Il-prezz taż-żejt jisstabilizza ruħu

Muniti meqjusa bħala sikuri bħal yen Ġappuniż illum irtiraw hekk kif l-Istati Uniti u l-Iran ma komplewx bl-attakki, bis-swieq jerġgħu b’sentimwent ta’ riskju bit-tama dwar ftehim kummerċjali bejn l-Istati Uniti u ċ-Ċina. Il-President Donald Trump wieġeb għall-attakk tal-Iran b’sanzjonijiet u mhux bi vjolenza. L-Iran ma ta ebda sinjal immedjat li ser jirritalja aktar għall-attakk Amerikan li qatel lill-aktar ġenerali magħruf Iranjan.

Il-yen, meqjuż sikur fi żminijiet ta’ taqlib ġeopolitiku minħabba l-likwidità kbira u l-bilanċ kbir fil-kont kurrenti, tilef iż-żidiet li kien għamel wara l-attakk bil-missili mill-Iran. Huwa tilef 0.3% għal 109.49 kull dollaru, l-inqas f’ġimagħtejn.

L-Isterlina tbaxxiet qrib l-inqas rata f’ġimagħtejn kontra d-Dollaru wara li l-Gvernatur tal-Bank of England Mark Carney qal li jista’ jkun hemm “tweġiba relattivament pronta” mill-bank jekk ikun jidhe rli l-ekonomija tkun qed tiffaċċja perjodu twil ta’ dgħufija.

L-ishma Ewropej laħqu livell għoli reġord llum wara li l-Istati Uniti u l-Iran ma komplewx bl-attakki u l-investituri reġgħu daru lejn assi riskjużi minħabba tamiet ta’ ftehim bejn l-Istati Uniti u ċ-Ċina.

L-indiċi tal-ishma fl-Istati Uniti laħqu livelli rekord llum wara tnaqqis fit-tensjoni bejn l-Istati Uniti u l-Iran waqt li qed tissaħħaħ it-tama ta’ ftehim maċ-Ċina.

Fis-settur tal-ishma lokali, il-GO tilfu 1.40%; il-Malta International Airport tilfu 1.45%, il-Mapfre Middlesea b’6.78%u l-MIDI plc b’7.41%. L-RS2 Software kienu l-uniku sehem pożittiv illum b’żieda ta’ 2.70%.

Fis-sessjoni tal-bonds lokali, is-6PM Holdings 2025 żdiedu b’0.35%; il-Merkanti Holding 2026 b’0.50%. L-International Hotel Investments 2026 tilfu 0.29%; id-Dizz Finance 2026 b’1%; l-International Hotel Investments 2026 (it-tieni ħruġ) tbaxxew b’0.28%. L-Eden Finance 2027 żdiedu b’0.87% u t-Tumas Investments 2027 tilfu 1.42%.

Il-prezzijiet taż-żejt stabilizzaw rwieħhom illum wara it-telf tas-sessjonita’ qabel minħabba ħażniet jikbru ta żejt fl-Istati Uniti u tnaqqis mfit-tħassib dwar tkabbir iminenti fil-kunflitt bejn l-Istati Uniti u l-Iran.

Il-prezzijiet kienu qrib fejn kienu qabel l-attakk Amnerikan li qatel ġenerali Iranjan li wassal għal attakki bil-missili Iranjani fuq bażijiet fl-Iraq fejn hemm suldati Amerikani u b’hekk iż-żejt tela għall-ogħla prezz f’erba xhur.

Il-prezzijiet tad-deheb tilfu llum u irtiraw mill-ogħla prezz f’seba snin tal-bieraħ.

Aħbarijiet Oħra
Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Id-dollaru tbaxxa kontra r-rivali tiegħu għax l-investituri evalwaw it-tamiet ta’ rkupru ekonomiku ta’ malajr kontra l-biża’ dwar il-qawmien mill-ġdid tal-pandemija, partikularment fl-Istati Uniti. Id-domanda għad-dollaru baqgħet stabbli hekk kif il-prezzijiet…

Aktar