Barranin
It-tilwim bejn iċ-Ċina u l-Amerka qed jaffettwa s-swieq taż-żejt
Il-muniti ewlenin illum kienu f’mumenti iebsin hekk kif ipprevaliet il-kawtela qabel l-implimentazzjoni mill-Gvern Amerikan tat-tariffi kontra prodotti Ċiniżi u r-rapport tal-impjiegi fl-Istati Uniti.
L-Istati Uniti mistennija li tibda tiġbor it-tariffii fuq $34 biljun fi prodotti Ċiniżi. Il-fokus issa ntefa’ fuq kif iċ-Ċina ser tirritalja u l-volatilità potenzjali li tista’ tikkawża fis-swieq finanzjarji internazzjonali. L-Ewro żdied b’0.22% għal $1.1715.
 
L-Ewro żdied ukoll b’0.10% kontra l-Isterlina, 0.21% kontra l-Yen u 0.09% kontra l-Frank Żvizzeru.
 
L-indiċi Ewropej kollha kienu f’territorju pożittiv bil-FTSE 100 jiżdied b’0.31%, id-DAX b’0.15%, l-iSTOXX 50 b’0.25% u l-CAC 40 b’0.92%.
 
Il-prezzijiet taż-żejt bdew jilgħabu f’negozju nervuż illum hekk kif l-Istati Uniti imponew tariffi fuq prodotti Ċiniżi bil-ġlieda kummerċjali li qed tikber bejn l-akbar żewġ ekonomiji fid-dinja. Il-prezz tbaxxa għall-bidu flimkien mas-swieq finanzjarji fl-Asja. It-tilwima qed ikollha effett fuq is-swieq taż-żejt.
 
Il-prezz tal-brent tilef 0.27% għal $77.33 kull barmil waqt li l-US Light crude żdied b’0.25% għal $73.12%.
 
Il-prezz tad-deheb tbaxxa għal $1,256.26 kull uqija waqt li l-fidda tbaxxiet b’0.25%.
 
Il-Ġimgħa d-Dieħla
 
L-istatistika li mistennija l-ġimgħa d-dieħla tinkludi r-rati tal-qgħad fl-Iżvizzera nhar id-9 ta’ Lulju, id-deċiżjoni dwar ir-rati tal-interessi mill-Bank of Canada fil-11 u l-inflazzjoni fl-Istati Uniti fit-12 ta’ Lulju.
Aħbarijiet Oħra
Barranin

Muniti Id-Dollaru reġa’ waqa’ għall-inqas livell f’seba’ ġimgħat kontra grupp ta’ muniti ewlenin hekk kif naqas it-tħassib dwar l-impatt tat-tilwima kummerċjali bejn iċ-Ċina u l-Istati Uniti. Is-swieq finanzjarji issa qed…

Barranin

Id-Dollaru resaq lejn l-inqas rata f’seba’ ġimgħat kontra grupp ta’ muniti oħrajn, waqt li l-muniti bbażati fuq l-prodotti essenzjali avvanzaw wara serħan li l-aħħar rawnd ta’ tariffi mħabbra miċ-Ċina u…

Barranin

Muniti Id-Dollaru żamm qrib l-inqas rati f’seba’ ġimgħat kontra r-rivali tiegħu waqt li muniti riskjużi żdiedu wara li l-President Trump kabbar it-tilwima maċ-Ċina bl-impożizzjoni ta’ tariffi ta’ 10% fuq madwar…

Barranin

Id-Dollaru llum tilef iż-żidiet bikrija u tbaxxa waqt li l-muniti tas-swieq emerġenti tilfu kważi nofs punt perċentwali hekk kif l-investituri qed jistennew il-mossa li tmiss fit-tilwima kummerċjali bejn l-Istati Uniti…

Aktar