Barranin
Il-prezzijiet tad-deheb tbaxxew bl-aħbar li ċ-Ċina se tneħħi xi tariff fuq prodotti Amerikan

Id-dollaru dieħla lejn l-agħar ġimgħa minn Ottubru minħabba nervożismu fin-negozju u ħjiel ta’ dgħufija fl-ekonomija Amerikana, bil-fatturi domestiċi li minnhom gawdew id-dollaru ta’ New Zealand u l-isterlina.

Il-movimenti kienu baxxi fl-Asja iżda kontra basket ta’ muniti; id-dollaru tilef kull ġurnata din il-ġimgħa għal telf kumulattiv ta’ 1% u kontra l-ewro tilef 0.8% biex kien jiswa $1.1106 kull ewro.

Il-President Trump baqa’ ottimist dwar il-kummerċ u qal li t-taħditiet mexjin sewwa. Is-swieq mhumiex konvinti bit-tħassib ikompli minn nuqqas ta’ entużjażmu simili fiċ-Ċina.

Uffiċjali Ċiniżi tennew il-pożizzjoni tagħhom li xi tariff Amerikani jridu jitneħħew qabel il-ftehim, xi ħaġa li Washington ma tat ebda sinjal li trid tagħmel.

Is-sikurezza tal-Yen u tal-Frank Żvizzeru kienet ukoll fid-domanda hekk kif l-investituri beżgħu li ċ-ċifri dwar l-impjiegi li mistennija llejla ma jkunux tajbin bl-elezzjoni fir-Renju Unit, il-laqgħa tal-Federal Reserve u xi aħbarijiet dwar il-kummerċ il-ġimgħa d-dieħla.

Fir-Renju Unit, il-mexxejja tal-partiti Konservattiv u Laburista ser ikollhom l-aħħar dibattitu llejla qabel l-elezzjoni. Fi Franza, l-istrajk ġenerali kompla għat-tieni jum hekk kif il-ħaddiema tas-settur pubbliku jipprotestaw kontra t-tibdil fis-sistema tal-pensjoni.

L-ishma fl-Ewropa kienu mistennija jiftħu tajjeb illum hekk kif l-investituri jistennew iċ-ċifri dwar l-impjiegi mill-Istati Uniti u jsegwu l-iżviluppi dwar it-taħditiet bejn l-Istati Uniti u ċ-Ċina.

Il-prezz taż-żejt tbaxxa llum jekk kif l-investituri jistennew il-laqgħa tal-OPEC u l-alleati aktar tard illum li mistennija li formalment tapprova aktar tnaqqis fil-produzzjoni fl-2020.

Minkejja t-tnaqqis ġdid, l-OPEC ma ħaditx pożizzjoni lil hinn minn Marzu u analisti ddubitaw mill-effetti tal-aħħar tnaqqis.

L-OPEC u l-alleati fosthom ir-Russja qablu lbieraħ li jnaqqsu l-produzzjoni biex jiskansaw produzzjoni żejda kmieni s-sena d-dieħla hekk kif l-ekonomija dinija mhix miexja ‘l quddiem minħabba l-ġlieda bejn l-Istati Uniti u ċ-Ċina.

Il-prezzijiet tad-deheb tbaxxew wara l-aħbar miċ-Ċina li ser tneħħi xi tariff fuq prodotti Amerikan, iżda d-deheb xorta kien riesaq lejn żieda fuq ġimgħa qabel ir-rapport dwar l-impjiegi fl-Istati Uniti li jistgħu jagħtu ħjiel tal-ekonomija Amerikana.

Aħbarijiet Oħra
Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Aktar