Barranin
Il-prezzijiet taż-żejt tbaxxew hekk kif it-theddida ta’ gwerra fil-Lvant Nofsani naqset

Id-dollaru, li ddomina s-suq tal-kambju għal dawn l-aħħar sentejn, jidher li ser jagħmel l-istess matul l-2020 skont l-aħħar stħarriġ minn Reuters fost strateġisti tal-kambju barrani.

Waqt li l-parti l-kbira ta’ dawk li jbassru r-rati tal-kambju qed iżommu l-fehma li l-ewro jista’ jiżdied xi ftit sa tmiem is-sena, meta kienu mistoqsija dwar ix-xejra ġenerali, xi ftit strateġisti qalu li d-dollaru mhux ser iħalli d-dominanza li għandu fi żmien qasir.

Parti minn din il-fehma ġejja miż-żieda riċenti fit-tensjonijiet bejn l-Istati Uniti u l-Iran, bl-investituri ifittxu bil-qawwi l-assi sikuri bħal yen, li laħaq l-ogħla rata fi tliet xhur nhar l-Erbgħa li għadda. Din is-sitwazzjoni hija l-istess li kienet matul it-tensjoni kummerċjali bejn l-Istati Uniti u ċ-Ċina s-sena li għaddiet.

L-ishma globali laħqu livell għoli rekord illum u l-prezzijiet tal-assi sikuri bħad-deheb tilfu xi ftit għax l-investituri laqgħu bil-ferħa t-tnaqqis fit-tensjoni bejn l-Istati Uniti u l-Iran u qed iħarsu lejn titjib fit-tkabbir globali.

Is-swieq warrbu malajr it-telf li kellhom fil-bidu tal-ġimgħa wara li l-Istati Uniti qatlu l-aktar Ġeneral important Iranjan, ghax qed jemmnu li dan mhux ser iwassal għall-konfrontazzjoni militari sħiħa li tkisser il-fiduċja tal-investitur.

L-indiċi tal-ishma mondjali, MSCI, li jsegwi ishma f’49 pajjiż, malajr irkupra u żied 0.1% illum biex laħaq livell għoli record ġdid. L-indiċi huwa kważi 1.5% ogħla mill-inqas livell ta’ nhar it-Tnejn.

L-ishma Ewropej kienu mħallta fil-ftuħ tan-negozju, bl-iSTOXX 50 jitlef 0.16%, id-DAX jiżdied 0.06% u l-FTSDE avvanza 0.1%.

Dan segwa l-livelli rekord fit-tliet indiċijiet ewlenin f’Wall Street ilbieraħ. Is-swieq finanzjarji bdew l-2019 tajjeb ferm minkejja d-deċiżjoni tal-President Trump li joqtol lill-ġeneral iranjan.

Il-prezzijiet taż-żejt illum tbaxxew hekk kif it-theddida ta’ gwerra fil-Lvant Nofsani naqset u l-investituri tefgħu l-attenzjoni tagħhom lejn l-inventarji taż-żejt u l-prodotti fl-Istati Untiti li qed jiżdiedu.

Il-Brent tilef 4 cents għal $65.33 kmieni dalgħodu u riesaq lejn l-ewwel tnaqqis f’sitt ġimgħat, telf ta’ %5. Il-United States West Texas Intermediate tilef 8 cents għal $59.48 u riesaq lejn l-ewwel telf f’ġimgħa f’sitt ġimgħat. Huwa tilef kważi 6% min nhar il-Ġimgħa li għadda.

Iż-żejt issa jinsab iktar baxx milli kien qabel l-attakk Amerikan.

Il-prezzijiet tad-deheb tbaxxew illum, wara li kienu tilfu 1% fis-sessjoni ta’ qabel, għax it-tnaqqis fit-tensjoni fil-Lvant Nofsani wassal biex l-investituri resqu lejn assi riskju.

Aħbarijiet Oħra
Barranin

Muniti L-ewro tbaxxa għall-inqas rata f’xahrejn kontra l-yen għal 119.94 yen kmieni matul il-jum. Il-munita unika tilfet ukoll kontra l-Frank Żvizzeru, għall-inqas livell fi 33 xahar ta’ 1.0683 frank kull…

Barranin

L-ewro llum baqa’ qrib l-inqas rata kontra d-dollaru f’seba’ ġimgħat wara li l-Bank Ċentrali Ewropew deher aktar kawt milli mistenni, waqt li l-ansejtà dwar l-imxija tal-coronavirus fiċ-Ċina tat spinta lill-yen, meqjus bħala…

Barranin

Muniti L-ewro tilef 0.22% wara l-laqgħa mistennija tal-Bank Ċentrali Ewropew, waqt li l-yuan Ċiniż tbaxxa minħabba il-biża’ dwar it-tixrid tal-viarus. Ewro kien jiswa $1.1067. Il-President tal-Bank Ċentrali Ewropew, Christine Lagarde…

Barranin

Muniti L-ewro llum baqa’ fl-inqas livell f’xahar fost aspettattivi li l-Bank Ċentrali Ewropew ser jadottaw ton kawt meta jiltaqa’ għada. Stħarriġ mill-Istitut ta’ Riċerka Ġermaniż, ZEW, wera li s-sentiment tal-investituri…

Aktar