Barranin
Il-prezzijiet tad-deheb tbaxxew għall-inqas livell fi 3 xhur

Muniti

L-ewro llum tbaxxa wara li diversi uffiċjali tal-Bank Ċentrali Ewropew urew dubji dwar l-irkupru pproġettat fit-tkabbir ekonomiku fit-tieni nofs tas-sena.

It-tħassib dwar l-ekonomija taż-żona tal-ewro ħabat ħames ġimgħat wara li l-Bank Ċentrali Ewropew ippospona l-ewwel żieda fir-rati tal-interessi wara l-kriżi sal-2020. Il-munita unika tilfet 0.2% għal $1.128 waranofsinhar meta kienet qed tkun innegozjata 0.04% aktar baxxa. Il-muniti ewlenin kienu negozjati f’firxa dejqa.

It-tamiet għall-volatilità fl-Isterlina tbaxxew għall-inqas livell f’aktar minn sena wara li l-mexxejja tal-Unjoni Ewropea u l-Gvern Ingliż ħabbret posponiment ta’ sitt xhur għal Brexit.

Indiċi

L-ishma Ewropew żdiedu għall-ħames jum, mgħejuna minn ishma bankarji u tal-bejgħ bl-imnut waqt li statistika miċ-Ċina saħħet it-tamiet ta’ stabilizzazzjoni fit-tieni l-akbar ekonomija fid-dinja.

Fl-Istati Uniti, l-ishma fetħu ogħla hekk kif investituri laqgħu bil-ferħa rapporti finanzjarji tajbin minn kumpaniji bħal United Health Group u Johnson & Johnson. Id-Dow Jones żdied b’131 punt biex imbagħad tilef 0.10%. L-S&P 500 żdied b’0.3% minħabba s-suċċess tal-ishma tas-saħħa. In-Nasdaq avvanza 0.3%.

Ishma Lokali

Fl-ishma lokali, il-Malta Properties Company tilfu 4.92%, il-MaltaPost 4%, il-Medserv 2.75% u l-Main Street Complex 3.08%. Il-Bank of Valletta kienu l-uniċi ishma li żdiedu bi 3.08%.

Bonds Lokali

Fil-qasam tal-bonds lokali, il-Mediterranean Investments Holdings 2021 tilfu 3.28% segwiti minn GAP Group 2023 bi 2.2%. Il-bonds li żdiedu l-aktar kienu n-1923 Investments 2024 b’avvanz ta’ 0.97%.

Il-prezzijiet tad-deheb tbaxxew għall-inqas livell fi tliet xhur illum hekk kif statistika pożittiva mill-ekonomiji maġġuri qajmet is-sentiment ta’ riskju u naqset id-domanda għad-deheb, meqjus bħala assi sigur. Il-prezz tilef 0.92% għal $1,276.53 kull uqija.

Aħbarijiet Oħra
Barranin

Muniti L-ewro llum baqa’ fil-firxa riċenti ta’ negozju kontra d-dollaru, bil-progress tiegħu limitat mill-aspettattiva dwar pożizzjoni mhux aggressiva tal-bank Ċentrali Ewropew il-ġimgħa d-dieħla u wara li l-investituri saru inqas aggressivi…

Barranin

L-ewro kien ftit aktar b’saħħtu fil-livell ta’ $1.1264 iżda ftit inqas mill-$1.1285 li laħaq nhar il-Ħamis qabel ma ħarġet id-dejta dwar l-inflazzjoni fl-Istati Uniti. Id-dollaru kien b’saħħtu l-Ġimgħa wara li…

Barranin

Muniti L-isterlina żdiedet illum u rkuprat il-parti l-kbira tat-telf li kellha kmieni din il-ġimgħa wara li ċ-Chairman tal-Federal Reserve Jerome Powell ħalla l-bieb miftuħ għal tnaqqis fir-rati, għalkemm l-ekonomija Ingliża…

Barranin

Muniti L-ewro tbaxxa taħt id-$1.12 għall-inqas livell kontra dollaru aktar b’saħħtu hekk kif l-investituri evalwaw mill-ġdid l-aspettattivi tagħhom dwar b’kemm jista’ l-Federal Reserve jnaqqas ir-rati tal-interessi dan ix-xahar. In-nominazzjoni tal-President…

Aktar