It-tħassib dwar Brexit bla ftehim jaffettwa lill-Isterlina

L-Isterlina llum baqgħet qrib l-inqas rata f’sentejn u nofs għax it-tħassib dwar Brexit bla ftehim ddomina s-sentiment minkejja statistika li wriet li t-tkabbir fil-pagi fir-Renju Unit tela’ għall-ogħla livell fi 11-il sena.

Il-Yen baqa’ qrib l-ogħla rata f’seba’ xhur u d-dollaru appoġġjat, hekk kif l-investituri, inkwetati bil-gwerra kummerċjali bejn l-Istati Uniti u ċ-Ċina, bil-protesti f’Ħong Kong u l-waqgħa tal-peso Arġentin sabu rifuġju f’assi sikuri.

Uffiċjal anzjan fil-People’s Bank of China qal li l-Yuan bħalissa jinsab f’livell xieraq u ċ-ċaqliq fuq iż-żewġ naħat mhux bilfors li jikkawża flussi kapitali diżordinati. Il-Fond Monetarju Internazzjonali wkoll ta l-opinjoni dwar il-yuan u qal li la hija valutati għolja b’mod sinfikanti u lanqas żvalutati b’mod simili.

Indiċi

Is-swieq finnzjarji madwar id-dinja, diġà imkissra mill-biża’ li l-Istati Uniti u ċ-Ċina jista’ ma jtemmux it-tilwima kummerċjali iebsa fi żmien qasir, kienu milquta ħażin ukoll bil-kraxx tal-munita Arġentina, l-inkwiet li kiber f’ĦongKong u l-inkwiet politiku fl-Italja.

Is-swieq tal-ishma tbaxxew għat-tielet jum wara l-ieħor fil-ftuħ tagħhom hekk kif il-biża’ dwar gwerra mġebba kummerċjali, il-protesti f’ĦongKong u l-waqgħa tal-munita Arġentina żammew lill-investituri miġbura fil-kenn sikur tal-bonds, id-deheb u l-yen.

L-indiċi Ġermaniż id-DAX kien qed jinnegozja 1% inqas wara nofsinhar wara rendiment negattiv fit-Topix tal-Ġappun.

L-indiċijiet Ewropej imbagħad segwew l-indiċijiet fl-Iststi Uniti, li fetħu ftit ogħla, u kisbu lura t-telf, hekk kif l-Istati Uniti ddeċidiet li ddewwem tariffi ġodda fuq prodotti Ċiniżi.

L-ishma lokali kienu mxaqilba lejn territorju negattiva bl-ishma fin-naħa negattiva d-doppju ta’ dawk li kienu f’territorju pożittiv. Barra dan, il-kobor tat-tnaqqis kien bil-bosta akbar miż-żidiet. Il-Malita Investments u l-HSBC Bank Malta żdiedu b’1.19% u 0.67% rispettivament. L-RS2 Software tilef 0.5% waqt li l-Bank of Valletta u l-International Hotel Investments tilfu madwar 1%. Simonds Farsons Cisk tilfu 3%.

Bonds

Ix-xena fil-bonds lokali kienet l-oppost tal-ishma fejn kien hemm erba’ bonds b’żieda u tnejn bi tnaqqis. Il-GlobalCapital, l-Intertnational Hotel Investments u l-Hili Properties kollha żdiedu b’aktar minn 1%. Il-Best Deal Properties u l-SD Finance tilfu madwar 0.25%.

Il-ġirja lejn is-sikurezza fl-investment ikkawżat żieda ta’ 0.92% fil-prezz tad-deheb għal $1.525 li huwa l-ogħla fl-aħħar sitt snin. Sadattant il-fidda marret aħjar b’żieda ta’ aktar minn 2%.

Iż-żejt kien qed jiġi nnegozjat aktar baxx bil-Brent jitlef 0.67% u dak mhux raffinat qrib il-1%.

Aħbarijiet Oħra

L-ewro estenda ż-żidiet tiegħu llum lejn l-ogħla livell f’xahrejn hekk kif l-investituri stennew għat-tweġiba tal-President Trump għall-kontroll li qed  jiżdied miċ-Ċina fuq Hong Kong, li jista’ jkompli jħażżen it-tensjonijiet bejn…

Barranin

Muniti  L-ewro kien sod llum hekk kif l-investituri ddubitaw dwar kemm ser jitwettaq il-pjan tal-Unjoni Ewropew ta’ €750 Biljun biex issostni lill-ekonomija. Il-Kummissjoni Ewropea ħabbret il-pjan ilbieraħ biex tappoġġa lill-ekonomiji…

Barranin

 L-ewro kien reisaq lejn l-ogħla rata f’xahrejn wara li l-Kummissjoni Ewropea pproponiet pakkett ta’ rkupru ekonomiku li jiswa €1.85 Triljun. L-ewro tħabat mindu waqa’ f’Marzu meta l-investituri marru għad-dollaru. Iżda…

Barranin

Muniti  L-ewro ngħata spinta llum minn dollaru aktar dgħajjef hekk żieda fl-ottimiżmu dwar rkupru globali mill-pandemija sostniet muniti aktar riskjużi. Il-movimenti, iżda ma laħqux dawk tas-suq tal-ishma hekk kif it-tensjonijiet…

Aktar