Lokali
Imħabbra l-kelliema internazzjonali għall-ewwel B2B Expo Malta

Il-B2B Expo Malta, organizzata mill-Ministeru għall-Ekonomija, l-Investiment u n-Negozji ż-Żgħar, se jkollha parteċipazzjoni mill-kelliema internazzjonali Sir Clive Woodward, il-Coach Prinċipali li mexxa t-team tar-rugby tal-Ingilterra biex jirbaħ it-Tazza tad-Dinja fl-2003; Sahar Hashemi, OBE u intraprenditura li waqqfet  żewġ kumpaniji—Coffee Republic u Skinny Candy; u Chris Moss, fundatur tal-Orange Brand, kreatur ta ‘Magic Moments’ ta’ Virgin Atlantic u Eks-Eżekuttiv Prinċipali ta’ 118 118.

Il-kelliema ġew imħabbra llum mill-Ministru għall-Ekonomija, l-Investiment u n-Negozji ż-Żgħar Chris Cardona f’konferenza stampa fejn ġie żvelat il-programm komplut tal-B2B Expo. Il-konferenza se tinkludi wkoll sessjonijiet ta’ masterclasses miżmuma minn esperti u professjonisti fil-qasam dwar sfidi u opportunitajiet li jistgħu jiltaqgħu magħhom in-negozji moderni. Is-suġġetti jinkludu il-fundamentali għal trasformazzjoni diġitali, l-importanza tad-data fin-negozji, introduzzjoni fuq każijiet ta’  użu kummerċjali fuq blockchain, u l-użu ta’ LinkedIn minn Jason Miller—Content and Social Marketing Leader minn Linkedin.

Il-ministeru, fl-impenn tiegħu li jkompli jibni ambjent ekonomiku kompetittiv u joħloq opportunitajiet ġodda għall-SMEs, identifika n-nuqqas tat-tali opportunità li tiġbor l-industriji kollha fis-suq lokali u għalhekk qed jimla dan l-ispazju neċessarju, hekk kif l-ekonomija dejjem tikber. Il-konferenza se tlaqqa’ sidien ta’ negozji lokali, imprendituri u startups ġodda f’ambjent ta’ networking u ta’ tagħlim għal dawk li qed ifittxu soluzzjonijiet biex jibnu n-negozji tagħhom.

“Ngħarfu li pajjiżna għandu suq mimli b’ħaddiema u intraprendituri b’ħafna talent, u nħarsu ‘l quddiem sabiex dakinhar niġbruhom kollha taħt saqaf wieħed. Nisperaw li l-konferenza tista’ twassalhom sabiex ikollhom rabtiet kummerċjali ġodda, u li tgħinhom jistabbilixxu l-pass li jmiss fl-istrateġija kummerċjali u investiment ġdid għall-pajjiż”, qal il-Ministru Cardona.

Il-B2B Expo se ssir fl-1 ta’ Ġunju u d-dħul huwa mingħajr ħlas. Il-linja kompluta u r-reġistrazzjoni  huma disponibbli fuq www.b2bexpomalta.com.

Aħbarijiet Oħra
Barranin, Lokali

L-ewro baqa’ mwaħħal qrib l-inqas rata wara l-aħbar ta’ tkabbir ekonomiku dgħajjef aktar milli mistenni fil-Ġermanja u żieda fid-dħul mill-bonds tat-Teżor Amerikan għenet lid-dollaru jirkupra wara pawsa fiż-żidiet. Is-saħħa tad-dollaru…

Lokali

Il-bank APS ġedded l-isħubija tiegħu ma’ Aġenzija Żgħażagħ; b’aktar opportunitajiet ta’ studju Il-bank APS qed jikkollabora ma’ Aġenzija Żgħażagħ biex iġib miegħu aktar opportunitajiet fl-ispeċjalizzazzjonijiet fil-karrieri għall-istudenti bejn it-18 u…

Lokali

Il-Lombard Bank is-sena li għaddiet żied il-qligħ tiegħu għal seba miljuni u nofs qabel it-taxxa, żieda ta’ kważi miljun ewro fuq is-sena ta’ qabel. Ir-riżultati tal-bank tħabbru fil-laqgħa ġenerali annwali…

Lokali

Id-dollaru llum laħaq l-ogħa rata f’erba’ xhur wara li żieda fid-dħul mill-bonds tat-Teżor Amerikan li tela’ il fuq minn 3% ħarbat lill-invesituri moderati u wasslet biex investituri jikkunsidraw jekk id-dollaru…

Aktar