Barranin
Il-prezzijiet tad-deheb tbaxxew mill-ogħla livell fi tliet xhur u nofs

L-ewro kkonsolida ż-żidiet din il-ġimgħa minħabba stennija li l-mexxejja tal-Bank Ċentrali Ewropew aktarx jibdew jirtiraw il-politiki ta’ stimulu aktar kmieni milli kien mistenni minħabba tisħiħ fl-ekonomija. Is-sidien fl-Istati Uniti komplew b’pass tajjeb jimpjegaw il-ħaddiema matul Diċembru waqt li ż-żieda fil-pagi kif ukoll fiduċja li qed tikber fl-ekonomija, jistgħu jwittu t-triq għall-Federal Reserve li jżid ir-rati tal-interessi f’Marzu.

L-ishma Ewropej żdiedu bil-qawwi din il-ġimgħa, bl-indiċijiet ewlenin fir-Renjui Unit u l-Iżvizzera jilħqu livelli għolja rekord, mgħejjuna minn ottimiżmu fit-tisħiħ tal-ekonomija reġjonali u żieda fl-ishma Amerikan matul il-lejl.

L-ISTOXX 600, li huwa mifrux mal-Ewropa,  żdied b’0.4% u żamm mal-ogħla livell f’xahrejn, waqt li l-indiċijiet tal-kumpanija l-kbar Ewropej, l-ISTOXX 50 avvanza 0.5% u kompla maż-żidiet qawwija fis-sessjoni ta’ qabel.

Il-prezzijiet taż-żejt waqgħu din il-ġimgħa, mil-livelli li l-aħħar li rajnihom kienu fl-2015, minħabba produzzjoni li qed tiżdied fl-Istati Uniti imminat irkupru ta’ 10% mil-livelli baxxi ta’ Diċembru li irriżultaw minn provvista inqas u t-tensjonijiet politiċi fl-Iran, li huwa membru tal-OPEC.

Il-prezzijiet tad-deheb tbaxxew mill-ogħla livell fi tliet xhur u nofs milħuqa fis-sessjoni ta’ qabel, iżda xorta resqin lejn ir-raba’ ġimgħa ta’ żieda.

Il-ġimgħa d-dieħla

L-aħbarijiet ewlenin il-ġimgħa d-dieħla jinkudu ir-rata tal-qgħad fiż-żona tal-ewro u l-inflazzjoni minn xahar għal xahar fl-Istati Uniti li mistennija titbaxxa għal 0.2%.

 

 

 

 

 

 

 

 

 

 

 

Aħbarijiet Oħra
Barranin

Id-Dollaru llum kien riesaq lejn tnaqqis żgħir wara li kien laħaq l-ogħla rata f’sentejn minħabba dħul inqas mill-bonds tal-Gvern Amerikan hekk kif l-investituri qed jibżgħu li t-tilwima kummerċjali bejn l-Istati…

Barranin

Muniti Id-Dollaru żamm qrib l-ogħla rata f’xahar illum hekk kif it-tensjonijiet kummerċjali bejn l-Istati Uniti u ċ-Ċina baqgħu għoljin qabel ma l-minuti tal-Federal Reserve jagħtu ħjiel dwar x’kien wassal lill-mexxejja…

Barranin

Muniti Id-Dollaru llum żamm iż-żidiet li kellu l-ġimgħa li għaddiet hekk kif l-investituri qed jistennew il-minuti tal-laqgħa tal-Federal Reserve li jistgħu jagħtu aktar ħjiel dwar x’wassal biex id-diretturi jieħdu atteġjament…

Barranin

Id-Dollaru żamm qrib l-ogħla rata f’ġimagħtejn kontra l-muniti rivali, sostnut minn statistika ekonomika tajba ferm mill-Istati Uniti u żieda fid-dħul tal-bonds tat-Teżor. L-indiċi tad-Dollaru kontra grupp ta’sitt muniti ewlenin ftit…

Aktar