Barranin
Inventarji għolja ta’ fuel u titjib fl-effiċjenza industrijali jwaqqgħu l-prezz taż-żejt

Muniti

Id-dollaru llum ftit li xejn iċċaqlaq kontra l-muniti ewlenin, hekk kif investituri fil-muniti baqgħu kawti qabel il-ħruġ tal-istatistika dwar l-inflazzjoni aktar tard fis-sessjoni, li hija mistennija li tiffissa d-direzzjoni f’terminu qasir li se tieħu l-munita.

Il-munita unika, l-ewro, nhar l-Erbgħa kellha l-ogħla rata f’14-il xahar ta’ $1.1489, wara sentiment li l-Bank Ċentrali Ewropew se jibda jirtira l-politika monetarja laxka aktar kmieni milli maħsub.

Uffiċjal ta’ Mizuho Securities qal li l-ewro żdied wisq matul l-aħħar jiem bil-parteċipanti jbigħu l-munita minħabba ż-żieda ta’ dan l-aħħar. Huwa qal ukoll li l-ewro aktarx ikollu jiżdied minħabba spekulazzjoni li l-Bank Ċentrali Ewropew se jibda jinnormalizza l-politika monetarja tiegħu.

L-isterlina lbieraħ żdiedet għat-tieni jum infila kontra d-dollaru hekk kif l-investituri daħlu fil-munita wara li l-President tal-Federal Reserve, Janet Yellen, dgħajfet lid-dollaru kontra basket ta’ muniti. L-isterlina kienet mgħejjuna wkoll wara li l-membru tal-Bord tal-Bank of England, Ian McCafferty qal lil The Times li l-bank ċentrali għandu jikkonsidra jnaqqas il-programm ta’ llaxkar ta’ 435 miljun lira sterlina aktar kmieni milli huwa ppjanat.

Indiċi

Wall Street kien riesaq lejn żieda fil-ftuħ tan-negozju, għalkemm ħafna jiddependu mis-saħħa tad-dħul mis-settur finanzjarju, kif ukoll mill-istatistika dwar il-produzzjoni industrijali, il-bejgħ bl-imnut u l-inflazzjoni qabel il-bidu tan-negozju.

L-istokks Ewropej kienu mistennija li jiżdiedu għat-tielet sessjoni konsekuttiva fost irkupru fis-swieq globali li wasslu għall-ogħla prezzijiet rekord għall-istokks fost sinjali li l-Federal Reserve se jibdel il-politika tiegħu biss b’pass gradwali.

Komoditajiet                                            

Il-prezzijiet taż-żejt illum waqgħu, minħabba inventarji għolja tal-fuel u titjib fl-effiċjenza industrijali, iżda kienu resqin lejn żieda fuq ġimgħa. Il-prezzijiet bil-quddiem għal Brent, ir-referenza internazzjonali għall-prezzijiet taż-żejt, naqsu 7 ċenteżmi , jew 0.1%, għal $48.35 kull barmil, iżda b’żieda ta’ 3.5% fuq ġimgħa.

Il-prezzijiet tad-deheb illum ftit li xejn inbidlu hekk kif id-dollaru ssoda qabel il-ħruġ ta’ statistika ekonomika Amerikana, iżda d-deheb kien riesaq lejn l-ewwel ġimgħa fi tlieta ta’ qligħ.

Il-ġimgħa d-dieħla

Avveniment importanti għall-ġimgħa d-dieħla hija l-laqgħa tal-Bank Ċentrali Ewropew fl-20 tax-xahar.

Is-sitt membri tal-bank u s-16-il Gvernatur tal-banek ċentrali taż-żona tal-ewro jivvotaw dwar ir-rata tal-interessi. L-investituri jistennew bil-ħerqa u attenzjoni r-rati tal-interess għal terminu qasir għax huma l-fattur primarju fil-valutazzjoni tal-munita. Rata ogħla minn dik mistennija tkun pożittiva għal munita unika waqt li rata baxxa tkun negattiva għal munita unika.

Aħbarijiet Oħra
Barranin

Muniti Id-Dollaru tela’ lejn l-ogħla livell f’din l-aħħar sena fid-dawl ta’ kummenti pożittivi miċ-Chairman tal-Federal Reserve tal-Istati Uniti Jerome Powell dwar is-saħħa tal-ekonomija Amerikana. Minkejja li Powell ma bidilx l-aspettattivi…

Barranin

Iż-żidiet fid-Dollaru din is-sena kienu limitati minħabba tħassib dwar it-tilwima kummerċjali li qed tikber bejn l-Istati Uniti u ċ-Ċina, għalkemm it-tħassib ma fixkilx ir-rendiment solidu tad-dollaru sa issa. Il-Fond Monetarju…

Barranin

Muniti Id-dollaru tbaxxa wara li l-ġimgħa li għaddiet laħaq l-ogħla rata f’ġimgħa f’xahar hekk kif l-investituri kabbru s-sentiment għall-ogħla livell mill-2017, għalkemm it-tħassib li l-irkupru ekonomiku jista’ qed imajna wassal…

Lokali

Lidl Malta, the country’s leading supermarket with eight outlets spread around the Maltese Islands, is celebrating its 10 year anniversary. To mark this milestone, the Company organised a number of…

Aktar