Barranin
Is-sitwazzjoni tal-Italja taffettwa ħażin l-Ewro

L-Ewro tilef iż-żidiet bikrin tiegħu u daħal f’territorju negattiv wara li l-President tal-Italja beda l-passi biex il-pajjiż ikollu elezzjoni ġenerali ġdida, u dan qajjem tħassib li rotta bħal din tista’ twassal għal mandatt aktar b’saħħtu għall-partiti populisti.

Id-Dollaru Kanadiż idgħajjef għall-inqas rata fi tliet ġimgħat kontra dak Amerikan hekk kif tbaxxew il-prezzijiet taż-żejt u qabel mal-Bank of Canada jieħu deċiżjoni dwar ir-rati tal-interessi nhar l-Erbgħa.

Id-dollari tal-Awstralja u ta’ New Zealand baqgħu qrib l-ogħla rati għall-bosta ġimgħat kontra l-ewro, hekk kif il-munita unika sofriet telfiet qawwija minħabba t-taqliba politika fl-Italja u fi Spanja u statistika ekonomika dgħajfa mill-Ġermanja.

Indiċi

Irkupru fl-ishma Taljani kien qasir  hekk kif l-investituri qed jitħassbvu dwar l-inċertezzi quddiem il-pajjiż b’elezzjoni oħra fuq l-orizzont wara li sfrattaw il-pjanti tal-partiti populisti li jiffurmaw gvern.

L-iSTOXX 50 tilef 1% u kien segwit mid-DAX u l-CAC 40 li tilfu aktar minn 0.5%. L-unika żieda dehret fil-FTSE 100 li kienet ta’ 0.2%.

Ishma lokali

Illum kien jum attiv fis-sesssjoni tal-ishma lokali. Il-Malita Investments żdiedu b’44.23% u għalaq €0.84. Il-Malta International Airport u l-Malta Properties Company żdiedu 2.86% u 0.58% rispettivament. Kien hemm tnaqqis fl-ishma ta’ Simonds Farsons Cisk u t-Tigne Malta iżda l-akbar tnaqqis kien ta’ aktar minn 10% fit-Trident Estates.

Bond lokali

Fil-qasam tal-bonds iż-żidiet kienu aktar razzjonali bl-SD Finance u l-Eden Finance jiżdiedu b’aktar min-nofs fil-mija waqt li l-Bortex Group tilfu 0.71% u telf ta’ 2.5% rreġistrat fil-Bank of Valletta.

Il-prezzijiet taż-żejt tbaxxew, u estendew it-telf kbir li qed ikollhom, hekk kif l-Arabja Sawdija u r-Russja qalu li huma jistgħu jżidu l-provvista u hekk kif il-produzzjoni fl-Istati Uniti mhux qed turi sinjali li ser titnaqqas.

Il-prezzijiet tad-deheb tilfu matul in-negozju Ewropew u d-deheb kien qed jiġi nnegozjat f’$1,297.89 kull uqija. Il-prezzijiet tad-deheb waqgħu wara li l-biża ġeopolitika naqset wara l-istqarrija ta’ Trump li wara kollox il-laqgħa għolja mal-Korea t’ Fuq ser issir.

Aħbarijiet Oħra
Barranin

Id-Dollaru llum kien riesaq lejn tnaqqis żgħir wara li kien laħaq l-ogħla rata f’sentejn minħabba dħul inqas mill-bonds tal-Gvern Amerikan hekk kif l-investituri qed jibżgħu li t-tilwima kummerċjali bejn l-Istati…

Barranin

Muniti Id-Dollaru żamm qrib l-ogħla rata f’xahar illum hekk kif it-tensjonijiet kummerċjali bejn l-Istati Uniti u ċ-Ċina baqgħu għoljin qabel ma l-minuti tal-Federal Reserve jagħtu ħjiel dwar x’kien wassal lill-mexxejja…

Barranin

Muniti Id-Dollaru llum żamm iż-żidiet li kellu l-ġimgħa li għaddiet hekk kif l-investituri qed jistennew il-minuti tal-laqgħa tal-Federal Reserve li jistgħu jagħtu aktar ħjiel dwar x’wassal biex id-diretturi jieħdu atteġjament…

Barranin

Id-Dollaru żamm qrib l-ogħla rata f’ġimagħtejn kontra l-muniti rivali, sostnut minn statistika ekonomika tajba ferm mill-Istati Uniti u żieda fid-dħul tal-bonds tat-Teżor. L-indiċi tad-Dollaru kontra grupp ta’sitt muniti ewlenin ftit…

Aktar