Barranin, Lokali
Jaqgħu l-prezzijiet taż-żejt qabel il-laqgħa tal-OPEC

Muniti Kontra l-Ewro

L-ewro rkupra mill-inqas rata kontra l-yen negozjata llum fl-Asja, bl-investituri jwarrbu min-nofs ir-riskji politiċi tan-nuqqas tal-Kanċillier Angela Merkel li tifforma koalizzjoni bejn tliet partiti. L-isterlina żdiedet nofs fil-mija għall-ogħla rata f’ġimagħtejn u nofs, bl-aħbarijiet ta’ tmiem il-ġimgħa dwar il-progress tan-negozjati fuq il-Brexit interpretati bħala xi ftit pożittivi għall-munita Ingliża.

Indiċi

Fil-ftuħ tan-negozju, id-Dow Jones fetaħ 0.30% ogħla. L-indiċi maġġuri l-oħra wkoll zżdiedu. Il-FTSE 100, l-iSTOXX 50 u d-Dax żdiedu b’0.13%, 0.43% u 0.69% rispettivament.

Ishma Lokali

Is-suq tal-ishma lokali llum ftit li xejn kien attiv. Simonds Farsons Cisk u l-MIDI żdiedu b’1.61% u 1.54% rispettivament. Min-naħa l-oħra, il-Mapfree Middlesea u l-GlobalCapital għalqu f’territorju negattiv b’4.42% u 4.76% rispettivament.

Bonds lokali

Min-naħa l-oħra is-suq tal-bonds lokali kien attiv ħafna. Il-Hal Mann Vella Group 2024 u l-Pendergardens Developments 2022 żdiedu bi 2.87% u bi 2.73% rispettivament. L-International Hotel Investments 2025 tilfu 2.75%.

Indikaturi Ekonomiċi

L-indiċi tal-prezzijiet tal-produttur Ġermaniz ma nbidilx minn xahar għal xahar għal 0.30%. Madankollu l-indiċi minn sena għal sena tilef 0.40% minn 3.10% għal 2.70%.

Prodotti Essenzjali

Il-prezzijiet taż-żejt waqgħu llum hekk kif l-investituri kellhom approċċ kawt qabel il-laqgħa tal-OPEC il-ġimgħa d-dieħla, fejn mistenni tkun diskussa estensjoni għat-tnaqqis fil-produzzjoni. Id-deheb tbaxxa wkoll, hekk kif żdied id-dollaru, iżda l-prezzijiet xorta baqgħu qrib l-ogħla f’xahar milħuqa l-ġimgħa li għaddiet hekk kif l-inċertezza politika fl-Istati Uniti ddominat is-sentiment.

Aħbarijiet Oħra
Barranin

L-irkupru tad-Dollaru llum waqaf hekk kif id-dħul mill-bonds tat-Teżor tbaxxa wara żieda qawwija fil-munita minħabba t-tnaqqis tat-tensjoni kummerċjali bejn l-Istati Uniti u ċ-Ċina. L-Isterlina ssaħħet kontra l-Ewro ġeneralment aktar b’saħħtu…

Barranin

Id-dollaru żdied għall-ogħla rata f’ħames xhur illum hekk kif tnaqqas it-tħassib dwar gwerra kummerċjali bejn l-Istati Uniti u ċ-Ċina, u dan ħajjar l-investituri biex ikabbru s-sentiment favur il-munita Amerikana. L-investituri…

Barranin

L-Ewro llum tbaxxa għall-inqas rata f’ħames xhur għax l-investituri qed juru tħassib dwar it-talbiet tal-partiti populisti li mistennija jiffurmaw gvern fl-Italja u hekk kif żieda ġdida fid-dħul tal-bonds tat-Teżor Amerikan…

Barranin, Lokali

L-ewro baqa’ mwaħħal qrib l-inqas rata wara l-aħbar ta’ tkabbir ekonomiku dgħajjef aktar milli mistenni fil-Ġermanja u żieda fid-dħul mill-bonds tat-Teżor Amerikan għenet lid-dollaru jirkupra wara pawsa fiż-żidiet. Is-saħħa tad-dollaru…

Aktar