Barranin
Il-pawża fil-ġlieda kummerċjali tolqot l-ishma u ż-żejt

Id-dollaru żdied għall-ogħla rata f’ħames xhur illum hekk kif tnaqqas it-tħassib dwar gwerra kummerċjali bejn l-Istati Uniti u ċ-Ċina, u dan ħajjar l-investituri biex ikabbru s-sentiment favur il-munita Amerikana. L-investituri kabbru s-sentiment favur id-dollaru għar-raba’ ġimgha infila u investew dak li kellhom ippjanat għal żmien qasir.

L-isterlina waqgħet għall-inqas livell fi kważi ħames xhur illum hekk kif irkupra d-dollaru u l-investituri qed iħejju għal statistika li tista’ tiddetermina jekk il-Bank of England jżidx jew le r-rati tal-interessi din is-sena.

Il-pawża fil-ġlieda kummerċjali bejn l-Istati Uniti u ċ-Ċina tat sostenn lill-ishma fil-bidu tal-ġimgħa. Wara li spiċċa fin-negattiv fi tlieta mill-aħħar erba’ ġimgħat, id-Dow Jones fetaħ tajjeb.

Il-FTSE 100 jinsab f’livell għoli rekord wara l-pawsa bejn l-Istati Uniti u ċ-Ċina. Inkisru aktar rekords fl-ishma f’Londra waqt li l-isterlina tbaxxiet għall-inqas livell din is-sena. Il-FTSE 100 laħaq l-ogħla livell b’żieda qawwija fl-ishma tal-kumpaniji finanzjarji.

Il-prezzijiet taż-żejt żdiedu llum, mgħejjuna mill-aħbar li l-Istati Uniti u ċ-Ċina taw pawża lill-ġlieda kummercjli bejniethom. Il-Brent kien $71.58 kull barmil, żieda ta’ 36 cent jew 0.5% mill-aħħar għeluq.

Il-prezz tad-deheb tbaxxa għall-inqas livell ġdid wara li s-Segretarju tat-Teżor Amerikana Steven Mnuchin qal li bħalissa hemm pawsa bejn l-Istati Uniti u ċ-Ċina u dan wassal biex biex kiber is-sentiment favur assi b’riskju akbar bħall-istokks u d-dollaru.

Aħbarijiet Oħra
Barranin

Id-Dollaru llum kien riesaq lejn tnaqqis żgħir wara li kien laħaq l-ogħla rata f’sentejn minħabba dħul inqas mill-bonds tal-Gvern Amerikan hekk kif l-investituri qed jibżgħu li t-tilwima kummerċjali bejn l-Istati…

Barranin

Muniti Id-Dollaru żamm qrib l-ogħla rata f’xahar illum hekk kif it-tensjonijiet kummerċjali bejn l-Istati Uniti u ċ-Ċina baqgħu għoljin qabel ma l-minuti tal-Federal Reserve jagħtu ħjiel dwar x’kien wassal lill-mexxejja…

Barranin

Muniti Id-Dollaru llum żamm iż-żidiet li kellu l-ġimgħa li għaddiet hekk kif l-investituri qed jistennew il-minuti tal-laqgħa tal-Federal Reserve li jistgħu jagħtu aktar ħjiel dwar x’wassal biex id-diretturi jieħdu atteġjament…

Barranin

Id-Dollaru żamm qrib l-ogħla rata f’ġimagħtejn kontra l-muniti rivali, sostnut minn statistika ekonomika tajba ferm mill-Istati Uniti u żieda fid-dħul tal-bonds tat-Teżor. L-indiċi tad-Dollaru kontra grupp ta’sitt muniti ewlenin ftit…

Aktar