Barranin
It-tensjonijiet bejn l-Istati Uniti u l-Arabja Sawdija jaffettwaw lid-Dollaru

Id-Dollaru tbaxxa għall-inqas livell f’ġimagħtejn waqt in-negozju bikri llum fi New York qabel ma rkupra xi ftit; il-munita tilfet iż-żidiet ta’ nhar il-Ġimgħa fost ħjiel mill-President Trump dwar aktar tariffi kontra ċ-Ċina u tħassib dwar it-tensjonijiet li qed jiżdiedu mal-Arabja Sawdija li qed isostnu l-prezzijiet taż-żejt.

Is-Segretarju tat-Teżor Amerikan Steven Mnuchin sejjaħ sabiex klawsula dwar il-munita tkun miżjuda ma’ kull ftehim kummerċjali bejn l-Istati Uniti u l-Ġappun li dwar iż-żewġ naħat mistennija jibdew jinnegozjaw aktar tard dan ix-xahar.

Ir-rata tal-Isterlina kontra d-Dollaru ftit li xejn inbidlet minn $1.3156, bl-Isterlina lura fost il-parti l-kbira tal-muniti tal-G-10 hekk kif it-taħditiet dwar il-Brexit jinsabu weqfin qabel id-diskors lill-Parlament mill-Prim Ministru Theresa May. Il-Prim Ministru Irlandiż Leo Varadkar għadu ottimist li fl-aħħar mill-aħħar ser jintlaħaq ftehim għalkemm ir-Renju Unit u l-Unjoni Ewropea għadhom ma laħqux ftehim dwar il-kwistjoni tal-fruntiera.

L-Isterlina llimitat it-telf wara tmiem il-ġimgħa ta’ taħditiet bla riżultati fuq konvinzjoni li r-Renju Unit u l-Unjoni Ewropea fl-aħħar mill-aħħar ser jilħqu ftehim biex jevitaw firda kaotika.

L-Isterlina ftit inbidlet sa nofs dalgħodu f’Londra hekk kif persuni familjarji mal-materja qalu li mhux ser ikun hemm aktar tentattivi biex ikun riżolt in-nuqqas ta’ ftehim qabel s-summit tal-UE nhar l-Erbgħa. In-nuqqas ta’ ftehim tal-bieraħ ikompli jżid il-pressjoni fuq il-mexxejja biex jirrisolvu d-differenzi tagħhom, bin-Nomura International tara progress aktar mgħaġġel hekk kif l-baġit tar-Renju Unit ikun approvat fi żmien ġimgħatejn.

Indiċi

Id-Dow Jones fetaħ b’żieda ta’1.15% b’kuntrast mal-Ewropa fejn kien hemm tnaqqis fl-indiċijiet kollha. L-akbar tnaqqis kien ta’ 0.46% fl-iSTOXX 50. It-Topix tal-Ġappun tilef 1.59% waqt li l-indiċi lokali żdied b’0.79%.

Ishma

L-ishma tal-Malta Properties Company żdiedu b’5% waqt li l-MIDI u l-FimBank żdiedu bi 2.9% u kważi 2% rispettivament. Il-Mapfre Middlesea wrew żieda ta’ 1%. Il-Maltapost tilfu 1.83% u l-Bank of Valletta naqsu bi 2%.

Bonds

Fis-sessjoni tal-bonds lokali, dawn kienu ugwalment bilanċjati bil-Mediterranean Investments Holdings u n-1923 Investments żdiedu madwar 1.5% kull wieħed segwiti mill-International Hotel Investments 2026 (It-Tieni Ħruġ) b’0.54%.

Il-GlobalCapital, Von der Heyden Group Finance u l-International Hotel Investments 2026 tilfu bejn nofs punt perċentwal u 1%.

Commodities

Il-prodotti essenzjali llum kienu pożittivi bil-Brent, id-deheb u l-fidda kollha jiżdiedu b’aktar minn 1%, waqt li ż-żejt mhux maħdum żdied b’0.9%, kważi jilħaq il-prestazzjoni tal-kompetituri.

Aħbarijiet Oħra
Barranin

Id-dollaru ssoda llum iżda xorta kien fuq id-difiża wara li uffiċjali tal-Federal Reserve saħħew l-aspettattiva ta’ tnaqqis aggressiv fir-rati tal-interessi dan ix-xahar biex jindirizzaw il-pressjonijiet dgħajfa mill-prezzijiet. F’konferenza tal-bank ċentrali,…

Barranin

Muniti L-Isterlina tbaxxiet għal inqas minn $1.24 illum, livelli li qatt ma kienet fihom għal aktar minn sentejn, hekk kif l-investituri komplew jistudjaw ir-riskji li qed jikbru li r-Renju Unit…

Barranin

Muniti L-ewro llum baqa’ fil-firxa riċenti ta’ negozju kontra d-dollaru, bil-progress tiegħu limitat mill-aspettattiva dwar pożizzjoni mhux aggressiva tal-bank Ċentrali Ewropew il-ġimgħa d-dieħla u wara li l-investituri saru inqas aggressivi…

Barranin

L-ewro kien ftit aktar b’saħħtu fil-livell ta’ $1.1264 iżda ftit inqas mill-$1.1285 li laħaq nhar il-Ħamis qabel ma ħarġet id-dejta dwar l-inflazzjoni fl-Istati Uniti. Id-dollaru kien b’saħħtu l-Ġimgħa wara li…

Aktar