Barranin
Il-prezz taż-żejt waqa’ b’aktar minn 2%

Muniti

L-Isterlina ssaħħet illum hekk kif l-investituri kkunsidraw jekk il-Gvern Ingliż idewwimx il-Brexit jekk il-Prim Ministru Theresa ma tiksibx appoġġ parlamentari għal ftehim tal-irtirar.

Il-kriżi dwar il-Brexit ser tibqa’ sejra sal-aħħar hekk kif May qed titħabat biex tikseb it-tibdil li trid mill-Unjoni Ewropea sabiex il-ftehim jgħaddi mill-Parlament li huwa maqsum. Hija għandha quddiemha riskju li jkollha tipposponi l-Brexit.

Il-munita Ċiniża, il-yuan, laħqet l-ogħla rata f’seba’ xhur u kemm id-Dollaru Awstraljan kif ukoll dak ta’ New Zealand żdiedu hekk kif il-President Trump ikkonferma li ser jipposponi żieda ppjanata fuq l-importazzjoni Ċiniża.

Indiċi

L-ishma fl-Istati Uniti fetħu ogħla llum, immexxija mill-ishma industrijali u tat-teknoloġija, sostnuti minn tamiet ta’ riżoluzzjoni tat-tilwima kummerċjali bejn l-Istati Uniti u ċ-Ċina wara li Trump ħabbar posponiment taż-żieda fit-tariffi.

Id-Dow Jones fetaħ b’żieda ta’ 0.36%; l-S&P 500 b’0.65% u n-Nasdaq b’0.77%.

Id-deċiżjoni tal-President Trump wasslet biex l-ishma fl-Ewropa jilħqu wkoll l-ogħla prezz minn Ottubru hekk kif żdiedu l-prezzijiet tal-kumpaniji tal-karozzi u tal-minjieri. L-ISTOXX 50 żdied b’0.5%; u d-DAX b’0.62%.

Il-prezz taż-żejt waqa’ b’aktar minn 2% u tilef iż-żidiet preċedenti wara li l-President Trump qal lill-produtturi tal-OPEC biex jikkalmaw għax il-prezzijiet huma għolja wisq.

Aħbarijiet Oħra
Barranin

Muniti  Is-sentiment ta’ riskju deher fis-swieq finanzjarji llum, hekk kif progress lejn is-sejba ta’ vaċċin kontra l-Covid-19 għen lill-ishma jirkupraw u l-muniti bbażati fuq prodotti essenzjali jissaħħu, waqt li d-dollaru…

Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Aktar