Barranin
Il-prezz tad-deheb jaqa’ wara żieda sostanzjali

Id-Dollaru tela’ lejn l-ogħla livell tal-2018 hekk kif l-investituri qed iħossuhom ċerti li rati tal-interessi li jiżdiedu ser ikomplu jsaħħu lill-munita Amerikana. L-indiċi li jkejjel is-saħħa tad-Dollaru kontra grupp ta’ muniti għola b’0.2% mhux il-bogħod mill-ogħla livell tal-2018 li d-Dollaru laħaq nhar il-Ġimgħa.

Id-Dollaru rkupra sewwa fl-aħħar ġimagħtejn wara li l-investituri ħaffew biex investew aktar għax iħossu li rati ogħla fl-Istati Uniti u sinjali li l-ekonomija qed tmur aħjar minn reġjuni oħra ser jirriflettu fis-saħħa tas-saħħa tal-munita Amerikana.

Id-Dollaru Kanadiż tilef kontra dak Amerikan illum minħabba ż–żieda fid-Dollaru Amerikan u meta t-taħditiet biex ikun aġġornat il-ftehim kummerċjali NAFTA daħlu f’ġimgħa deċiżiva.

Ministri mill-Kanada, l-Istati Uniti u l-Messiku ser jiltaqgħu f’Washington biex jiddiskutu dan il-ftehim u ser jippruvaw isolvu n-nuqqas ta’ ftehim f’oqsma ewlenin qabel l-elezzjonijiet fil-Messiku u fl-Istati Uniti jkomplu jikkomplikaw il-proċess.

Id-Dow Jones u l-FTSE 100 żdiedu bi kważi 1%. L-ishma Ewropej kienu sostnuti minn aġġornamenti tajbin għar-rapporti finanzjarji mill-kumpaniji u żidiet fl-ishma tan-Nestle, wara li dil-kumpanija kbira Svizzera laħqet ftehim ta’ sħubija mal-kumpanija Starbucks. Kien hemm tnaqqis ta’ 13% fl-ishma tal-Air France wara inkwiet fil-maniġment u dgħufija fil-banek wkoll ħalliet effett ħażin. Minkejja dan, l-indiċi STOXX 600 żdied b’0.1% waqt li s-swieq fir-Renju Unit kienu magħluqa minħabba btala pubblika u b’hekk naqset l-attività. L-indiċi  tal-Borża ta Malta mar kontra x-xejra.

L-ishma aktar kienu f’territorju negattiv milli pożittiv. Il-Bank of Valletta żdiedu b’0.58% waqt li kien telf ta’ aktar minn 3% fil-Global Capital u fl-RS2 Software u 4.5% fil-Mederv.

Fil-qasam tal-bonds lokali, il-Premier Capital żdiedu b’1/26% waqt li kien hemm tnaqqis ta’ 1.73% fil-Mediterranean Investment Holdings. Iż-żidiet f’bonds oħra kienu aktar modesti.

Il-prezz tad-deheb waqa’ u tilef tliet ijiem ta’ żieda hekk kif issaħħaħ id-Dollaru waqt li l-istatistika dgħajfa dwar l-impjiegi fl-Istati Uniti tal-ġimgħa li għaddiet ftit li xejn naqqset l-ottimiżmu dwar l-akbar ekonomija fid-dinja. Dan ħalla lill-investituri ċerti li l-Federwl Reserve ser iżied ir-rati tal-interessi din is-sena. Rati ogħla tipikament jolqtu l-prezz tad-deheb, għax jikber l-opportunity cost li wieħed iżomm assi li ma jirrendux dħul bħal ma huwa d-deheb.

 

 

 

Aħbarijiet Oħra
Barranin

Muniti Id-Dollaru reġa’ waqa’ għall-inqas livell f’seba’ ġimgħat kontra grupp ta’ muniti ewlenin hekk kif naqas it-tħassib dwar l-impatt tat-tilwima kummerċjali bejn iċ-Ċina u l-Istati Uniti. Is-swieq finanzjarji issa qed…

Barranin

Id-Dollaru resaq lejn l-inqas rata f’seba’ ġimgħat kontra grupp ta’ muniti oħrajn, waqt li l-muniti bbażati fuq l-prodotti essenzjali avvanzaw wara serħan li l-aħħar rawnd ta’ tariffi mħabbra miċ-Ċina u…

Barranin

Muniti Id-Dollaru żamm qrib l-inqas rati f’seba’ ġimgħat kontra r-rivali tiegħu waqt li muniti riskjużi żdiedu wara li l-President Trump kabbar it-tilwima maċ-Ċina bl-impożizzjoni ta’ tariffi ta’ 10% fuq madwar…

Barranin

Id-Dollaru llum tilef iż-żidiet bikrija u tbaxxa waqt li l-muniti tas-swieq emerġenti tilfu kważi nofs punt perċentwali hekk kif l-investituri qed jistennew il-mossa li tmiss fit-tilwima kummerċjali bejn l-Istati Uniti…

Aktar