Lokali
Il-BOV jappoġġja l-Kapitali Ewropea tal-Kultura

Hekk kif Malta qed tħejji ruħha biex tieħu t-titlu tal-Kapitali Ewropea tal-Kultura, il-Bank of Valletta li huwa s-sieħeb preferut tal-Fondazzjoni Valletta 2018, żejjen il-bini tiegħu fil-Belt Valletta biex ifakkar dan l-avveniment importanti.

Il-bini fi Triq ir-Repubblika, li fih hemm il-fergħa tal-Bank, l-unità tal-International Personal Banking u ċ-Ċentru ta’ Investiment qed juri x-xogħol artistiku tal-Kapitali Ewropea tal-Kultura bi prominenza kemm fuq il-faċċata kif ukoll fuq ġewwa.

Il-gallariji ġew imżejna wkoll għall-okkażjoni. Bl-istess mod il-Bank żejjen il-faċċati tal-International Corporate Centre tiegħu fi Triq San Zakkarija u tal-uffiċċji tiegħu fi Triq Nofsinhar. Barra minn hekk il-Bank qed jagħti ġieħ lit-titlu ta’ Valletta billi kesa t-triq interna fil-BOV Centre f’Santa Venera.

Il-Bank of Valletta għandu rabtiet b’saħħithom mal-Belt Kapitali li jmorru lura għal aktar minn erba’ deċennji sal-jum li fih twaqqaf il-Bank.

Il-Kapitali Ewropea tal-Kultura hija waħda mill-aktar inizjattivi kulturali fl-Ewropa ta’ profil għoli. Il-Belt Valletta ssodisfat il-kriterji kollha, bit-taħlita unika tagħha ta’ storja u ġawhar ta’ arkitettura li huma xhieda ħajja tal-iżvilupp Ewropew u Mediterranju matul dawn l-aħħar sekli.

Barra minn hekk, l-inizjattivi li ttieħdu matul is-snin li għaddew, kif ukoll l-attivitajiet maħsuba għal din is-sena se jikkontribwixxu għall-iżvilupp fit-tul tal-Kapitali tagħna.

Aħbarijiet Oħra
Barranin

Muniti L-ewro żdied b’aktar minn 0.11% kontra d-dollaru għal $1.1330. Barra dan l-ewro wera żieda ta’ 0.48% kontra l-isterlina, 0.15% kontra l-yen u 0.02% kontra l-frank Żvizzeru. Il-munita unika tilfet…

Barranin

Muniti Id-dollaru llum kellu sessjoni mħallta bejn żidiet u telf qabel laħaq l-ogħla rata tal-ġurnata hekk kif l-aħbarijiet dwar l-Istati Uniti u ċ-Ċina kienu dominanti. L-isterlina tilfet minħabba tħassib li…

Barranin

Muniti Wara reazzjoni aktarx kiebja għall-aħħar aħbarijiet li l-Kummissjoni Ewropea illum ma aċċettatx l-aħħar proposti tal-baġit Taljan, kien hemm pressjoni minn bejgħ tad-dollaru fuq ir-rata mal-ewro, bir-rata titla’ għal $1.1400….

Barranin

Muniti L-isterlina waqgħet, l-ishma fl-Ewropa tbaxxew u l-prezzijiet bil-quddiem għall-ishma fl-Istati Uniti tilfu ż–żidiet li kellhom, hekk kif sensiela ta’ ministri Ingliżi rriżenjaw bi protesta għal ftehim tal-Prim Ministru Theresa…

Aktar