Barranin
Il-prezz taż-żejt jerġa’ jiżdied bis-sanzjonijiet tal-Istati Uniti

Muniti

Id-Dollaru tilef kwart ta’ perċentwal, l-akbar f’ġimgħa,  kontra basket ta’ muniti kompetituri llum, hekk kif kibru l-aspettattivi li l-irkupru riċenti tad-Dollaru minħabba t-tensjonijiet kummerċjali wasal biex jintemm.

Min-nofs April, id-Dollaru kien żdied b’aktar minn 6% kontra l-muniti kompetituri. Iżda bis-swieq jistennew tliet żidiet oħra fir-rati ta’ interessi sa nofs l-2019, l-investituri qed ikunu kawti li ma jipprezzawx iż-żejjed lill-muniti bix-xiri bil-quddiem tal-munita jikkonsolida ruħu fl-ogħla livell f’sena.

L-Ewro żdied b’0.43% kontra d-Dollaru għal $1.160; 0.30% kontral-Isterlina; 0.20% kontra d-Dollaru Kanadiż; 0.10% kontra l-Yen u 0.14% kontra l-Frank Żvizzeru. Iżda l-munita unika tilfet 0.20% kontra d-Dollaru Awstraljan għal AUD 1.5608.

Indiċi

Iż-żidiet fl-indiċijiet tal-Ewropa waslu wara sessjoni ta’ negozju qawwi fl-Asja hekk kif il-fokus tal-investituri nbidel mill-gwerra kummerċjali maħmuġa u kumplessa lejn ir-riżultati finanzjarji tal-kumpaniji li malajr jifhmuhom u jipprezzaw fis-swieq.

L-indiċijiet Ewropej kienu kollha f’territorju pożittiv. Il-FTSE 100 żdied b’1.08%; l-iSTOXX 50 b’0.78%; id-DAX b’ 0.93% u l-CAC 40 b’0.86%.

Id-Dow Jones fetaħ 0.54% ogħla waqt li l-indiċi tal-Borża ta’ Malta tilef 0.749%.

Ishma

Fl-ishma lokali, il-GO żdiedu b’aktar minn 0.60% biex għalqu €3.38. Il-Malta International Airport u l-MIDI ma nbidlux minkejja n-negozju fihom. L-HSBC Bank Malta, il-Malita Investments u l-Bank of Valletta tilfu aktar minn 1.00% bil-Bank of Valetta jitilfu l-aktar biex għalqu €1.55.

Bonds

Fis-sessjoni tal-bonds, il-Bortex Group Finance 2027, il-Mariner Finance 2024, l-SD Finance 2027 u t- Tumas Investments 2027 kollha wrew żieda. Sadattant il-Corinthia Finance 2026 u l-International Hotel Investments 2026 (It-Tieni Serje) tilfu aktar minn 0.40%.

Il-prezz taż-żejt żdied għax is-sanzjonijiet mill-ġdid tal-Istati Uniti kontra l-esportatur ewlieni l-Iran mistennija jnaqqsu l-provvista globali.

Il-Brent żdied b’1.54% għal $74.73 kull barmil u l-U.S. Light Crude żdied b’0.90% għal $69.63.

Id-deheb wera żieda ta’ 0.42% għal €1,212.96 kull uqija waqt li kien hemm żieda ta’ 0.32% fil-fidda għal $15.41.

Aħbarijiet Oħra
Barranin

Muniti L-Isterlina tbaxxiet illum hekk kif kompla l-irkupru tad-dollaru, u l-istatistika tajba dwar il-bejgħ bl-imnut fir-Renju Unit ma kinetx biżżejjed biex tqajjem lill-munita mis-sitwazzjoni li tinsab fiha wara l-estensjoni ta’…

Barranin

Muniti L-ewro llum tbaxxa wara li diversi uffiċjali tal-Bank Ċentrali Ewropew urew dubji dwar l-irkupru pproġettat fit-tkabbir ekonomiku fit-tieni nofs tas-sena. It-tħassib dwar l-ekonomija taż-żona tal-ewro ħabat ħames ġimgħat wara…

Barranin

Rappreżentanti ta’ Valletta Cruise Port u l-Awtorità tat-Turiżmu flimkien ma’ partijiet interessati pparteċipaw fis-Seatrade Cruise Global 2019 f’Miami. Is-Seatrade Cruise Global huwa l-pjattaforma ewlenija tal-industrija fejn ‘il fuq minn 11,000…

Barranin

L-ewro żdied, mgħejun mill-aħbar dwar domanda li qed tikber għall-munita unika fil-pjani tal-banek Ġappuniżi għal xiri ta’ negozju ta’ bosta biljuni minn bank Ċermaniż. L-ewro żdied b’0.29% kontra d-dollaru għal…

Aktar