Barranin
Inċertezza dejjem tikber għall-isterlina hekk kif ir-Renju Unit iħejji biex joħroġ mill-UE

Muniti

Id-dollaru baqa’ qrib l-ogħla rata f’ġimagħtejn kontra l-muniti rivali hekk kif it-tnaqqis fl-ekonomija Ċiniża għall-inqas livell fi 28 sena kabbar it-tħassib tal-investituri dwar it-tkabbir globali u sostna l-muniti meqjuża bħala siguri.

Il-Fond Monetarju Internazzjonali baxxa t-tbassir għat-tkabbir globali għal 2019 u l-2020, minħabba it-tnaqqis fl-espansjoni ekonomika fiċ-Ċina u fiż-żona tal-ewro u n-nuqqas li jkunu riżolti t-tensjonijiet kummerċjali li jistgħu jkomplu jħarbtu l-ekonomija globali.

Kollox ma kollox, id-dollaru qed ikollu pressjoni indiretta mill-momentum batut fl-ekonomija globali li sforza lill-Federal Reserve li jieħu approċċ kawt dwar aktar żidiet fl-interessi. L-ispekulazzjoni hija li l-Federal Reserve dalwaqt jagħmel pawża fl-issikkar monetarju.

L-isterlina wkoll qed tiffaċċja inċertezza dejjem tikber hekk kif ir-Renju Unit qed iħejji biex joħroġ mill-Unjoni Ewropea bl-ebda sinjali s’issa ta’ ftehim permanenti biex jassigura l-futur ekonomiku tar-Renju Unit mal-Unjoni Ewropea.

Il-ftehim dwar Brexit ma ġiex aċċettat mill-Parlament Ingliż u lbieraħ il-Prim Ministru May tat il-proposti biex tegħleb in-nuqqas ta’ ftehim billi tikseb aktar konċessjonijiet mill-Unjoni Ewropea fuq pjan sabiex jiġi evitat kontroll doganali fl-Irlanda.

Indiċi

L-ishma Ewropej fetħu f’territorju negattiv minħabba tħassib dwar l-espansjoni globali. L-iSTOXX 50 tilef 0.58% bil-Boroż madwar l-Ewropa jitilfu hekk kif numru ta’ rapporti minn kumpaniji ma rnexxielhomx ixejnu s-sentimenti kontra r-riskju.

Anke s-swieq fl-Istati Uniti resqin lejn tnaqqis wara tmiem il-ġimgħa ta’ btala wara li l-Fond Monetarju Internazzjonali naqqas it-tbassir tiegħu.

Id-Dow Jones kiseb xi żieda.

Ishma

L-ishma lokali kienu wkoll f’territorju negattiv bil-Bank of Valletta, il-GO, l-International Hotel Investments, il-PG u t-Trident Estates jitbaxxew fil-prezz.

Bonds

Is-suq tal-bonds lokali kien imħallat bl-ikbar żieda ta’ 1.44% fin-1923 Investments 2024 u tnaqqis ta’ 0.44% fil-Hili Finance Company 2028.

Il-prezzijiet tad-deheb kienu sodi waqt li l-fidda tilfet xi ftit. Id-deheb u l-fidda waqgħu għall-inqas livell fi tlett ġimgħat matul il-lejl.

Aħbarijiet Oħra
Barranin

Muniti L-ewro żdied illum wara diversi stħarriġ wrew li l-attività tan-negozji sorprendentement kienet soda matul Frar, partikolarment fi Franza waqt li d-Dollaru Awstraljan tbaxxa wara li port Ċiniż ipprojbixxa l-importazzjoni…

Barranin

Muniti L-Isterlina żammet ‘il fuq minn $1.29 llum wara li statistika dwar is-suq tax-xogħol wriet li t-tkabbir fil-paga tal-ħaddiema żamm l-istess pass mgħaġġel  fi tmiem l-2018, bl-investituri iffukati mal-ewwel fuq…

Barranin

Muniti li huma meqjusa bħala siguri bħal Yen żdiedu llum wara ċifri batuti dwar il-bejgħ bl-imnut fl-Istati Uniti u hekk kif is-swieq qed jittamaw li jkun hemm żviluppi fit-taħditiet kummerċjali…

Barranin

Muniti L-ewro tilef 0.19% kontra d-dollaru għal $1.1304 wara li kien laħaq l-ogħla rata tas-sessjoni ta’ $1.1342. Il-munita unika kellha pressjoni fuqha minn statistika dwar il-produzzjoni industrijali fiż-żona tal-ewro li…

Aktar