Barranin
Ikompli t-tħassib dwar l-ekonomija globali hekk kif id-dħul mill-bonds naqas

Muniti

L-Isterlina żdiedet bi kwart perċentwali llum qabel sensiela ta’ voti indikattivi fil-House of Commons dwar il-Brexit.

L-Isterlina telgħet għal $1.3245 waqt sessjoni pjuttost kwieta. Kontra l-ewro wriet żieda ta’ 0.3% għal 85.08 pence.

Hekk kif il-kriżi ta’ tliet snin dwar il-Brexit tidher li riesqa lejn l-aħħar, xorta huwa inċert kif, meta jew anke jekk ir-Renju Unit jitlaqx mill-Unjoni Ewropea, għalkemm il-Prim Ministru May tittama li terġa’ tipproponi l-ftehim tagħha aktar tard din il-ġimgħa.

L-ewro żdied għal $1.12758 iżda mbagħad tbaxxa malajr għal $1.1250.

Il-President tal-Bank Ċentrali Ewropew Mario Draghi qal li l-bank jista’ jdewwem żieda fir-rati tal-interessi għal darb’oħra jekk ikun meħtieġ, issa l-analisti qalu li l-investituri diġà ħasbu għal dan fil-valutazzjoni tal-munita.

Indiċi

L-ishma Ewropej waqgħu llum u tilfu ż-żidiet bikrin hekk kif id-dħul mill-bonds kompla juri tħassib ta’ riċessjoni u l-investituri stennew il-voti indikattivi fuq sensiela ta’ għażlet alternattivi għal Brexit.

Dawn il-mossi kienu jixbħu dawk li dehru dan l-aħħar, meta l-investituri warrbu l-ishma u stkennew fis-sigurtà tal-bonds wara statistika dgħajfa mill-Ewropa u mill-Istati Uniti kabbret il-biża’ dwar it-tkabbir ekonomiku globali.

Waqt li rrikonoxxa t-tħassib dwar it-tkabbir ekonomiku, il-President tal-Bank Ċentrali Ewropew Mario Draghi qal li l-Bank jista’ jdewwem iż-żieda fir-rata tal-interessi jekk ikun meħtieġ u jista’ jikkunsidra miżuri biex inaqqas l-effetti tar-rati ta’ interessi negattivi.

L-indiċijiet ewlenin f’Wall Street ftit li xejn iċaqilqu hekk kif kompla t-tħassib dwar l-ekonomija globali bid-dħul mill-bonds jonqos.

Ishma Lokali

Fil-qasam tal-ishma lokali, il-Grand Harbour Marina wrew żieda ta’ 8.03% l-ogħla tal-ġurnata segwiti minn żieda ta’ 1.85% fl-HSBC Bank Malta. Kien hemm tnaqqis ta’ 3.45% fil-Bank of Valletta segwiti minn tnaqqis ta’ 1.15% fil-Malita Investments u ta’ 0.96% fil-BMIT Technologies.

Bonds Lokali

Fis-sessjoni tal-bonds, il-Hili Properties 2025 wrew żieda ta’ 2.44% waqt li kien żieda ta’ 0.73% fil-Mediterranean Investments Holding2020. Il-Premier Capital 2026 tilfu 0.19%.

Il-prezzijiet taż-żejt baqgħu stabbli llum hekk kif it-tfixkil għall-provvista mill-Veneżwela offra sostenn iżda kien ibbilanċjat minn rapport li wera li kien hemm żieda fil-ħażniet taż-żejt mhux maħdum fl-Istati Uniti.

Aħbarijiet Oħra
Barranin

Muniti L-ewro baqa’ taħt pressjoni kontra d-Dollaru Amerikan wara l-ħruġ ta’ statistika ekonomika dwar il-Ġermanja li kienet dgħajfa aktar milli maħsub. L-ewro tilef 0.15% għal $1.1210. Barra dan, l-ewro tbaxxa…

Barranin

Muniti L-Isterlina tbaxxiet illum hekk kif kompla l-irkupru tad-dollaru, u l-istatistika tajba dwar il-bejgħ bl-imnut fir-Renju Unit ma kinetx biżżejjed biex tqajjem lill-munita mis-sitwazzjoni li tinsab fiha wara l-estensjoni ta’…

Barranin

Muniti L-ewro llum tbaxxa wara li diversi uffiċjali tal-Bank Ċentrali Ewropew urew dubji dwar l-irkupru pproġettat fit-tkabbir ekonomiku fit-tieni nofs tas-sena. It-tħassib dwar l-ekonomija taż-żona tal-ewro ħabat ħames ġimgħat wara…

Barranin

Rappreżentanti ta’ Valletta Cruise Port u l-Awtorità tat-Turiżmu flimkien ma’ partijiet interessati pparteċipaw fis-Seatrade Cruise Global 2019 f’Miami. Is-Seatrade Cruise Global huwa l-pjattaforma ewlenija tal-industrija fejn ‘il fuq minn 11,000…

Aktar