Barranin
Il-Bank of England jivvota kontra żieda fir-rati tal-interessi

Id-dollaru baqa’ qrib l-inqas rata f’erba’ xhur u nofs kontra grupp ta’ muniti wara li statistika dgħajfa dwar l-inflazzjoni wasslet biex l-investituri jnaqqsu xi ftit it-tamiet ta’ żidiet aktar mgħaġġla fir-rati tal-interessi. Il-prezzijiet għall-konsumatur żdiedu inqas milli kien mistenni matul April, u dan jista’ jwassal għal żidiet gradwali, aktar milli aggressivi, fir-rati tal-interessi mill-Federal Reserve.

Stħarriġ mill-aġenzija Reuters fost strateġisti fil-qasam tal-kambju juri li d-Dollaru Kanadiż mistenni li jissaħħaħ fil-jiem li ġejjin, hekk kif prospetti aħjar dwar il-ftehim kummerċjali NAFTA jiftħu l-bieb għal aktar żidiet fir-rati tal-interessi mill-Bank of Canada.

L-isterlina rkuprat lejn id-$1.35 ilbieraħ wara li l-Gvernatur tal-Bank of England, Mark Carney, qal lill-BBC li huwa jistenna żieda fir-rati tal-interessi matul is-sena d-dieħla jekk ma jkunx hemm xi taqlib kbir fl-ekonomija. L-isterlina tbaxxiet sewwa matul il-ġurnata wara li l-Bank of England ma bidilx ir-rati u baxxa t-tbassir tiegħu dwar l-inflazzjoni u t-tkabbir ekonomiku.

Il-Bank of England ilbieraħ żamm ir-rati ial-interessi kif kienu u qal li jrid ikun żgur li l-ekonomija kienet qed tirkupra mill-bidu bil-mod għas-sena qabel ma jgħolli l-interessi. B’kuntrast qawwi mal-istennija ftit ġimgħat ilu li ser jkun hemm żieda fir-rati, il-Bank of England, ivvota 7 kontra 2 biex iżommhom fil-livell ta’ 0.5%.

L-Istokks fl-Ewropa żdiedu fin-negozju bikri tal-lum u ser ikollhom l-aħjar perjodu ta’ żidiet għal aktar minn tliet snin hekk kif il-ftehimiet bejn il-kumpaniji patta għall-istaġun tal-irrapportar finanzjarju mill-kumpaniji.

Il-prezzijiet taż-żejt waqgħu mill-ogħla prezzijiet għal bosta snin fis-sessjoni ta’ qabel minħabba tamiet li provvisti alternattivi jistgħu jibbilanċjaw it-tnaqqis fl-esportazzjoni mill-Iran minħabba s-sanzjonijiet mill-Istati Uniti.

L-Istati Uniti qed tippjana li tintroduċi s-sanzjonijiet kontra l-Iran, li jipproduċi madwar 4% tal-provvisti globali taż-żejt, wara li abbandunat il-ftehim li kien intlaħaq fl-2015 li llimita l-ambizzjonijiet nukleari tal-Iran bi bdil mat-tneħħija tas-sanzjonijiet mill-Istati Uniti u mill-Ewropa.

Il-prezzijiet tad-deheb tbaxxew hekk kif id-dollaru ssaħħaħ xi ftit, bl-investuri jwarrbu l-potenzjal ta’ tkabbir fil-konflitt fil-Lvant Nofsani.

Aħbarijiet Oħra
Barranin

Id-dollaru żdied għall-ogħla rata f’ħames xhur illum hekk kif tnaqqas it-tħassib dwar gwerra kummerċjali bejn l-Istati Uniti u ċ-Ċina, u dan ħajjar l-investituri biex ikabbru s-sentiment favur il-munita Amerikana. L-investituri…

Barranin

L-Ewro llum tbaxxa għall-inqas rata f’ħames xhur għax l-investituri qed juru tħassib dwar it-talbiet tal-partiti populisti li mistennija jiffurmaw gvern fl-Italja u hekk kif żieda ġdida fid-dħul tal-bonds tat-Teżor Amerikan…

Barranin, Lokali

L-ewro baqa’ mwaħħal qrib l-inqas rata wara l-aħbar ta’ tkabbir ekonomiku dgħajjef aktar milli mistenni fil-Ġermanja u żieda fid-dħul mill-bonds tat-Teżor Amerikan għenet lid-dollaru jirkupra wara pawsa fiż-żidiet. Is-saħħa tad-dollaru…

Barranin

Id-Dollaru tbaxxa għall-inqas livell f’ġimgħa hekk l-investituri bdew jiddubitaw jekk l-irkupru tal-ġimgħa li għaddiet li wassal lill-munita Amerikana għall-ogħla livell f’aktar minn erba’ xhur kienx spiċċa. Id-Dollaru żdied hekk kif…

Aktar