Barranin
Jgħid li r-Renju Unit ser joħroġ mill-UE f’Ottubru jintlaħaq jew ma jintlaħaqx ftehim

Muniti

L-isterlina llum żdiedet xi ftit biex żammet ‘il fuq mill-inqas rati riċenti għalkemm baqgħet vulnerabbli għax l-investituri xorta huma mħassba li r-Renju Unit ser joħroġ mill-Unjoni Ewropea bla ftehim. Matul il-lejl, l-isterlina tbaxxiet għall-inqas livell fi 23 xahar kontra l-ewro, l-aktar minħabba s-saħħa tal-ewro aktar milli mit-tħassib dwar il-Brexit. Il-Prim Ministru Boris Johnson qal li r-Renju Unit ser joħroġ mill-Unjoni Ewropea fil-31 ta’ Ottubru jsir ftehim jew le.

Ir-riskju ta’ Brexit bla ftehim kiber fil-ġimgħat riċenti taħt Johnson, li wassal biex l-isterlina jkollha l-inqas rata f’aktar minn sentejn.

L-isterlina llum żdiedet b’0.3% kontra d-dollaru għal €1.2173, lil hinn mill-inqas rata f’31 xahar ta’ $1.2080 milħuqa l-ġimgħa li għaddiet. Kontra l-ewro, l-isterlina rkuprat mill-inqas rata f’sentejn ta’ 92.49 pence biex laħqet 92.06, żieda ta’ 0.2% iżda wara tbaxxiet għal 0.9174.

Indiċi

L-ishma fl-Ewropa ssodaw illum wara l-akbar tnaqqis fi tliet snin, hekk kif statistika tajba mill-Ġermanja berrdet xi ftit in-nervi minħabba t-tilwima bejn l-Istati Uniti u ċ-Ċina. Investituri qalu li l-bejgħ xprunat mill-waqgħa simbolika tal-munita Ċiniża lbieraħ naqas għalissa, iżda s-sentiment baqa’ inċert.

L-ishma fl-Istati Uniti żdiedu mmexxija minn żidiet fl-ishma tat-teknoloġija, hekk kif iċ-Ċina daħlet biex tistabilizza lill-munita, jum wara li l-indiċi ewlenin f’Wall Street kellhom l-akbar waqgħa tas-sena.

Ishma

Fl-ishma lokali, il-FIMBank żdiedu b’6.15%, il-MIDI b’7.69%, il-Malta Properties Company bi 2.21% u l-RS2 Software b’0.51%. Il-Malta International Airport tilfu 3.23%, il-Bank of Valletta 1.83% u l-HSBC Bank 0.65%.

Bonds

Fis-sessjoni tal-bonds lokali, il-Global Capital 2021 tilfu 2.24%; l-AX Investments 2024, 2.65%; l-Izola Bank 2025 2.06%; l-SD Finance 2027 żdiedu b’1.46%; l-iStivala Group Finance 2027 tilfu 0.39%; Hili Finance Company 2028 żdiedu b’0.50% u l-Bank of Valletta 2030 (it-tieni ħruġ) tilfu 0.99%.

Il-prezzijiet taż-żejt irkupraw ftit illum mill-waqgħat kbar riċenti, iżda l-Brent baqa’ qrib l-inqas prezz f’7 xhur ta’ madwar $60 kull barmil minħabba t-tensjoni kummerċjali dejjem tikber bejn l-Istati Uniti u ċ-Ċina. Il-Brent tbaxxa aktar minn 9% fil-ġimgħa li għaddiet bil-President Trump jgħid li ser jimponi aktar tariff fuq iċ-Ċina u ċ-Ċina tirritalja kontra l-prodotti agrikoli Amerikani.

Aħbarijiet Oħra
Barranin

Din hija l-ġabra ta’ aħbarijiet finanzjarji ta’ kull nhar ta’ Ġimgħa miġbura minn BNF Bank. Muniti Id-dollaru kien imwaħħal f’firxa dejqa, sostnut mill-flussi f’assi sikuri hekk kif il-qawmien mill-ġdid tal-coronavirus…

Barranin

Id-dollaru llum tbaxxa għall-inqas rata f’ġimgħa kontra r-rivali tiegħu hekk kif statistika ekonomika tajba mill-Istati Uniti u mill-Ewropa saħħew is-sentiment ta’ riskju, b’tamiet għal vaċċin kontra l-Covid-19 ikomplu jgħinu s-sentiment….

Barranin

Muniti Statistika ekonomika Ewropea tajba xprunat is-sentiment ta’ riskju llum, waqt li tilef l-ewro u l-indiċi tad-dollaru żdied xi ftit hekk kif  is-swieq finanzjarji bbilanċjaw tamiet għal rkupru ekonomiku globali…

Barranin

Muniti Grupp ġdid ta’ statistika ekonomika ħażina żammet lill-ewro u lill-isterlina taħt pressjoni hekk kif tbaxxa s-sentiment minħabba l-biża’ ta’ postijiet ġodda ta’ imxija qawwija tal-COVID-19 madwar id-dinja u li…

Aktar