Barranin
Il-liġi li ffirma tefgħet dubji dwar riżoluzzjoni għat-tilwima kummerċjali maċ-Ċina

Muniti

Id-dollaru ftit li xejn inbidel fin-negozju f’Londra llum hekk kif naqas sentiment ta’ riskju ta’ matul il-lejl imqajjem mill-inkwiet dwar Hong Kong bejn l-Istati Uniti u ċ-Ċina.

Iċ-Ċina wissiet lill-Istati Uniti li hija tieħu kontro-miżuri bi tweġiba għal-leġislazzjoni fl-Istati Uniti li tat appoġġ lill-protestanti kontra l-gvern f’Hong Kong u qalet li tentattivi biex ikun hemm indħil fil-belt mmexxija miċ-Ċina ser ifallu.

L-isterlina għal ftit laħqet qrib l-ogħla rata kontra l-ewro f’seba’ xhur  iżda tbaxxiet gradwalment u kienet qed tkun negozjata għal 0.8526 kontra l-ewro. L-isterlina żdiedet kontra d-Dollaru Amerikan wara li stħarriġ tal-opinjoni pubbliku wera li l-Konservattivi fil-gvern ser ikollhom maġġoranza tajba wara l-elezzjoni tat-12 ta’ Diċembru.

Indiċi

L-ishma Ewropej irtiraw mil-livell għoli qrib rekord hekk kif il-President Trump iffirma liġi li tappaġġa lill-protestanti f’Hong Kong u dan tefa’ dubji dwar riżoluzzjoni tat-tilwima kummerċjali maċ-Ċina. Il-liġi, li twissi b’sanzjonijiet kontra ksur tad-drittijiet tal-bniedem fost id-dimostrazzjoni favur id-demokrazija, ġabet twissija qawwija miċ-Ċina għax tqis li dan huwa ndħil mill-Istati Uniti f’materja interna.

Ishma lokali

Fir-rigward tal-ishma lokali, l-HSBC Bank Malta kellhom l-akbar telf ta’ 2.44% segwiti minn MIDI b’0.77%. L-RS2 Software kienu l-uniku sehem li żdied b’0.93%. Il-Bank of Valletta, il-BMIT Technologies u l-Malta International Airport ma kellhom ebda bidla f’termini perċentwali.

Ishma

Fil-qasam tal-bonds lokali, il-GlobalCapital 2021 avvanzaw bi 2.62%; il-Gasan Finance 2019/21 żdiedu b’1.98%; it-Tumas Investments 2024 tilfu 3.75%; in-1923 Investments 2024 tbaxxew b’1.46%; id-Dizz Finance 2026 tilfu 1.88%; il-Mercury Projects Finance 2027 tbaxxew b’4.04% u l-Mercury Projects Finance 2031 tilfu 4.40%.

Il-prezzijiet taż-żejt waqgħu għat-tieni jum illum wara li statistika uffiċjali wriet li żdiedu l-ħażniet Amerikani taż-żejt mhux raffinat u l-fjuwil u l-President Trump iffirma liġi li tappoġġa lill-protestanti f’Hong Kong u dan qajjem tensjoni maċ-Ċina.

Il-Brent tilef 0.55% għal $63.71 u l-United States West Texas Intermediate tilef 0.28% għal $57.94. L-investituri huma mħassba li l-mossa ta’ Trump ser iddewwem ftehim kummerċjali preliminari maċ-Ċina biex itemmu l-ġlieda li wasslet għal tnaqqis fir-ritmu tat-tkabbir ekonomiku globali u konsegwentament id-domanda għaż-żejt.

L-Amministrazzjoni ta’ Informazzjoni dwar l-Enerġija qalet li l-ħażniet taż-żejt mhux raffinat fl-Istati uniti kibru b’1.6 miljun barmil il-ġimgħa li għaddiet hekk kif il-produzzjoni telgħet għal 12.9 miljun  barmil kuljum u naqset il-produzzjoni mir-raffinerija.

Aħbarijiet Oħra
Barranin

Muniti  Is-sentiment ta’ riskju deher fis-swieq finanzjarji llum, hekk kif progress lejn is-sejba ta’ vaċċin kontra l-Covid-19 għen lill-ishma jirkupraw u l-muniti bbażati fuq prodotti essenzjali jissaħħu, waqt li d-dollaru…

Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Aktar