Lokali
Ix-Xara Palace terġa’ tikseb l-unuri

Ix-Xara Palace, li tifforma parti mill-għaqda Relais & Chateaux, hija l-unika boutique hotel li tinsab fil-Belt Medjevali tal-Imdina u jista’ jingħad li kienet l-ewwel lukanda tax-xorti tagħha fuq din il-gżira.

F’Lulju li ġej, se tiċċelebra l-20 anniversarju mill-inawgurazzjoni tal-ftuħ tagħha u għal darb’oħra, tista’ terġa’ tiftaħar bit-titlu li kisbet bħala l-Boutique Hotel ewlenija fil-pajjiż. Dan it-titlu kisbitu waqt is-26 edizzjoni tal-World Travel Awards 2019, liema serata saret fil-Palazz Belmond Reid f’Madeira, il-Portugall.

Il-lukanda li hija wkoll meqjusa bħala palazz tas-seklu 17, hija mmexxija mill-familja Zammit Tabona u ngħatat wiċċ ġdid fl-2018 hekk kif ġiet irrestawrata. Fiha wieħed isib 17-il kamra ddisinjati b’mod uniku u li jgawdu minn veduta mill-isbaħ tal-gżejjer Maltin.

Il-palazz huwa meqjus prestiġjuż anke fost rivisti u ġurnali barranin hekk kif mit-Telegraph, ġie elenkat fost l-aqwa 5 lukandi f’Malta, fost oħrajn.

Mingħajr l-ebda dubju, il-lukanda ma għamlitx isem biss bl-isbuħija arkitettonika tagħha jew il-lokalità li tinsab fiha iżda wkoll bis-servizz impekkabbli u l-ikel mill-ifjen li toffri.

Dan it-tagħrif ġie miġbur mill-kumpanija Xara Palace.

Aħbarijiet Oħra
Barranin

Muniti L-ewro tħabat biex żamm qrib l-inqas rata fi tliet snin hekk kif l-investituri huma mħassba dwar it-tnaqqis fit-tkabbir fir-reġjun, waqt li l-isforzi Ċiniżi biex jillimitaw il-ħsara mill-coronavirus jidher li…

Barranin

Muniti L-ewro tbaxxa għall-inqas rata f’erba’ snin u nofs kontra l-Frank Żvizzeru llum u l-yen issaħħaħ hekk kif l-investituri fittxew assi sikuri wara li l-provinċja ta’ Hubei fiċ-Ċina, l-epiċentru tal-coronavirus,…

Barranin

Muniti Tnaqqis fir-rata tal-ewro kontra d-dollaru għall-inqas rata f’erba’ xhur qajjem il-prospett tal-ipprezzar mill-ġdid ta’ waħda mill-fatturi makro-ekonomiċi tad-dinja u potenzjalità ta’ rata mill-ġdid tad-dollaru madwar il-globu. Wara li kienet…

Lokali

Id-dollaru żamm qrib l-ogħla rata tiegħu kontra l-yen wara statistika ekonomika tajba mill-Istati Uniti qabel ma joħroġ ir-rapport ewlieni dwar l-impjiegi. Il-yuan tbaxxa u s-swieq finanzjarji baqgħu fuq ix-xwiek hekk…

Aktar