Barranin
Id-dollaru resaq lejn l-akbar żieda f’ħames xhur

Id-dollaru kien riesaq lejn l-akbar żieda f’ħames xhur hekk kif l-investituri wieġbu b’mod pożittiv għaż-żieda fid-dħul mill-Bonds tat-teżor Amerikan għax uħud mill-muniti rivali ntlaqtu ħażin minn sinjali ta’ ssikkar monetarju mill-banek ċentrali tagħhom.

B’ħafna mill-muniti fuq id-difiża, id-dollaru rnexxielu jegħleb tnaqqis fid-dħul mill-bonds u kontra basket ta’ muniti ewlenin, id-dollaru kien ftit ogħla.

L-indiċi tad-dollaru kien riesaq lejn aktar minn 1% żieda matul Marzu, l-aħjar prestazzjoni f’xahar minn meta wera żieda ta’ 2.1% f’Ottubru li għadda. L-indiċi żdied b’1.5% minn meta kien tbaxxa għal-livell ta’ 95.74 fil-20 ta Marzu.

Id-dollaru żamm sod anke jekk l-istatistika matul il-lejl wriet li l-ekonomija tal-Istati Uniti naqqset mir-ritmu aktar milli kien maħsub fir-raba’ kwart tal-2018.

Il-prodott domestiku gross tal-pajjiż żdied bir-rata annwali ta’ 2.2% inqas mill-estmi inizjali ta’ 2.6%.

L-ishma fl-Asja żdiedu llum, immexxija minn żieda qawwija fl-ishma Ċiniżi minħabba tamiet li ċ-Ċina u l-Istati Untiti qed jagħmlu progress fit-taħditiet dwar il-kummerċ, waqt li d-dħul mill-bonds globali żdied wara perjodu twil ta’ tnaqqis minħabba l-prospetti ekonomiċi.

Is-sentiment fis-swieq kien aħjar wara li uffiċjali Amerikani qalu li ċ-Ċina għamlet propost dwar firxa ta’ kwistjonijiet aktar milli kienet għamlet qabel, inklużi dwar it-trasferiment tat-teknoloġija.

Is-Segretarju tat-Teżor Amerikan, Steven Mnuchin li huwa kellu pranzu produttiv ħafna qabel ġurnata ta’ taħditiet maħsuba biex isolvu t-tilwima kummerċjali ħarxa bejn l-akbar żewġ ekonomiji.

L-investituri kienu qed jitħassbu għax id-dħul fuq il-bonds ta’ 10 snin tbaxxew taħt dak tal-bonds ta’ tliet xhur tat-Teżor Amerikan, ħaġa li turi riċessjoni.

Il-prezzijiet bil-quddiem taż-żejt mhux maħdum fl-Istati UIniti wera żieda ta’ 0.4% għal $59.55 u rkupra mill-ptrezz tal-bieraħ ta’ $58.20.

Aħbarijiet Oħra
Barranin

Muniti L-Isterlina tbaxxiet għal inqas minn $1.24 illum, livelli li qatt ma kienet fihom għal aktar minn sentejn, hekk kif l-investituri komplew jistudjaw ir-riskji li qed jikbru li r-Renju Unit…

Barranin

Muniti L-ewro llum baqa’ fil-firxa riċenti ta’ negozju kontra d-dollaru, bil-progress tiegħu limitat mill-aspettattiva dwar pożizzjoni mhux aggressiva tal-bank Ċentrali Ewropew il-ġimgħa d-dieħla u wara li l-investituri saru inqas aggressivi…

Barranin

L-ewro kien ftit aktar b’saħħtu fil-livell ta’ $1.1264 iżda ftit inqas mill-$1.1285 li laħaq nhar il-Ħamis qabel ma ħarġet id-dejta dwar l-inflazzjoni fl-Istati Uniti. Id-dollaru kien b’saħħtu l-Ġimgħa wara li…

Barranin

Muniti L-isterlina żdiedet illum u rkuprat il-parti l-kbira tat-telf li kellha kmieni din il-ġimgħa wara li ċ-Chairman tal-Federal Reserve Jerome Powell ħalla l-bieb miftuħ għal tnaqqis fir-rati, għalkemm l-ekonomija Ingliża…

Aktar