Barranin
Il-prezz tad-deheb riesaq lejn l-akbar tnaqqis f’sentejn u nofs

Id-dollaru żamm iż-żidiet tiegħu kontra l-yen u l-frank Żvizzeru llum hekk kif l-investituri xtraw assi aktar riskjużi wara l-aħbar li ċ-Ċina u l-Istati Uniti qablu li jirtiraw tariffi bħala parti minn ftehim preliminari mhux finalizzat biex itemmu l-gwerra kummerċjali bejniethom.

Dan intqal minn uffiċjali miż-żewġ naħat ilbieraħ. Is-sentiment mistenni li jibqa’ tajjeb għad-dollaru, l-ishma u assi riskjużi oħra għax tnaqqis fil-gwerra kummerċjali tneħħi riskju kbir għall-prospetti ekonomiċi globali.

L-isterlina kienet qed tiġi nnegozjata qrib l-inqas rata f’ġimagħtejn wara d-deċiżjoni tal-bieraħ mill-Bank of England li żamm ir-rata tal-interessi f’0.75%. L-investituri kienu qed jistennew li d-deċiżjoni tkun unanima, iżda tnejn mid-disa’ membri vvutaw favur tnaqqis minħabba l-inċertezzi dwar il-Brexit, u oħrajn, inkluż il-Gvernatur tal-Bank, Mark Carney, qalu li huma jikkunsidraw tnaqqis fil-futur. Bħala riżultat, jidher li hemm 80% ċans li jkun hemm tnaqqis fir-rati s-sena d-dieħla.

L-ishma Ewropej fetħu aktar baxxi llum, b’hekk waqqfu perjodu tajjeb ta’ ġimgħa wara sinjali mħallta dwar iċ-Ċina u l-Istati Uniti u li ħallew lill-investituri inċerti dwar jekk iż-żewġ naħat kienux verament qrib li jilħqu ftehim.

L-iSTOXX 600 tilef 0.4% dalgħodu iżda xorta riesaq lejn il-ħames ġimgħa infila pożittiva.

Kumpaniji tal-minjieri milquta minn tariffi u l-aktar esposti għall-kunflitt kummerċjali u l-implikazzjoniet tiegħu għat-tkabbir globali, kienu fuq quddiem tat-telf b’1.3%.  Ishma tat-telekomunikazzjoni u l-enerġija u l-ilma kellhom żidiet żgħar.

Il-prezzijiet bil-quddiem taż-żejt mhux raffinat tbaxxew illum minħabba l-inċertezza li għaddejja dwar jekk, u meta, l-Istati Uniti u ċ-Ċina jilħqux ftehim tant mistenni biex itemmu t-tilwima kummerċjali ħarxa bejniethom, u s-sitwazzjoni kerha biż-żieda tal-ħażniet li qed jikbru ta’ żejt mhux raffinat fl-Istati Uniti.

Il-Brent, li huwa l-punt ta’ referenza, tilef 44 cents, jew 0.7% għal $%61.85 kmieni dalgħodu wara li kien żdied b’0.9% fis-sessjoni ta’ qabel. Il-Brent mistenni li jkun żdied 0.4% fuq ġimgħa.

Il-United States West Texas Intermediate tilef 50 cents, jew 0.9% għal $56.65 kull barmil. Huwa kien żdied 1.4% ilbeiraħ u mistenni jkollu żieda ta’0.8% għal din il-ġimgħa.

It-tilwima bejn l-akbar żewġ ekonomiji naqqset ir-ritmu tat-tkabbir ekonomiku madwar id-dinja li wassal lill-analisti sabiex ibaxxu t-tbassir tagħhom dwar id-domanda għaż-żejt, u dan qajjem biża’ li jista’ jkun bosta żejt żejjed is-sena d-dieħla.

Il-prezzijiet tad-deheb resqin lejn l-akbar tnaqqis f’ġimgħa f’sentejn u nofs għax l-ottimiżmu dwar ftehim bejn iċ-Ċina u l-Istati Uniti kabbar is-sentiment favur ir-riskju, u b’hekk naqqas il-ħajra lejn id-deheb.

L-ishma mondjali rkupraw u l-indiċi tad-dollaru żdied wara li uffiċjali qalu li ċ-Ċina u l-Istati Uniti qablu jirtiraw tariffi jekk jintlaħaq ftehim dwar l-ewwel fażi ta’ ftehim bejniethom.

Aħbarijiet Oħra
Barranin

L-ewro llum baqa’ qrib l-inqas rata kontra d-dollaru f’seba’ ġimgħat wara li l-Bank Ċentrali Ewropew deher aktar kawt milli mistenni, waqt li l-ansejtà dwar l-imxija tal-coronavirus fiċ-Ċina tat spinta lill-yen, meqjus bħala…

Barranin

Muniti L-ewro tilef 0.22% wara l-laqgħa mistennija tal-Bank Ċentrali Ewropew, waqt li l-yuan Ċiniż tbaxxa minħabba il-biża’ dwar it-tixrid tal-viarus. Ewro kien jiswa $1.1067. Il-President tal-Bank Ċentrali Ewropew, Christine Lagarde…

Barranin

Muniti L-ewro llum baqa’ fl-inqas livell f’xahar fost aspettattivi li l-Bank Ċentrali Ewropew ser jadottaw ton kawt meta jiltaqa’ għada. Stħarriġ mill-Istitut ta’ Riċerka Ġermaniż, ZEW, wera li s-sentiment tal-investituri…

Barranin

Muniti L-indiċi tad-dollaru, li jkejjel il-valur tiegħu ma’ grupp ta’ sitt muniti, tbaxxa għal 97.481. Waqt li kien qed jitkellem fil-Forum Ekonomiku Dinji f’Davos, il-President Donald Trump qal li dalwaqt…

Aktar