Barranin, Lokali
Il-prezz taż-żejt fl-ogħla livell f’iktar minn sentejn u nofs

Muniti Kontra l-Ewro

L-isterlina waqqfet tlett ijiem ta’ żieda u ddgħajfet hekk kif l-investituri ħadu l-profitt wara rkupru, għalkemm l-istennija li t-taħditiet Brexit ser ikollhom riżultat pożittiv kompliet ssostni l-munita Ingliża.

Id-dollaru Kanadiż iddgħajjef xi ftit kontra dak Amerikan aktar b’saħħtu, u tbaxxa mill-ogħla rata fi tliet xhur milħuqa nhar il-Ġimgħa li għadda anke hekk kif ottimiżmu fi stħarriġ dwar in-negozju sostna l-fehma li l-Bank of Canada ser iżied ir-rati tal-interessi l-ġimgħa d-dieħla. L-ewro tilef 0.76% kontra l-yen.

Indiċi

L-ishma Ewropej komplew jissaħħu aktar u laħqu l-ogħla livell f’sentejn u nofs hekk kif l-ishma ta’ prodotti għall-konsumatur ħadu spinta minn riżultati tajbin ferm tal-bejgħ, waqt li l-grupp tat-telekomunikazzjoni Altice, li għandu ħafna dejn, beda pjani sabiex jbiegħ in-negozju tiegħu fl-Istati Uniti.

L-ishma Ewropej kellhom bidu tajjeb għas-sena, u qajmu xi tħassib dwar li xi valutazzjonijiet saru għolja wisq. Skont strateġista tal-UBS it-temperatura fis-suq Ewropew “hija sħuna ħafna mqabbla ma’ sena ilu”.

Ishma Lokali

L-ishma lokali kienu b’mod ġenerali negattivi bil-Bank of Valletta fuq quddiem bi tnaqqis ta’ 1.11% fil-prezz. RS2 Software u l-HSBC Bank tilfu ftit aktar minn 0.5%. Ishma oħrajn kienu negozjati mingħajr bidla. L-ishma tal-MIA żdiedu b’aktar minn 1.25%

Bonds Lokali

Kienet l-istorja xejra fis-suq tal-bonds lokali b’bond waħda li rreġistrat xi żidiet waqt li l-oħra rreġistraw tnaqqis. Il-MIDI 2026 tilfu ftit inqas minn 1%. Il-Corinthia Finance 2026 tilfu qrib it-2% waqt li l-AX Investments u l-International Hotel Investments tilfu 2.2 u 2.6% rispettivament.

Indikaturi Ekonomiċi

Il-Prodott Domestiku Gross fiż-żona tal-ewro kien aħjar milli mistenni bi 2.6%. Iż-żieda hija titjib milqugħ miċ-ċifra ta’ qabel ta’ 2.5%. L-analisti kienu qed jistennew ukoll 2.5%.

Prodotti Essenzjali

Il-prezz taż-żejt tela’ għal aktar minn $68 kull barmil, l-ogħla minn Mejju 2015, mgħejjun mit-tnaqqis fil-produzzjoni mill-OPEC u minn stennija li l-inventarju taż-żejt mhux maħdum fl-Istati Uniti jonqsu għat-tmien ġimgħa. Wara deher li l-prezz ikkonsolida taħt it-$68 wara li sar bejgħ biex jinkiseb il-profitt.

Il-prezz taż-żejt tbaxxa, minħabba dollaru aktar b’saħħtu, minħabba tħassib dwar l-instabbilità fl-Ewropa waqt li swieq finanzjarji tajbin naqqset l-entużjażmu għad-deheb.

Aħbarijiet Oħra
Barranin

Id-Dollaru Amerikan żamm maż-żidiet wara li tela’ mill-inqas rata fi tliet ġimgħat hekk kif it-tnaqqis fit-tensjoni dwar gwerra kummerċjali kabbar is-sentiment għar-riskju fost l-investituri. Is-swieq finanzjarji fl-Istati Uniti kienu mgħejjuna…

Barranin

L-ewro llum qabeż id-$1.24 għall-ogħla rata fi tliet ġimgħat wara li dejta ekonomika tajba ferm miċ-Ċina u tnaqqis fit-tħassib dwar aktar attakki Amerikani fis-Sirja reġgħu qanqlu s-sentiment ta’ riskju, għalkemm…

Barranin, Lokali

Il-Fimbank ħareġ aktar minn mitejn miljun ishma ġodda bi dritt għall-azzjonisti tiegħu Il-bank jittama li b’din ir-rights issue, l-azzjonisti tiegħu jżidu l-investiment tagħhom fil-bank b’mija u erbatax-il miljun Dollaru Amerikan….

Barranin

Id-dollaru laħaq l-ogħla rata f’sitt ġimgħat kontra l-Yen illum hekk kif naqset il-kawtela dwar intervent militari mill-Punent fuq is-Sirja bl-investituri qed jistennew rapporti finanzjarji tajbin minn kumpaniji Amerikani. Id-dgħufija tal-Yen,…

Aktar