Barranin
Il-kunflitt kummerċjali bejn l-Istati Uniti u ċ-Ċina jaf iwassal għal tnaqqis fir-rati tal-interessi

L-ewro avvanza llum u jinsab riesaq lejn it-tieni ġimgħa infila ta’ żidiet minħabba tħassib li qed jikber li kwalunkwe żieda fil-kunflitt kummerċjali bejn l-Istati Uniti u ċ-Ċina ser twassal lill-Istati Uniti biex tnaqqas ir-rati tal-interessi.

L-ewro żdied b’0.15% għal $1.1229 wara li kien laħaq l-ogħla rata għal ġimgħa ta’ €1.1251.

Id-dollaru kien stabbli kontra l-Yen, meqjus bħala munita sigura, u felaħ għall-effetti taż-żieda li bdiet iseħħ fit-tariffi kontra ċ-Ċina u għall-istennija tal-bidu mill-ġdid tat-taħditiet bejn l-Istati Uniti u ċ-Ċina.

Iż-żieda tat-tariffi minn 10% għal 25% fuq $200 Biljun prodotti Ċiniżi daħlet fis-seħħ illum u Beijing diġà qal li ser jirritalja, u b’hekk tikber it-tensjoni bejn iż-żewġ pajjiżi hekk kif qed jippruvaw jagħmlu l-aħħar sforzi għall-ftehim. L-uffiċjali tal-Istati Uniti u ċ-Ċina ser jirritornaw lejn l-mejda tan-negozjati aktar tard illum.

L-ishma Ewropej b’mod ġenerali waqgħu din il-ġimgħa hekk kif l-investitui warrbu assi riskjużi waqt li jistennew x’ser jiġri fit-tilwima kummerċjali bejn l-Istati Uniti u ċ-Ċina.

Il-prezzijiet tal-ishma Amerikan tbaxxew u l-ishma fl-Asja tilfu iż-żidiet hekk kif iċ-Ċina qalet li ser tirritalja għaż-żieda fit-tariffi.

Il-prezz taż-żejt tilef iż-żidiet bikrija tal-bieraħ. Il-Brent kien bis-$70.75 kull barmil wara li lbieraħ laħaq il-$71.23.

Il-United States West Texas Intermediate żdied bi 8 cents għal $61.78 wara li aktar kmieni kien bit-$62.49 il-barmil.

Il-prezzijiet tad-deheb ukoll baqgħu sodi llum b’appoġġ mit-tensjoni bejn l-Istati Uniti u ċ-Ċina. Id-deheb kien $1,284 kull uqija, żieda ta’ 0.4% f’ġimgħa.

Il-ġimgħa li għaddiet id-deheb tbaxxa għall-inqas prezz minn tmiem Diċembru, iżda reġa’ żdied bi kważi 1.4%.

Iżda ż-żieda fil-prezz tad-deheb ma kinitx kbira ħafna minkejja sentiment kontra r-riskju, bl-assi siguri l-oħra, il-Yen u l-Frank Żvizzeru juru żidiet.

Aħbarijiet Oħra
Barranin

Muniti Id-dollaru tbaxxa llum, hekk kif id-dħul mill-bonds tat-Teżor komplew jilħqu livelli baxxi ġodda, u l-investituri qed jaħsbu bis-sħiħ li l-Federal Reserve ser inaqqas ir-rati tal-interessi biex itaffi l-impatt tal-coronavirus…

Barranin

Muniti Bl-esportazzjoni inżammet lura l-attività ekonomika fil-Ġermanja fir-raba’ kwart tal-2019. Dan jikkonferma li l-akbar ekonomija fiż-żona euro kienet diġà qed tistaġna ferm qabel l-imxija tal-coronavirus. L-ewro tilef 0.15% kontra d-dollaru…

Barranin

Muniti L-Isterlina tbaxxiet għar-raba’ jum wara l-ieħor kontra d-Dollaru hekk kif is-saħħa tal-munita Amerikana u t-tħassib dwar il-bidu tat-taħditiet kummerċjali bejn ir-Renju Unit u l-Unjoni Ewropea warrbu min-nofs l-istatistika li…

Barranin

Muniti Id-dollaru żdied illum għall-ogħla rata fi kważi 3 snin kontra l-ewro, li kienet taħt pressjoni minn stħarriġ Ġermaniż li wera tnaqqis fil-fiduċja tal-investitur fl-ikbar ekonomija tal-Ewropa. L-ewro tbaxxa b’0.36%…

Aktar