Barranin
Il-prezz taż-żejt kompla jogħla minħabba tnaqqis fil-ħażna taż-żejt Amerikan

Muniti

Id-dollaru kien aktar b’saħħtu kontra l-yen u l-Frank Żvizzeru hekk kif l-investituri kienu aktar ottimisti qabel diskors tal-President Trump, li fih mistenni li jipposponi tariffi fuq il-karozzi Ewropej b’sitt xhur. Id-dollaru żdied 0.1% kontra l-yen u 0.3% kontra l-Frank Żvizzeru fin-negozju kmieni f’Londra. L-ewro kellu l-inqas rata f’erba’ ġimgħat kontra d-dollaru għal $1.1021.

Id-Dollaru ta’ New Zealand tbaxxa b’0.5% kontra d-dollaru Amerikan u bilkemm irkupra mil-livell baxx tal-ġimgħa li għaddiet wara li stħarriġ mill-bank ċentrali wera li l-aspettattivi dwar l-inflazzjoni naqsu, u b’hekk kabbru l-istennija tal-investituri li jkun hemm tnaqqis fir-rati tal-interessi din il-ġimgħa.

L-isterlina tbaxxiet mill-ogħla rati tal-aħħar sitt xhur kontra l-ewro u kienet aktar dgħajfa kontra d-dollaru Amerikan illum, hekk kif naqqset il-ħeġġa li kien hemm wara li l-Brexit Party ħabbar li ma kienx ser jikkontesta fl-elezzjoni ġenerali li tmiss is-siġġijiet li kellhom qabel il-Konservattivi.

Indiċi

L-ishma Ewropew ftit inbidlu llum, hekk kif rapporti finanzjarji pożittivi minn Deutsche Post u Infineon kienu bbilanċjati minn kawtela qabel id-diskors tal-President Trump li jista’ joffri ħjiel dwar it-taħditiet kummerċjali maċ-Ċina.

Wall Street kienet riesqa lejn ftuħ ta’ negozju bla ebda żieda, għax l-investituri qed jistennew id-diskors ta’ Trump.

Fix-xena lokali, kien hemm tnaqqis ta’ 0.47% fl-ishma tal-GO; 1.36% fil-Malta International Airport; 0.93% fil-Mapfre Middlesea; 0.70% fil-MIDI u 3.80% fil-PG. F’territorju pożittiv kienu l-ishma tal-RS2 Software b’żieda ta’ 3.77%. Is-Santumas Shareholdings tbaxxew b’1.41%.
Bonds

Fis-sessjoni tal-bonds lokali, l-6.00% AX Investments 2024 tilfu 0.22%; il-Me Direct 2024-2029 EUR tbaxxew b’0.25% u l-Bank of Valletta 2030 (L-Ewwel Serje) tilfu 0.5%. Fin-naħa pożittiva, kien hemm l-i Stivala Group Finance 2029 b’0.49%; il-Grand Harbour Marina 2027 b’0.95%; l-SD Finance 2027 b’1.28% u l-International Hotel Investments 2026 (It-tieni ħruġ) b’0.94%.

Il-prezz taż-żejt kompla jogħla ‘l fuq mit-$62 kull barmil, sostnut minn tamiet li l-President Trump jista’ jħabbar progress fit-taħditiet kummerċjali maċ-Ċina u minħabba tnaqqis fil-ħażniet taż-żejt Amerikani. It-tħassib dwar effett ħażin fuq it-tkabbir ekonomiku u d-domanda għaż-żejt minħabba t-tilwima bejn l-Istati Uniti u ċ-Ċina baxxew il-prezzijiet ilbieraħ.

Il-prezzijiet tad-deheb tbaxxew illum minħabba li tamiet ta’ taħditiet kummerċjali pożittivi bejn l-Istati Uniti u ċ-Ċina kabbret is-sentiment ta’ riskju, waqt li l-investituri biegħu d-deheb biex jiksbu l-profitt.

Aħbarijiet Oħra
Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Barranin

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Aktar