Barranin
Is-swieq dinjin b’negozju fqir qabel il-Milied

Muniti

Id-dollaru Awstraljan illum żamm sod qrib l-ogħla rata f’erba’ xhur u nofs minħabba l-ottimiżmu dwar ir-relazzjonijiet kummerċjali bejn l-Istati Uniti u ċ-Ċina, waqt li l-Isterlina kienet fuq id-difiża hekk kif reġgħu tfaċċaw il-beżgħat dwar tluq kaotiku mill-Unjoni Ewropea. Madankollu l-movimenti kienu aktarx timidi hekk kif is-swieq kellhom negozju fqir qabel il-Milied. L-ewro tbaxxa xi ftit mal-muniti kollha bl-akbar tnaqqis ikun kontra l-Isterlina.

Indiċi

L-ishma dinjin kienu qrib l-ogħla prezzijiet rekord u baqgħu mexjin lejn l-aħjar sena f’10 snin, hekk kif l-aħħar wegħdiet ta’ illaxkar monetarju miċ-Ċina żiedu mal-ottimiżmu mqanqal minn sinjali ta’ ftehim fit-tilwima kummerċjali ta’ 17-il xahar mal-Istati Uniti.

L-ishma Ewropew kienu wkoll qrib il-livelli għolja rekord f’ġimgħa ta’ negozju mqassra minħabba l-btajjel, mgħejuna minn ottimiżmu dwar il-prospetti ekonomiċi globali fost il-progress fit-taħditiet bejn l-Istati Uniti u ċ-Ċina.

L-ishma Ġappuniżi baqgħu bla moviment qabel il-btajjel tal-Milied, hekk kif xi investituri biegħu l-assi sabiex jiksbu l-profitti wara l-aħħar żidiet imqajma mill-ftehim preliminari bejn l-Istati Uniti u ċ-Ċina.

Commodities

Il-prodotti essenzjali kienu negozjati pożittivament.

Il-prezzijiet taż-żejt żdiedu f’negozju baxx qabel il-Milied wara li l-Ministru tal-Enerġija Russu qal li l-kooperazzjoni mal-OPEC biex ikun sostnut is-suq ser tkompli u hekk kif analisti qed ibassru tnaqqis għat-tieni darba fil-ħażniet taż-żejt mhux raffinat fl-Istati Uniti.

Il-metalli prezzjużi komplew bl-irkupru tagħhom, u komplew iżidu mal-prestazzjoni pożittiva tal-bieraħ. Il-fidda kompliet tmur aħjar mid-deheb għax kellha d-doppju taż-żieda tad-deheb.

Aħbarijiet Oħra
Barranin

Muniti Id-dollaru Amerikan tilef iż-żidiet bikrin illum bl-investituri fil-muniti ma jagħtux każ it-tensjonijiet diplomatiċi bejn l-Istati Uniti uċ-Ċina u ż-żieda fil-każi tal-coronavirus. Waqt li s-swieq finanzjarji għal bidu tbaxxew hekk…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Il-yen tela’ għall-ogħla rata f’ġimagħtejn u muniti sensittivi għar-riskju tbaxxew wara żieda fl-infezzjonijiet ġodda…

Barranin

Muniti Id-dollaru Amerikan llum tbaxxa kontra l-parti l-kbira tal-muniti hekk kif rkupru f’assi riskjużi bħall-ishma globali u prodotti essenzjali naqqsu d-domanda għall-munita Amerikana meqjusa bħala sikura. L-ewro żdied 0.1% għal…

Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Aktar