kellu movimenti imħallta, tilef kontra d-dollaru iżda żdied bi ftit kontra l-ewro. Id-dollaru rkupra aktar minn 1%…

Aktar