Id-dubji dwar Brexit ikomplu jaffettwaw lill-Isterlina

L-Isterlina ftit li xejn inbidlet qrib id-$1.30 illum fost dubji li n-negozjati dwar il-Brexit bejn il-Konservattivi u l-Laburisti mhu ser iwasslu mkien.

Id-dollaru ma ċċaqlaqx ilbieraħ hekk kif in-negozjanti fil-kambju barrani ma għamlu ebda mossa kbira hekk kif huma qed jistennew aħbarijiet definittivi mit-taħditiet bejn l-Istati Uniti u ċ-Ċina.

Kontra basket ta’ muniti rivali, id-dollaru tilef 0.01% waqt li l-ewro żdied b’0.12% għal $1.1203.

Indiċi

L-ishma Ewropej tbaxxew b’mod ġenerali hekk kif l-investituri baqgħu il bogħod minn assi riskjużi waqt li jistennew jekk l-Istati Uniti u ċ-Ċina jirnexxielhomx jevitaw gwerra kummerċjali li tagħmel ħsara lill-ekonomija globali.

L-ishma fl-Istati Uniti tilfu mal-ftuħ bil-fokus idur fuq il-laqgħa importanti bejn l-Istati Uniti u ċ-Ċina li tista’ tiddetermina l-futur tal-ftehim tant mistenni dwar il-kummerċ, anke hekk kif aktar tariffi fuq iċ-Ċina jinsabu fuq ix-xefaq. Id-Dow Jones tilef 1.06%.

L-OPEC ma għandhiex tagħrif dwar il-prospetti dwar il-provvista taż-żejt għat-tieni nofs ta’ din is-sena, bil-waqfien mill-Iran u r-Russja jidher dejjem sinifikanti, iżda l-Għarabja Sawdija ma tantx trid ttella’ aktar żejt minħabba waqgħa fil-prezz.

Kontaminazzjoni miż-żejt sfurzat lir-Russja biex f’April waqqfet il-provvista mill-pajplajn Druzbha, għajn ewlenin għaż-żejt lejn l-Ewropa tal-Lvant u l-Ġermanja. Is-sospensjoni ħalliet lir-raffineriji jfittxu provvisti u l-waqfien mhux magħruf meta ser jintemm.

Aħbarijiet Oħra
Barranin

Muniti Id-dollaru tbaxxa llum, hekk kif id-dħul mill-bonds tat-Teżor komplew jilħqu livelli baxxi ġodda, u l-investituri qed jaħsbu bis-sħiħ li l-Federal Reserve ser inaqqas ir-rati tal-interessi biex itaffi l-impatt tal-coronavirus…

It-telf tal-Isterlina kompla hekk kif l-investituri naqqsu l-investment minħabba biża’ li l-baġit tal-Ministru tal-Finanzi ġdid fir-Renju Unit Rishi Sunak f’Marzu jista’ jiddiżappunta dawk li qed jistennew żieda fin-nefqa pubblika. Id-dollaru…

Barranin

Muniti Bl-esportazzjoni inżammet lura l-attività ekonomika fil-Ġermanja fir-raba’ kwart tal-2019. Dan jikkonferma li l-akbar ekonomija fiż-żona euro kienet diġà qed tistaġna ferm qabel l-imxija tal-coronavirus. L-ewro tilef 0.15% kontra d-dollaru…

L-ewro tbaxxa qrib id-$1.08 u d-Dollaru Awstraljan tbaxxa għall-inqas rata fi 11-il sena hekk kif l-imxija tal-coronavirus barra ċ-Ċina qed twassal għal biża’ ta’ pandemija u wasslet biex investiture jmorru…

Aktar