Barranin
Ir-riżenja tal-konsulent ekonomiku ta’ Trump ħalliet effett fuq id-dollaru u d-deheb

Id-dollaru waqa’ aktar minn nofs punt perċentwali kontra l-yen  hekk kif it-tluq ta’ Gary Cohn, il-konsulent ekonomiku ewlieni  għall-President Trump, qajjem tħassib li t-tensjonijiet dwar gwerra kummerċjali dinjija daħlu f’fażi ogħla ġdida.

L-Isterlina tbaxxiet għall-aktar livell dgħajjef kontra l-ewro minn Novembru, hekk kif l-investituri tħassbu dwar l-abbilità tar-Renju Unit li jikseb ftehim favorevoli għall-ħruġ mill-Unjoni Ewropea, qabel żewġ diskorsi dwr il-Brexit aktar tard fil-jum.

Id-Dollaru Awstraljan u dak ta’ New Zealand daħlu f’inkwiet hekk kif l-investituri qed jibżgħu minn tħassib dwar ir-riskju ta’ gwerra kummerċjali dinjija, waqt li ċifri dgħajfa ekonomiċi Awstraljan komplew jgħarrqu l-qagħda.

L-ewro kien l-aktar b’saħħtu kontra l-munita Kanadiża waqt li tilef xi ftit kontra l-yen.

Indiċijiet

L-ishma Ewropej fetħu baxxi wara r-riżenja ta’ Cohn, li kien meqjuż bħala avversarju qawwi tal-forzi protezzjonisti fil-Gvern Amerikan. Bosta swieq u setturi Ewropej kienu baxxi, bid-DAX jitlef l-aktar, 0.7%, għalkemm wara irkupra u daħal f’territorju pożittiv.

Il-manifattur tal-ajruplani Brittaniku, ir-Rolls-Royce RR.L kien l-aħjar li mar fl-indiċi Stoxx b’żieda ta’ 8.5% wara li ħabbar li jinsab fi triq tajba biex jissodisfa l-miri finanzjarji tiegħu għall-2020. L-indiċijiet fl-Istati Uniti fetħu f’territorju negattiv bid-Dow Jones jiftaħ bit naqqis ta’ 1%.

Prodotti Essenzjali

Il-prezzijiet taż-żejt mhux raffinat żdied mas-swieq finanzjarju fl-Istati Uniti fuq tbassir ta’ tkabbir qawwi fid-domanda  u tħassib li l-produzzjoni mill-produtturi tal-OPEC ser tikber b’pass inqas fis-snin li ġejjin.

Il-prezzijiet tad-deheb tbaxxew minħabba bejgħ biex jinkiseb il-qligħ wara li kien laħaq l-ogħla livell f’ġimgħa aktar qabel wara l-aħbar tat-tluq tal-ekonomista ewlieni ta Trump . Dan qajjem aktar biża ta’ gwerra kummerċjali li laqtet ħażin lid-dollaru.

Aħbarijiet Oħra
Barranin

Muniti Il-par ewlieni ta’ muniti jidher ftit li xejn entużjasti fil-bidu tal-ġimgħa. Is-suq irnexxielu jirkupra wara l-istatistika dgħajfa tal-ġimgħa li għaddiet: tbaxxa l-interess tal-investituri fid-dollaru bħala assi sigur, iżda xorta…

Barranin

Fis-swieq tal-kambju, l-Ewro baqa’ mwaħħal fil-firxa bejn $1.13 u $1.14 matul l-aħħar jiem, jum wara li l-Bank Ċentrali Ewropew temm l-iskema ta’ xiri ta’ 2.6 Triljun Ewro f’bonds. Il-Bank iżda…

Barranin

L-Ewro għal ftit ħin wera żieda hekk kif avvanzaw il-bonds Taljani wara rapport li l-Italja aktarx tipproponi defiċit ta’ 2% għas-sena d-dieħla, li tkun konċessjoni lejn l-Unjoni Ewropea. L-ewro wara…

Barranin

Muniti Id-dollaru kien aktar baxx kontra l-parti l-kbira tal-muniti tal-Grupp tal-10 hekk kif il-Yen u l-Frank Żvizzeru avvanzaw minħabba tħassib dwar il-kummerċ, waqt li l-Isterlina ssaħħet għax l-investituri biegħu l-munita…

Aktar