Barranin, Lokali
Ikompli jogħla l-prezz taż-żejt

Muniti Kontra l-Ewro

Id-dollaru tbaxxa llum, u laħaq l-inqas rata tas-sessjoni kontra l-yen u l-frank Żvizzeru wara l-ħruġ ta statistika dgħajfa aktar milli mistennija dwar l-ordnijiet għall-oġġetti durabbli fl-Istati Uniti. L-isterlina irkuprat it-telf li ġarrbet matul il-ħruġ tal-baġit illum biex biex tkun negozjata ftit ogħla, bl-investituri qed jaraw ftit li biddel l-istampa tal-ekonomija.

Indiċi

Fil-ftuħ tan-negozju, id-Dow Jones fetah 0.07% aktar baxx. Il-FTSE 100 u l-iSTOXX 50 żdiedu b’0.50% u 0.32% rispettivament. Il-CAC 40 żied 0.41% waqt li d-DAX tilef 0.28%.

Ishma Lokali

Is-suq tal-ishma lokali llum kien kalma bi ftit movimenti żgħar. Plaza Centres u HSBC Bank Malta żdiedu b’0.90% u 0.64%. Il-PG tilfu 2.03%.

Bonds lokali

Kien hemm bosta movimenti fis-sessjoni tal-bonds lokali. L-Island Hotels Group Holdings 2024 u l-Mediterranean Investments Holding 2020 żdiedu b’1.78% u 0.97% rispettivament. L-SD Finance 2027 tilfu 0.20%.

Indikaturi Ekonomiċi

Id-Dipartiment tal-Kummerċ Amerikan qal llum li l-ordnijiet għall-oġġetti durabbli, li tal-anqas iservu 3 snin, waqgħu b’1.2% matul Ottubru wara li kienu żdiedu bi 2.2% f’Settemnbru u bi 2.1% f’Awwissu. L-applikazzjonijiet għall-benefiċċju tal-qgħad naqsu bi 13,000 għal 239.,000 fil-ġimgħa li għalqet fit-18 ta Novembru.

Prodotti Essenzjali

Il-prezz taż-żejt illum estenda ż-żidiet, biż-żejt mhux maħdum Amerikan jilħaq it-$58 kull barmil għall-ewwel darba minn Lulju 2015 hekk kif pajplajn ewlenija mill-Kanada lejn l-Istati Uniti waqqfet iż-żejt, fejn l-inventarji mistennija li jkunu waqgħu aktar. Il-prezzijiet tad-deheb illum żdiedu, mgħejjuna minn dollaru aktar dgħajjef qabel il-ħruġ tal-minuti tal-Federal Reserve li jistgħu jagħtu ħjiel tal-pass taż-żidiet futuri fir-rati tal-interessi.

Aħbarijiet Oħra
Barranin, Lokali

Muniti Kontra l-Ewro Id-dollaru Amerikan daħal f’firxa dejqa illum wara iż-żidiet qawwija ta’ dan l-aħħar hekk kif il-Federal Reserve qed iħejji għal-laqgħa ta’ jumejn li fiha huwa mistenni li jżid…

Barranin, Lokali

Muniti kontra l-ewro Id-dollaru llum tbaxxa kontra l-yen wara li l-Pulizija ta’ New York qalu li rċevew rapporti ta’ splużjoni f’nofs Manhattan. L-isterlina ssodat wara li nhar il-Ġimgħa kellha l-akbar…

Barranin, Lokali

Muniti Kontra l-Ewro Id-dollaru tbaxxa kontra l-yen f’ġurnata kwieta għas-swieq illum, bis-sentiment għar-riskju mnaqqas minħabba li tħassib dwar il-possibilità tal-għeluq tad-dipartiment tal-Gvern Amerikan warrab l-ottimiżmu dwar il-progress fuq il-leġiżlazzjoni fiskali….

Barranin, Lokali

Muniti Kontra l-Ewro L-isterlina llum telgħet għall-ogħla rata kontra l-ewro wara li membru tal-grupp Brexit tal-Parlament Ewropew qal li “hemm ċans tajjeb ħafna” ta’ ftehim dwar il-pakkett inizjali biex ir-Renju…

Aktar